പാലക്കാട് എം എൽ എ രമേശ് പിഷാരടിക്ക് എതിരെ സോഷ്യൽ മീഡിയ. സംഘടനയുടെ മുൻ പ്രസിഡന്റ് ശ്വേത മേനോനെതിരെ കടുത്ത വിമർശനങ്ങളുമായി സംഘടനയിലെ ഒരു വിഭാഗം പരസ്യമായി രംഗത്തിറങ്ങിക്കഴിഞ്ഞു. ഇതിനിടെ പ്രശ്ന പരിഹാരത്തിനായി നടനും എംഎൽഎയുമായ രമേഷ് പിഷാരടി സംഘടനയുടെ മുൻ പ്രസിഡന്റ് നടി ശ്വേത മേനോനുമായി നടത്തിയ സ്വകാര്യ ഫോൺ സംഭാഷണം സമൂഹമാധ്യമങ്ങളിൽ ലീക്കായി.

ഈ ഫോൺ സംഭാഷണത്തിലെ ഒരു പ്രസ്തുത ഭാഗമാണ് വിമർശന വിധേയമായിരിക്കുന്നത്. ശ്വേതയോട് ദ്വയാർത്ഥ പ്രയോഗം നടത്തിയെന്ന് ചൂണ്ടിക്കാട്ടിയാണ് സോഷ്യൽമീ‍ഡിയ രമേഷ് പിഷാരടിയെ വിമർശിക്കുന്നത്.

ആ പുറത്ത് വന്ന ഫോൺ കോളിലെ ചർച്ചയായ സംഭാഷണ ശകലം ഇങ്ങനെയാണ്....

പിഷാരടി: എവിടെയാണ് ഇപ്പോൾ?

ശ്വേത മേനോൻ: ഞാൻ ക്രൗൺ പ്ലാസയിൽ

പിഷാരടി: എന്താണ് പരിപാടി?

ശ്വേത മേനോൻ: എന്റെ ഭർത്താവ് ഇന്ന് വൈകുന്നേരം വരും. അതുകൊണ്ട് ഞാൻ ഇവിടെ വന്നതാണ്

പിഷാരടി: അത്രയേയുള്ളു. . ഞാൻ നിങ്ങളോട് ക്രൗൺ പ്ലാസയിൽ എന്താണ് പരിപാടിയെന്ന് ചോദിച്ചപ്പോൾ വൈകീട്ട് ഭർത്താവ് വരുമെന്നാണ് പറഞ്ഞത്...
ശ്വേത മേനോൻ: അങ്ങനെയല്ല ബോംബെയിൽ നിന്ന് മൂപ്പര് വരും എന്നാണ് ഞാൻ പറഞ്ഞത്.

പിഷാരടി: അതാണ് ഞാൻ ചോദിച്ചത് മൂപ്പര് വന്നിട്ടാണോ പരിപാടിയെന്ന്.

ശ്വേത മേനോൻ: ഓ ആ പരിപാടി... അങ്ങനെയൊന്നുമല്ല ഉദ്ദേശിച്ചത്.

പിഷാരടി: അല്ലന്നേ ഞാൻ അതൊന്ന് കൂട്ടിവായിച്ചതാ... ഞാൻ നിങ്ങളോട് ചോദിച്ചു... എന്താണ് ഇന്ന് പരിപാടിയെന്ന്. വൈകീട്ട് ഭർത്താവ് വരുമെന്ന് നിങ്ങൾ പറഞ്ഞു. അത്രയേയുള്ളു...

ശ്വേത മേനോൻ: പിഷു ഞാൻ ഭയങ്കര സ്ട്രെയ്റ്റ് ഫോർവേഡായ ഒരു വ്യക്തിയാണ്. അതാണ് എന്റെ ഏറ്റവും വലിയ പ്രശ്നവും. എനിക്ക് ഇങ്ങനെയുള്ള ഒരു കാര്യവും അറിയില്ല. അതാണ്.

പിഷാരടി: നമുക്ക് ശരിയാക്കാം... ഭർത്താവ് വന്നുപോട്ടെ. എല്ലാം ശരിയാകും ഞാൻ നോക്കിക്കോളാം...

ഈ സംഭാഷണ ശകലമാണ് പിഷാരടിക്ക് സോഷ്യൽമീഡിയയിൽ വിമർശനം വാങ്ങി കൊടുക്കുന്നത്. അതേസമയം ഈ വിവാദത്തോട് താരം ഇത് വരെ പ്രതികരിച്ചിട്ടില്ല.