ഞെട്ടലോടെ മുന്നണികള്... പി.സി. ജോര്ജ് എന്ഡിഎയില് ചേര്ന്നതോടെ കുമ്മനത്തേയും സുരേന്ദ്രനേയും ജയിപ്പിക്കേണ്ട ബാധ്യത കൂടി പിസി ജോര്ജിനായി; നിലനില്പ്പിനായി പി.സി. അങ്കം മുറുക്കുമ്പോള്
ബിജെപിയെ സംബന്ധിച്ച് ഇനിയും നല്ലൊരു കാലം വരാനില്ല. ബിജെപി വര്ഗീയ പാര്ട്ടിയാണെന്ന ലേബല് മാറ്റിയെടുക്കാന് നടക്കുന്ന ശ്രമങ്ങളില് പിസി ജോര്ജും പങ്കാളിയാവുകയാണ്. ജനപക്ഷം നേതാവും പൂഞ്ഞാര് എം.എല്.എയുമായ പി.സി ജോര്ജ് എന്ഡിഎയില് ചേര്ന്നതോടെ വലിയ ആവേശമാണ് ബിജെപിയ്ക്ക് ഉണ്ടായിരിക്കുന്നത്. പി.സി.ജോര്ജിന്റെ പാര്ട്ടിയായ കേരള ജനപക്ഷം സെക്യുലര് പാര്ട്ടി ഒന്നാകെയാണ് എന്ഡിഎയുടെ ഘടകകക്ഷിയായത്. നേരത്തെ ശബരിമല വിഷയത്തില് പി.സി ജോര്ജ് ബി.ജെ.പിയുമായി സഹകരിച്ചിരുന്നു.
ഇന്നലെ പി.സി.ജോര്ജും ബിജെപി സംസ്ഥാന അധ്യക്ഷന് പി.എസ്. ശ്രീധരന്പിള്ളയും നടത്തിയ സംയുക്ത വാര്ത്താസമ്മേളനത്തിലാണ് പ്രഖ്യാപനം. പൂഞ്ഞാറില് ജയിച്ച തന്ത്രം ബിജെപി സ്ഥാനാര്ത്ഥികളെ കൂടി ജയിപ്പിക്കാന് തന്ത്രം മെനയുകയാണ് പി.സി. ജോര്ജ്. അദ്ദേഹത്തിന്റെ ഭാഷയില് പറഞ്ഞാല് ഇത് ശരിക്കുമൊരു സര്ജിക്കല് അറ്റാക്കാണ്. തന്റെ നിലനില്പിന്റെ കൂടി ഭാഗമാണ്. ബിജെപിയെ ജയിപ്പിച്ച് കരുത്ത് കാട്ടിയാല് മറ്റ് മുന്നണികളില് ശരിക്കും സമ്മര്ദം ചെലുത്താനുമാകും.
തിരുവനന്തപുരത്ത് എന്ഡിഎ സ്ഥാനാര്ഥി കുമ്മനം രാജശേഖരന് വന്ഭൂരിപക്ഷം നേടി ലോക്സഭയില് എത്തുന്നത് തന്റെ പാര്ട്ടിയുടെ വോട്ട് കൊണ്ടായിരിക്കുമെന്ന് പി.സി. ജോര്ജ് പറഞ്ഞു. പി.സി. ജോര്ജ് നേരത്തേ തന്നെ പത്തനംതിട്ട മണ്ഡലത്തിലെ എന്ഡിഎ സ്ഥാനാര്ഥി കെ. സുരേന്ദ്രന് പിന്തുണ നല്കിയിരുന്നു. ഇതോടെ അദ്ദേഹം എന്ഡിഎയുടെ ഭാഗമാകുമെന്ന തരത്തില് അഭ്യൂഹങ്ങളും ഉയര്ന്നിരുന്നു. എന്നാല് പിന്നീട് യുഡിഎഫിന്റെ ഭാഗത്തേക്ക് ചായുന്നതായും റിപ്പോര്ട്ടു വന്നെങ്കിലും ചര്ച്ച പരാജയമായി. തുടര്ന്ന് ഒടുവില് എന്ഡിഎയില് തന്നെ ചേരാന് പി.സി. ജോര്ജ് തീരുമാനിക്കുകയായിരുന്നു.
