വീണ്ടും കണ്ണന്താനം ജനങ്ങളെ ചിരിപ്പിക്കുന്നു, വോട്ട് ചോദിച്ച് ചോദിച്ച് കണ്ണന്താനം കയറിച്ചെന്നത് നേരെ കോടതിമുറിയിലേക്ക്; കോടതിയലക്ഷ്യമാകുമെന്നറിഞ്ഞതോടെ കണ്ണന്താനം തടിതപ്പി, പറവൂര് അഡീഷണല് സബ് കോടതി മുറിയില് കഴിഞ്ഞ ദിവസം നടന്നത് രസകരമായ സംഭവം
വോട്ടഭ്യര്ഥിക്കാന് പറവൂരിലെത്തിയ എന്.ഡി.എ. സ്ഥാനാര്ഥി അല്ഫോന്സ് കണ്ണന്താനം പറവൂര് അഡീഷണല് സബ് കോടതി മുറിയില് കയറിയത് വിവാദത്തില്. വ്യാഴാഴ്ചയായിരുന്നു സംഭവം. രാവിലെ ബാര് അസോസിയേഷന് പരിസരത്തെത്തിയ സ്ഥാനാര്ഥി അവിടെ വോട്ടഭ്യര്ഥിച്ചശേഷം സമീപത്തുള്ള അഡീഷണല് സബ് കോടതി മുറിയിലേക്ക്കയറുകയായിരുന്നു . ഈസമയം കോടതി ചേരാനുള്ള സമയമായിരുന്നു.
കേസിനായി എത്തിയവരും അഭിഭാഷകരും കോടതിമുറിയിലുണ്ടായിരുന്നു. സ്ഥാനാര്ഥി കോടതിമുറിയില് കയറിയതും വോട്ടര്മാരെ കണ്ടതും ചട്ടലംഘനമാണെന്നാണ് ആക്ഷേപം. സ്ഥാനാര്ഥികള് ആരുംതന്നെ പ്രചാരണവുമായി ബന്ധപ്പെട്ട് കോടതിക്കുള്ളില് കയറി വോട്ടുചോദിക്കുക പതിവില്ല. കണ്ണന്താനം എത്തിയ സമയത്ത് ജഡ്ജി എത്തിയിരുന്നില്ല. അദ്ദേഹം പുറത്തിറങ്ങിയശേഷമാണ് ജഡ്ജിയെത്തിയത്. കോടതിമുറിയില് വോട്ടുതേടുക പതിവില്ലെന്നും കണ്ണന്താനം ചെയ്തത് ചട്ടലംഘനമാണെന്നും അഭിഭാഷകര് പറഞ്ഞു.
തിരഞ്ഞെടുപ്പ് കമ്മിഷന് ഇതുസംബന്ധിച്ച് പരാതി കൊടുക്കുന്നത് പരിശോധിച്ചുവരികയാണെന്ന് ബാര് അസോസിയേഷന് നേതാക്കള് പറഞ്ഞു. സ്ഥാനാര്ഥിക്കൊപ്പം ബി.ജെ.പി. നേതാക്കളുമുണ്ടായിരുന്നു. കോടതിയില് കയറിയതല്ലാതെ വോട്ടഭ്യര്ഥിച്ചില്ലെന്നാണ് ബി.ജെ.പി. നേതാക്കള് പറയുന്നത്.
ലോക്സഭാ തിരഞ്ഞെടുപ്പ് അടുത്തു നില്ക്കെ സീറ്റ് മോഹവുമായി മറ്റു പാര്ട്ടികള് വിട്ട് ബിജെപിയിലേക്ക് ചേക്കേറിയവര്ക്ക് മുന്നറിയിപ്പുമായി കേന്ദ്രമരന്തി അല്ഫോന്സ് കണ്ണന്താനം. ബിജെപിയിലേക്ക് വരുന്നവര്ക്കെല്ലാം സ്ഥാനം ലഭിക്കില്ലെന്ന് കണ്ണന്താനം വ്യക്തമാക്കി. ബിജെപി ഒരു കുടുംബ സ്വത്തല്ല, കഴിവ് അടിസ്ഥാനമാക്കിയാണ് പ്രധാനമന്ത്രിയെ വരെ തിരഞ്ഞെടുത്തത്. അതേസമയം ബിജെപിയില് ചേര്ന്ന കോണ്ഗ്രസ് മുന് വക്താവ് ടോം വടക്കന് സീറ്റ് വാഗ്ദാനം ചെയ്തിട്ടുണ്ടോ എന്നറിയില്ലെന്നും കണ്ണന്താനം പറഞ്ഞു. അക്കാര്യത്തില് തീരുൃമാനം എടുക്കേണ്ടത് കേരളത്തിലെ പാര്ട്ടി നേതൃത്വമാണെന്നും കണ്ണന്താനം കൂട്ടിച്ചേര്ത്തു. ബിജെപിയുടെ പ്രവര്ത്തനം നല്ലതെന്ന് മനസിലാക്കിയാവണം പാര്ട്ടിയിലേക്ക് എത്തിയതെന്നും അദേഹം വ്യക്തമാക്കി.
"
https://www.facebook.com/Malayalivartha
