കളിക്കുന്നതിനിടയില്‍ ഒന്നര വയസുകാരന്റെ തലയില്‍ കുരുങ്ങിയ സ്റ്റീല്‍പാത്രം ഫയര്‍ഫോഴ്‌സ് കട്ടര്‍ ഉപയോഗിച്ച് മുറിച്ചെടുത്തു. ഊരകം ചേര്‍പ്പ് ചെറായിമ്മല്‍ വീട്ടില്‍ ഷിനോജിന്റെ മകന്‍ അക്ഷതിനെയാണ് രക്ഷപ്പെടുത്തിയത്.
ബുധുനാഴ്ച രാവിലെയായിരുന്നു സംഭവം. അടുക്കളയില്‍ നിന്ന് കുട്ടിയുടെ നിര്‍ത്താതെയുളള കരച്ചില്‍കേട്ട് വീട്ടുകാര്‍ നോക്കുമ്പോഴാണ് തലയില്‍ സ്റ്റീല്‍പാത്രം കുരുങ്ങിയത് കണ്ടത്. പാത്രം ഉയര്‍ത്താന്‍ വീട്ടുകാര്‍ ഏറെ ശ്രമിച്ചിട്ടും നടന്നില്ല. തുടര്‍ന്ന് തൃശൂര്‍ ഹൈറോഡിലുളള ഫയര്‍ സ്‌റ്റേഷനിലെത്തിച്ചു. ഫയര്‍മാന്‍ ജോണ്‍ബ്രിട്ടോ പാത്രം മുറിച്ചെടുക്കുകയായിരുന്നു.അതുവരെ കരഞ്ഞ അക്ഷിത് ചിരിക്കാന്‍ തുടങ്ങി. അതോടെ വീട്ടുകാര്‍ക്കും സന്തോഷമായി.