പ്രധാനമന്ത്രി നരേന്ദ്രമോദി കാര്ഷിക മേഖലയ്ക്കായി ചെയ്ത സഹായങ്ങളും പദ്ധതികളും പരിഗണിച്ചാണ് എന്ഡിഎയുടെ ഭാഗമാകാന് തീരുമാനിച്ചതെന്ന് പി.സി. ജോര്ജ് പറഞ്ഞു. യുഡിഎഫില് ചേരാന് ആഗ്രഹമുണ്ടായിരുന്നുവെന്നും എന്നാല് നേതൃത്വം വഞ്ചനാപരമായ നിലപാടാണു സ്വീകരിച്ചതെന്നും അദ്ദേഹം പറഞ്ഞു.
അടുത്തിടെ കെ സുരേന്ദ്രന് പി സി ജോര്ജിനെ വീട്ടിലെത്തി സന്ദര്ശിച്ചിരുന്നു. ഈരാറ്റു പേട്ടയിലെ പി സി ജോര്ജിന്റെ വീട്ടിലെത്തിയാണ് കെ സുരേന്ദ്രന് സന്ദര്ശിച്ചത്. പി സി ജോര്ജിന്റെ ജനപക്ഷം പാര്ട്ടി എന്ഡിഎയില് ചേരുമെന്ന് അഭ്യൂഹം നിലനില്ക്കുന്നതിനിടയിലാണ് കെ സുരേന്ദ്രന്റെ അന്നത്തെ സന്ദര്ശനം.
ആ സന്ദര്ശനത്തിലാണ് പത്തനംതിട്ടയില് കെ സുരേന്ദ്രനെ പിന്തുണയ്ക്കുമെന്ന് പി സി ജോര്ജ് അറിയിച്ചത്. മറ്റു മണ്ഡലങ്ങളില് ഏതൊക്കെ സ്ഥാനാര്ത്ഥികള്ക്കായിരിക്കും പിന്തുണയെന്ന് പിന്നീട് അറിയിക്കാമെന്ന് പിസി ജോര്ജ് പറഞ്ഞു. കെ സുരേന്ദ്രന് പത്തനംതിട്ടയില് വന് ഭൂരിപക്ഷത്തോടെ വിജയിക്കുമെന്നും പി സി ജോര്ജ് പറഞ്ഞു.
കെ സുരേന്ദ്രന് വേണ്ടിയാണ് താന് പത്തനംതിട്ട ലോക്സഭാ സീറ്റിലെ മത്സരരംഗത്തു നിന്ന് പിന്മാറിയതെന്ന് പി സി ജോര്ജ് പറഞ്ഞിരുന്നു. എന്ഡിഎയുടെ ഭാഗമാകുന്നത് സംബന്ധിച്ച് ജനപക്ഷം പാര്ട്ടി ബിജെപി കേന്ദ്രനേതൃത്വവുമായി ചര്ച്ച നടത്തിയതായി റിപ്പോര്ട്ടുകള് വന്നിരുന്നു.
ആന്റോ ആന്റണിയെ വിജയിപ്പിക്കുന്നതിനു വേണ്ടി പത്തനംതിട്ടയില് മത്സരിക്കരുതെന്ന് പ്രതിപക്ഷ നേതാവ് രമേശ് ചെന്നിത്തലയും കെ പി സി സി പ്രസിഡന്റ് മുല്ലപ്പള്ളി രാമചന്ദ്രനും തന്നോട് പറഞ്ഞിരുന്നതായി പി സി ജോര്ജ് അറിയിച്ചിരുന്നു. എന്നാല് യുഡിഎഫിലേയ്ക്കുള്ള തിരിച്ചു വരവ് സംബന്ധിച്ച് തീരുമാനമാകാതെ വന്നതോടെ ലോക്സഭാ തെരഞ്ഞെടുപ്പില് വീണ്ടും മത്സരിക്കാന് പി സി ജോര്ജ് തീരുമാനിക്കുകയായിരുന്നു. അതിനിടെയാണ് പിസി ജോര്ജ് എന്ഡിഎയില് ചേര്ന്നത്.
"
https://www.facebook.com/Malayalivartha
