കാല്‍ നൂറ്റാണ്ടിനു ശേഷം സ്വന്തം കാശുകൊണ്ട് ശമ്പളം കൊടുക്കുന്ന കെ.എസ്.ആര്‍.ടി.സി ടിക്കറ്റേതര വരുമാനത്തിലും ലാഭം കൊയ്യാന്‍ ഒരുങ്ങുന്നു. കോര്‍പ്പറേഷന്റെ 64 ടവറുകള്‍ 24.50 കോടി രൂപയ്ക്കാണ് ഇന്നലെ വാടകയ്ക്ക് നല്‍കിയത്.

റിലയന്‍സ് ജിയോ മൊബൈല്‍, അമേരിക്കന്‍ ടവര്‍ മകാര്‍പ്പറേഷന്‍, ഇന്‍ഡസ് ടവര്‍ ലിമിറ്റഡ് എന്നിവയ്ക്കാണ് കേരളത്തില്‍ എമ്പാടുമുള്ള ടവറുകള്‍ കോര്‍പ്പറേഷന്‍ വാടയ്ക്ക് നല്‍കിയത്. ഇപ്പോള്‍ വരുമാനത്തിന്റെ രണ്ടു ശതമാനംപോലും ടിക്കറ്റ് ഇതര കാര്യങ്ങളില്‍ നിന്നും ഉണ്ടാക്കാനാകാത്ത കോര്‍പ്പറേഷനാണ് സി.എം.ഡി ടോമിന്‍ തച്ചങ്കരിയുടെ മാനേജ്‌മെന്റ് മിടുക്കില്‍ നേട്ടം കൊയ്യാന്‍ ഒരുങ്ങുന്നത്. കര്‍ണ്ണാടകം ഉള്‍ശപ്പടെയുള്ള അയല്‍ സംസ്ഥാനങ്ങളില്‍ 40 ശതമാനം തുകയുടെ അവിടുത്തെ പൊതുഗതാഗത സംവിധാനങ്ങള്‍ക്ക് ലഭിക്കുന്നത് ടിക്കറ്റ് ഇതര വരുമാനത്തിലൂടെയാണ്.

വരുമാനത്തിനു പുറമേ ബസ് സ്‌റ്റേഷനുകളില്‍ എത്തുന്ന യാത്രക്കാര്‍ക്ക് മെച്ചപ്പെട്ട കവറേജും ഇതുവളി ലഭിക്കും. കെ.എസ്.ആര്‍്ടി.സി സൈറ്റുകളും യാത്രക്കാര്‍ക്ക് എളുപ്പത്തില്‍ ലഭിക്കാന്‍ ഇത് പ്രയോജനപ്പെടും. സംസ്ഥാനത്തെ പ്രധാന നഗരങ്ങളില്‍ ഉള്‍പ്പെടെയുള്ള ഇടങ്ങളില്‍ എല്ലായിടത്തും ഹൃദയഭാഗത്തു തന്നെയാണ് കോര്‍പ്പറേഷന്റെ ടവറുകള്‍ ഉള്ളത്. ടിക്കറ്റ് ഇതര വരുമാനം അഞ്ചു വര്‍ഷം ശകാണ്ട് 40 ശതമാനമാക്കി ഉയര്‍ത്തുകയാണ് ലക്ഷ്യമെന്ന് ടോമിന്‍ തച്ചങ്കരി പറഞ്ഞു.