'എനിക്ക് ജയിലില് പോകണം അതിന് ഇവറ്റകളെയൊക്കെ കൊല്ലണം' എന്ന് ആക്രോശിച്ച് വയോധികനെ യുവാവ് കുത്തി കൊന്നു
'എനിക്ക് ജയിലില് പോകണം അതിന് ഇവറ്റകളെയൊക്കെ കൊല്ലണം' എന്ന് ആക്രോശിച്ച് വയോധികനെ യുവാവ് കുത്തി കൊന്നു. കമ്മിഷണര് ഓഫിസിന് മുന്നിലാണ് വയോധികനെ കുത്തിക്കൊന്നത്. ഇന്നലെ ഉച്ചക്ക് രണ്ടോടെയാണ് നഗര മദ്ധ്യത്തില് വയോധികനെ യുവാവ് കുത്തിക്കൊലപ്പെടുത്തിയത്. കൊല്ലപ്പെട്ട വയോധികനെ തിരിച്ചറിഞ്ഞില്ല. പ്രതി വളയം സ്വദേശി കെ.കെ നിവാസില് പ്രബിന് ദാസിനെ (33) കസബ പൊലീസ് അറസ്റ്റ് ചെയ്തു.മാനാഞ്ചിറയിലെ സിറ്റി പൊലീസ് മേധാവി ഓഫീസിന് മുന്നില് വച്ച് യാതൊരു കാരണവുമില്ലാതെ പ്രബിന് വയോധികനെ കത്തികൊണ്ട് കഴുത്തിനും കൈക്കും കുത്തുകയായിരുന്നു.
വീണ്ടും കുത്താന് ശ്രമിക്കുന്നതിനിടെ വയോധികന് ചോരയൊലിച്ച നിലയില് സിറ്റി പൊലീസ് മേധാവി ഓഫീസ് വളപ്പിലേക്ക് ഓടിക്കയറി. പിന്നാലെ കത്തിയുമായി എത്തിയ പ്രബിനെ പാറാവ് ഡ്യൂട്ടിയിലുണ്ടായിരുന്ന പൊലീസുകാര് പിടികൂടുകയായിരുന്നു. ഗുരുതരമായി പരിക്കേറ്റ വയോധികനെ പൊലീസ് ഉടന് മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കുത്താന് ഉപയോഗിച്ച കത്തി പെലീസിന് ലഭിച്ചു. 'എനിക്ക് ജയിലില് പോകണം അതിന് ഇവറ്റകളെയൊക്കെ കൊല്ലണം' എന്ന് ആക്രോശിച്ച് കൊണ്ടായിരുന്നു പ്രബിന് വയോധികനെ കുത്തിയതെന്ന് ദൃക്സാക്ഷികള് പറഞ്ഞു. പ്രതിക്ക് മാനസിക രോഗമുള്ളതായി സംശയിക്കുന്നതായി പൊലീസ് പറഞ്ഞു.
https://www.facebook.com/Malayalivartha
