ശ്വാസകോശ സംബന്ധമായ അസുഖത്തെത്തുടര്ന്ന് ചികിത്സയില് കഴിഞ്ഞിരുന്ന കേരള കോണ്ഗ്രസ് നേതാവ് കെഎം മാണി വിടപറഞ്ഞു; അന്ത്യം വൈകീട്ട് 4.57ന്
09 APRIL 2019 05:39 PM IST
മലയാളി വാര്ത്ത
വെന്റിലേറ്ററിന്റെ സഹായത്തോടെയായിരുന്നു ജീവന് നിലനിര്ത്തിയിരുന്നത്. രക്തസമ്മര്ദവും നാഡിമിടിപ്പും സാധാരണ നിലയില് ആണെന്നും വിളിച്ചാല് കണ്ണു തുറക്കുന്നുണ്ടെന്നും കഴിഞ്ഞ ദിവസം ഡോക്ടര്മാര് പറഞ്ഞിരുന്നു. എന്നാല് ഇന്ന് ഉച്ചയോടെ നില ഗുരുതരമാവുകയായിരുന്നു. അണുബാധ ഉണ്ടാകാതിരിക്കാന് ആശുപത്രിയില് സന്ദര്ശകര്ക്ക് കര്ശന നിയന്ത്രണം ഏര്പ്പെടുത്തുകയും ചെയ്തിരുന്നു ഈ സാഹചര്യത്തിലാണ് വൈകിട്ടോയെ മരണം സംഭവിച്ചതായി ആശുപത്രി അധികൃതര് അറിയിച്ചത്.
ശ്വാസകോശസംബന്ധമായ അസുഖത്തെ തുടര്ന്ന് കഴിഞ്ഞ വെള്ളിയാഴ്ചയാണ് കെ എം മാണിയെ ആശുപത്രിയില് പ്രവേശിപ്പിച്ചത്. മുഖ്യമന്ത്രി പിണറായി വിജയന് കുടുമ്പാങ്ങങ്ങളോടും ആശുപത്രി അധികൃതരോടും മാണി സാറിന്റെ ആരോഗ്യ നിലയെ പറ്റി ചോദിച്ചറിഞ്ഞിരുന്നു. കേരള കോണ്ഗ്രസ് നേതാവ് പിജെ ജോസഫ് അടക്കമുള്ള നേതാക്കള് ആശുപത്രിയിലെത്തി കെഎം മാണിയേയും കുടുംബാംഗങ്ങളേയും കണ്ടിരുന്നു. വിദഗ്ധ ഡോക്ടര്മാരുടെ സംഘമാണ് കെഎം മാണിയെ ചികിത്സിച്ചു വന്നിരുന്നത്. എങ്കിലും വിധി ആ അധികായകനെ തട്ടിയെടുക്കുകയായിരുന്നു
ഒരു കോണ്ഗ്രസ്സുകാരനായി രാഷ്ട്രീയ ജീവിതം തുടങ്ങിയ ആളാണ് കെഎം മാണി. അധികാരത്തിന്റെ രാഷ്ട്രീയ കാലാവസ്ഥ നോക്കി കേരള കോണ്ഗ്രസ്സിലേയ്ക്ക് ചേക്കേറി. പിന്നീട് കേരള കോണ്ഗ്രസ് എം രൂപീകരിച്ച് അതിന്റെ ചെയര്മാനായി.
വക്കീലായിയാണ് മാണി സര് പൊതു പ്രവര്ത്തനം ആരംഭിക്കുന്നത്. ട്രിച്ചി സെന്റ് ജോസഫ്സ് കോളേജില് നിന്ന് ബിഎയും മദ്രാസ് ലോ കോളേജില് നിന്നാണ് നിയമ ബിരുദം സ്വന്തമാക്കിയത്. ഇതിന് ശേഷം അഭിഭാഷകനായി കോഴിക്കോട് പ്രവര്ത്തനം തുടങ്ങി. പിന്നീട് പ്രവര്ത്തന മേഖല പാലയിലെ കോട്ടയം ജില്ലാ കോടതിയിലേയ്ക്ക് മാറ്റുകയായിരുന്നു. ഒരു കോണ്ഗ്രസ് പ്രവര്ത്തകനായാണ് കെഎം മാണി തന്റെ രാഷ്ട്രീയ ജീവിതം തുടങ്ങുന്നത്. കെപിസിസി അംഗവും കോട്ടയം ഡിസിസി ജനറല് സെക്രട്ടറിയും വരെ ആയിരുന്നു കെഎം മാണി. 1964 ല് കേരള കോണ്ഗ്രസ് രൂപീകരിയ്ക്കുമ്പോള് കെഎം മാണി അതില് അംഗമായിരുന്നില്ല. എന്നാല് പെട്ടെന്ന് തന്നെ അദ്ദേഹം കേരള കോണ്ഗ്രസ്സ് ക്യാമ്പിലെത്തുകയായിരുന്നു.
1965 ലാണ് കെഎം മാണി ആദ്യമായി കേരള നിയമസഭയില് എത്തുന്നത്. കേരള കോണ്ഗ്രസ് സ്ഥാനാര്ത്ഥിയായി പാലായില് നിന്നാണ് നിയമസഭാംഗമായത്. പിന്നീടിങ്ങോട്ട് എല്ലാ കാലവും മാണി പാലായുടെ എംഎല്എ ആണ്. എംഎല്എ ആയി തിരഞ്ഞെടുക്കപ്പെട്ട് പത്ത് വര്ഷങ്ങള്ക്ക് ശേഷമാണ് കെഎം മാണി ആദ്യമായി മന്ത്രിയാകുന്നത്. കേരള രാഷ്ട്രീയത്തില് കെഎം മാണി എന്ന രാഷ്ട്രീയ നേതാവ് എത്രത്തോളം നിര്ണായകമായിരുന്നു എന്ന് തെളിയിയ്ക്കുന്ന കാലഘട്ടമായിരുന്നു അത്. നിയമസഭയില് മാണിയുടെ അംഗബലം മുന്നണികള്ക്ക് അത്രയേറെ പ്രധാനമായിരുന്നു. ഒരു ഘട്ടത്തില് മാണി മുഖ്യമന്ത്രിയായേക്കുമെന്ന് പോലും അഭ്യൂഹങ്ങളുണ്ടായിരുന്നു. എന്തായാലും മാണിസാറിന്റെ വിയോഗം കേരള രാഷ്ട്രീയത്തെ മുഴുവന് ദുഖത്തിലാഴ്തുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
