പുല്‍വാമയിലെ ഭീകരാക്രമണത്തില്‍ കൊല്ലപ്പെട്ട ജവാന്‍ വസന്തകുമാറിന്റെ കുടുംബത്തെ സഹായിക്കാന്‍ മന്ത്രിസഭായോഗത്തില്‍ തീരുമാനം. ഹവില്‍ദാര്‍ വസന്തകുമാറിന്റെ കുടുംബത്തിന് 25 ലക്ഷം രൂപ ധനസഹായം നല്‍കാനാണ് സര്‍ക്കാര്‍ തീരുമാനിച്ചത്.
വസന്ത കുമാറിന്റെ ഭാര്യയുടെ താത്കാലിക ജോലി സ്ഥിരപ്പെടുത്തും. കുട്ടികളുടെ വിദ്യാഭ്യാസ ചെലവ് സര്‍ക്കാര്‍ ഏറ്റെടുക്കാനും കുടുംബത്തിന് വീടുവെച്ച് കൊടുക്കാനും മന്ത്രിസഭായോഗത്തില്‍ തീരുമാനമായി. ഫബ്രുവരി 14ന് പുല്‍വാമയില്‍ ഉണ്ടായ ഭീകരാക്രമണത്തില്‍ 40 സി.ആര്‍.പി.എഫ് ജവാന്‍മാരാണ് കൊല്ലപ്പെട്ടത്. ആക്രമണത്തില്‍ കൊല്ലപ്പെട്ട മലയാളി ഹവില്‍ദാര്‍ വി.വി വസന്തകുമാര്‍ വയനാട് ലക്കിടി സ്വദേശിയാണ്.