ധനമന്ത്രി തോമസ് ഐസക്കിന്റെ ബജറ്റ് സംസ്ഥാനത്തെ നിര്മ്മാണ മേഖലയ്ക്ക് വലിയ തിരിച്ചടി, സിമന്റ്, മാര്ബിള്, ഗ്രാനൈറ്റ്, ടൈല്സ്, പെയിന്റ്, പ്ലൈവുഡ് ഉല്പ്പന്നങ്ങള്ക്ക് നികുതി വര്ദ്ധിപ്പിച്ചതോടെ വിലകൂടും
ധനമന്ത്രി തോമസ് ഐസക്കിന്റെ ബജറ്റ് സംസ്ഥാനത്തെ നിര്മ്മാണ മേഖലയ്ക്ക് വലിയ തിരിച്ചടി. സിമന്റ്, മാര്ബിള്, ഗ്രാനൈറ്റ്, ടൈല്സ്, പെയിന്റ്, പ്ലൈവുഡ് ഉല്പ്പന്നങ്ങള്ക്ക് നികുതി വര്ദ്ധിപ്പിച്ചതോടെ വിലകൂടും. അതേസമയം ഒട്ടുമിക്ക എല്ലാ സാധനങ്ങള്ക്കും വിലകൂടുമെന്നാണ് ബജറ്റ് പ്രഖ്യാപനത്തിലൂടെ പുറത്തു വന്നിരിക്കുന്നത്. രണ്ട് വര്ഷത്തേയ്ക്ക് പ്രളയ സെസ് ഏര്പ്പെടുത്തുന്നതാണ് ഇതിന് കാരണം. കേരളത്തിന്റെ പുന്്രനിര്മ്മാണത്തിന് അധികം പണം സമാഹരിക്കണമെന്ന് ധനമന്ത്രി തോമസ് ഐസക് ബജറ്റ് പ്രഖ്യാപനത്തിന് മുമ്പ് പറഞ്ഞിരുന്നു. അതൊകൊണ്ടു തന്നെ കൂടുതല് ഉല്പ്പന്നങ്ങള്ക്ക് വില കൂട്ടേണ്ടി വരുമെന്നും അദ്ദേഹം സൂചിപ്പിച്ചിരുന്നു.
നിര്മാണമേഖല വലിയ സ്തംഭനത്തിലാണ്. അതിന്റെ കൂടിയാണ് സിമന്റ് ഉള്പ്പെടെയുള്ള സാധനസാമഗ്രികളുടെ വിലക്കയറ്റം. പ്രളയം കാരണം പല സ്ഥലങ്ങളിലും വീടുകളും കെട്ടിടങ്ങളും അടക്കം തകര്ന്നിട്ടുണ്ട്. അവര്ക്കെല്ലാം വലിയ തിരിച്ചടിയാണ് ഇതിലൂടെ ഉണ്ടാകുന്നത്. അതുപോലെ ഭൂമിയുടെ ന്യായവില 10 ശതമാനം വര്ദ്ധിപ്പിച്ചത് സാധാരണക്കാരെ ബാധിക്കും. പ്രളയത്തില് വീടും ഭൂമിയും നഷ്ടപ്പെട്ടവരെ ഇതില് നിന്ന് ഒഴിവാക്കുമോ എന്ന് വ്യക്തമാക്കിയിട്ടില്ല. ന്യായവില വര്ദ്ധിക്കുമ്പോള് സാധാരണക്കാര്ക്കും പാവപ്പെട്ടവര്ക്കും വീട് വയ്ക്കാന് ഭൂമി വാങ്ങന് ഏറെ വിയര്പ്പൊഴുക്കേണ്ടിവരും. അതുപോലെ നഗരങ്ങളിലും ഇടത്തരം പട്ടണങ്ങളിലും ജീവിക്കുന്നവര് ഫഌറ്റുകളെയാണ് ഇപ്പോള് ആശ്രമിക്കുന്നത്. അണുകുടുംബങ്ങള്ക്ക് ഫഌറ്റാണ് സുരക്ഷിത താവളം. നിര്മാണസാമഗ്രികളുടെ വര്ദ്ധനവ് ഫഌറ്റുകളുടെയും വില്ലകളുടെയും വില വര്ദ്ധനവിലേക്ക് നയിക്കും.
സിമന്റിന്റെ മാത്രം വില വര്ദ്ധനവ് വീട് വയ്ക്കുന്നവരുടെ ബജറ്റിനെ മൊത്തത്തില് ബാധിക്കും. നിര്മാണ മേഖലയില് ഏറ്റവും കൂടുതല് ചെലവ് വരുന്ന സാധനമാണ് സിമന്റ്. അതുപോലെ മിഡില്ക്ലാസ് കുടുംബങ്ങളുടെ വീടുകളിലെല്ലാം ഇന്ന് ടൈല്സ് പാകാറുണ്ട്. അതിന്റെ നികുതിയും വര്ദ്ധിപ്പിച്ചിട്ടുണ്ട്. 3000 ചതുരശ്ര അടിക്ക് മുകളിലുള്ള ആഢംബര വീടുകള്ക്ക് അയ്യായിരം മുതല് ഏഴായിരം രൂപ വരെ നികുതി ഏര്പ്പെടുത്തുമെന്നാണ് ബജറ്റ് പ്രഖ്യാപനം. ഇതും നിര്മാണമേഖലയെ ബാധിക്കും. നിര്മാണ മേഖലയില് താമസിക്കാതെ വലിയ പ്രതിസന്ധി ഉടലെടുക്കും. അത് തൊഴിലാളികളെയും ബാധിക്കും. ഇപ്പോള് അന്യസംസ്ഥാന തൊഴിലാളികളാണ് നിര്മാണമേഖലയില് ഏറെ ജോലി ചെയ്യുന്നത്. നാമമാത്രമായി മലയാളികളെയും ബാധിക്കും.
തൊഴിലവസരങ്ങള് കുറയുന്നതോടെ അന്യസംസ്ഥാന തൊഴിലാളികള് മറ്റ് മേഖലകളിലേക്ക് തിരിയുന്ന അവസ്ഥയുണ്ടാകും. അവരുടെ വരുമാനം കുറയുന്നത്. പ്രാദേശിക വ്യാപാരികളെ അടക്കം ബാധിക്കും. അത് പോലെ കയറ്റിറക്ക് തൊഴിലാളികളെയും വിലവര്ദ്ധനവ് ബാധിക്കും. അങ്ങനെ സംസ്ഥാനത്തെ ഭൂരിപക്ഷം വരുന്ന തൊഴിലാളികളുടെ തൊഴിലും വരുമാനവും അടക്കം പ്രതിസന്ധിയിലാകുന്ന അവസ്ഥയിലേക്ക് കാര്യങ്ങളെത്തും. തൊഴിലാളികളെയും സാധാരണ ജനങ്ങളെയും നേരിട്ട് ബാധിക്കുന്ന സിമന്റിന്റെ നികുതിയടക്കം എടുത്ത് കളയണമെന്ന് താമസിക്കാതെ ആവശ്യം ഉയര്ന്നേക്കാം.
https://www.facebook.com/Malayalivartha
