ബാലഭാസ്കറിന്റെ മരണത്തില് ദുരൂഹത അന്വേഷിക്കാന് ഇനി ക്രൈംബ്രാഞ്ചിന്
സംഗീതജ്ഞന് ബാലഭാസ്കറിന്റെ മരണത്തില് ദുരൂഹത ഇനി ക്രൈംബ്രാഞ്ച് അന്വേഷിക്കും. ബാലഭാസ്കറിന്റെ പിതാവിന്റെ പരാതിയെ തുടര്ന്നാണ് ഡിജിപി അന്വേഷണത്തിന് ഉത്തരവിട്ടത്. അന്വേഷണ സംഘത്തെ ഉടന് തീരുമാനിക്കും. ഐപിഎസ് ഉദ്യോഗസ്ഥന് അന്വേഷിക്കണമെന്നായിരുന്നു പിതാവിന്റെ ആവശ്യം.
ബാലഭാസ്കറിന്റെ മരണത്തില് ദുരൂഹതയുണ്ടെന്നും അന്വേഷിക്കണമെന്നും ആവശ്യപ്പെട്ടു പിതാവ് സി.കെ.ഉണ്ണി മുഖ്യമന്ത്രിക്കും ഡിജിപിക്കും പരാതി നല്കിയിരുന്നു. ഡ്രൈവറുടെയും ഭാര്യയുടെയും മൊഴികളിലെ വൈരുധ്യം അന്വേഷിക്കണമെന്നതായിരുന്നു പരാതിയിലെ ആവശ്യം. ബാലഭാസ്കറിന്റെ ഡ്രൈവര് അര്ജുന് രണ്ടു കേസുകളില് പ്രതിയാണെന്നു പോലീസ് കണ്ടെത്തിയിരുന്നു. അപകടസമയത്ത് വണ്ടി ഓടിച്ചത് ബാലഭാസ്കര് ആണെന്നായിരുന്നു ഡ്രൈവര് അര്ജുന് നല്കിയ മൊഴി.
അതേസമയം, ബാലഭാസ്കറിന്റെ സാന്പത്തിക ഇടപാടുകളില് ദുരൂഹതയൊന്നുമില്ലെന്ന് പോലീസ് വ്യക്തമാക്കിയിരുന്നു. പാലക്കാട്ടുള്ള ഒരു ആയുര്വേദ ഡോക്ടറുമായി ബാലുവിന് സാന്പത്തിക ഇടപാടുകള് ഉണ്ടായിരുന്നുവെന്ന വിവരത്തിന്റെ അടിസ്ഥാനത്തില് വിശദമായ അന്വേഷണം നടത്തിയെന്നും അന്വേഷണത്തില് മറ്റ് ഇടപാടുകളൊന്നു കണ്ടെത്താനായില്ലെന്നുമായിരുന്നു പോലീസ് ഭാഷ്യം.
https://www.facebook.com/Malayalivartha
