ശബരിമല വിഷയത്തില് കെ.പി.സി.സി നേതൃത്വത്തെ കോണ്ഗ്രസ് അധ്യക്ഷന് രാഹുല്ഗാന്ധി വെട്ടിലാക്കി, ശബരിമലയില് സ്ത്രീകളുടെ സ്വാതന്ത്ര്യത്തെ അംഗീകരിക്കുന്നെന്നും അതേസമയം ആചാരങ്ങളെയും വിശ്വാസങ്ങളെയും മാനിക്കുന്നെന്നും അദ്ദേഹം പറഞ്ഞു
ശബരിമല വിഷയത്തില് കെ.പി.സി.സി നേതൃത്വത്തെ കോണ്ഗ്രസ് അധ്യക്ഷന് രാഹുല്ഗാന്ധി വെട്ടിലാക്കി. ശബരിമലയില് സ്ത്രീകളുടെ സ്വാതന്ത്ര്യത്തെ അംഗീകരിക്കുന്നെന്നും അതേസമയം ആചാരങ്ങളെയും വിശ്വാസങ്ങളെയും മാനിക്കുന്നെന്നും അദ്ദേഹം പറഞ്ഞു. കേരളത്തിലെ കോണ്ഗ്രസിന്റെ നിലപാടിന് വിരുദ്ധമായ സമീപനമാണിത്. അതേസമയം കോണ്ഗ്രസിന് ഇരട്ടത്താപ്പാണെന്ന് മറ്റു പാര്ട്ടികള്ക്ക് ആക്ഷേപിക്കാനുള്ള വടിയായി ഈ പ്രസ്താവന മാറുമെന്നതിലും സംശയമില്ല. കേരളത്തില് ജനങ്ങളെ ഭിന്നിപ്പിക്കുന്ന നിലപാടാണ് സി.പി.എമ്മും ബി.ജെ.പിയും സ്വീകരിക്കുന്നത്. പ്രളയനിര്മാണത്തിനായി സി.പി.എം നേതൃത്വത്തിലുള്ള സര്ക്കാര് ഒന്നും ചെയ്തില്ലെന്നും രാഹുല് കുറ്റപ്പെടുത്തി.
ശബരിമലയുടെ മറവില് ബി.ജെ.പിയും കോണ്ഗ്രസും നടത്തിയ അക്രമങ്ങള് അംഗീകരിക്കാനാവില്ലെന്നും രാഹുല് കുറ്റപ്പെടുത്തി. പ്രളയത്തില് ഒന്നിച്ച കേരളത്തെ വിഭജിക്കാന് സി.പി.എം ശ്രമിക്കുന്നു. പ്രളയത്തിലെ വീഴ്ചകള് മറച്ചുവെയ്ക്കാന് സി.പി.എം നിരന്തരം അക്രമങ്ങള് അഴിച്ചുവിടുകയാണ്. സി.പി.എമ്മും ആര്.എസ്.എസും കേഡര് പാര്ട്ടിയാണ് കോണ്ഗ്രസ് അങ്ങനെയല്ലെന്നും പലരും ആക്ഷേപിക്കുന്നുണ്ട്. കോണ്ഗ്രസിന് കേഡര് സ്വഭാവമില്ലെങ്കിലും രാജ്യത്തിന്റെ ഹൃദയമാണ് കോണ്ഗ്രസെന്നും രാഹുല്ഗാന്ധി പറഞ്ഞു. പ്രളയ പുനര്നിര്മാണത്തില് സംസ്ഥാന സര്ക്കാര് വലിയ പരാജയമാണ്. അത് മറച്ചുവെയ്ക്കാനുള്ള നീക്കങ്ങളാണ് നടക്കുന്നത്.
ഡ്ല്ഹിയില് നരേന്ദ്രമോദിയെ എങ്ങനെ വിമര്ശിക്കുന്നു അതേ വിമര്ശനം തന്നെയാണ് കേരളത്തില് മുഖ്യമന്ത്രി പിണറായി വിജയനെതിരെ ഉന്നയിക്കുന്നതെന്നും രാഹുല് ഗാന്ധി പറഞ്ഞു. കേരളത്തില് ഇടത് സര്ക്കാര് എത്ര യുവാക്കള്ക്ക് തൊഴില് നല്കിയെന്ന് പിണറായി വ്യക്തമാക്കണം. ഇവിടുത്തെ ആരോഗ്യരംഗം, വിദ്യാഭ്യാസ സ്ഥാപനങ്ങള് എന്നിവ ഉയര്ന്ന നിലവാരത്തിലല്ലെന്നും രാഹുല് കുറ്റപ്പെടുത്തി. കേരളത്തിലെ പ്രളയം മനുഷ്യനിര്മിതമാണ്. പുനര്നിര്മാണത്തിന് പകരം ബി.ജെ.പിയെ പോലെ കേരളത്തെ വിഭജിക്കാനാണ് സി.പി.എം ശ്രമിച്ചത്. കര്ഷകര്ക്കും പാവപ്പെട്ടവര്ക്കും വേണ്ടി പിണറായി സര്ക്കാര് എന്ത് ചെയ്തെന്നും രാഹുല് ഗാന്ധി ചോദിച്ചു.
ചത്തീസ്ഗഡിലും രാജസ്ഥാനിലും അധികാരത്തിലേറിയ ശേഷം പറഞ്ഞ കാര്യങ്ങള് നടപ്പാക്കി. അതുപോലെ 2019ല് കേന്ദ്രത്തില് അധികാരത്തില് വന്ന ശേഷം മിനിമം വരുമാനം പദ്ധതി നടപ്പാക്കുമെന്നും രാഹുല് ഉറപ്പ് നല്കി. ഇന്ത്യയെ പോലുള്ള വലിയ രാജ്യങ്ങളിലൊന്നും ഇത്തരമൊരു പദ്ധതി നടപ്പാക്കിയിട്ടില്ല. പാവപ്പെട്ടവര്ക്ക് മിനിമം വരുമാനം അക്കൗണ്ടിലെത്തുന്ന രീതിയിലായിരിക്കും പരിപാടി നടപ്പാക്കുക. നരേന്ദ്രമോദി കള്ളങ്ങള് ആവര്ത്തിച്ച് ജനങ്ങളെ പറ്റിക്കുന്നത് പോലെ കോണ്ഗ്രസ് ചെയ്യില്ല. കള്ളപ്പണം പിടികൂടി പാവങ്ങളുടെ അക്കൗണ്ടില് പതിനയ്യായിരം രൂപ വീതം ഇടുമെന്നായിരുന്നു മോദിയുടെ തിരഞ്ഞെടുപ്പ് വാഗ്ദാനം. എന്നിട്ട് എന്ത് സംഭവിച്ചെന്ന് നിങ്ങള്ക്കറിയാമല്ലോ എന്നും രാഹുല് ചോദിച്ചു.
https://www.facebook.com/Malayalivartha
