യു.ഡി.എഫ് സ്ഥാനാര്ത്ഥികള് തിരഞ്ഞെടുപ്പ് പ്രചരണം നിര്ത്തി... സംസ്കാരം വ്യാഴാഴ്ച മുന്ന് മണിക്ക് പാലാ സെന്റ് തോമസ് കത്രീഡലില്; പാര്ട്ടി ആസ്ഥാനത്തും കോട്ടയം തിരുനക്കര മൈതാനത്തും പാല വീട്ടിലും പൊതുദര്ശനമുണ്ടാകും
കേരള കോണ്ഗ്രസ് ചെയര്മാനും മുന് മന്ത്രിയുമായിരുന്ന കെ.എം മാണിയുടെ നിര്യാണത്തെ തുടര്ന്ന് യു.ഡി.എഫ് സ്ഥാനാര്ത്ഥികള് പ്രചരണം നിര്ത്തി. ഇന്നത്തെ പ്രചരണം നിര്ത്തിയതായി കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന് അറിയിച്ചു. അതേസമയം പ്രചരണത്തിന് കുറച്ച് സമയം മാത്രമേ അവശേഷിക്കുന്നുള്ളൂ എന്നതിനാല് നാളെ പ്രചരണമുണ്ടാകും. മാണിയുടെ സംസ്കാരം നടക്കുന്ന മറ്റന്നാള് പ്രചരണമുണ്ടാകില്ലെന്ന് പ്രതിപക്ഷ നേതാവ് രമേശ് ചെന്നിത്തല അറിയിച്ചു.
ശ്വാസകോശ സംബന്ധിമായ അസുഖത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു മാണി. വൈകുന്നേരം 4.57ഓടെയാണ് അന്ത്യം സംഭവിച്ചത്. സംസ്കാരം വ്യാഴാഴ്ച ഉച്ചയ്ക്ക് ശേഷം മുന്ന് മണിക്ക് പാലാ സെന്റ് തോമസ് കത്രീഡലില് നടക്കും.
അദ്ദേഹം ചികിത്സയില് കഴിഞ്ഞിരുന്ന കൊച്ചി ലേക്ഷോര് ആശുപത്രിയില് വൈകുന്നേരം ആറരയോടെ മൃതദേഹം പൊതുദര്ശനത്തിന് വച്ചു. വിവിധ രാഷ്ട്രീയ കക്ഷി നേതാക്കളും നൂറുകണക്കിന് പൊതുജനങ്ങളും ആശുപത്രിയില് എത്തി അദ്ദേഹത്തിന് അന്ത്യാഞ്ജലികള് അര്പ്പിച്ചു. പൊതുദര്ശനത്തിന് ശേഷം ഇന്ന് മൃതദേഹം മോര്ച്ചറിയിലേക്ക് മാറ്റും.
ബുധനാഴ്ച രാവിലെ ഒന്പതരയോടെ മൃതദേഹം കോട്ടയത്തേക്ക് കൊണ്ടുപോരും. കേരള കോണ്ഗ്രസ് (എം)ന്റെ കോട്ടയത്തെ ആസ്ഥാനത്ത് പൊതുദര്ശനത്തിന് വയ്ക്കും. തുടര്ന്ന് കോട്ടയം തിരുനക്കര മൈതാനത്തും പൊതുദര്ശനമുണ്ടാകും. അതിന് ശേഷം ഉച്ചയോടെ പാലായിലെ വസതിയിലേക്ക് കൊണ്ടുപോകും. ഒരു ദിവസം വീട്ടില് പൊതുദര്ശനമുണ്ടാകും. തുടര്ന്ന് വ്യാഴാഴ്ച പാലാ കത്രീഡലില് മൃതദേഹം സംസ്കരിക്കും.
https://www.facebook.com/Malayalivartha
