ലോക്‌സഭ തെരഞ്ഞെടുപ്പ് പ്രചാരണം അവസാനിക്കാന്‍ രണ്ടുദിവസം മാത്രം ബാക്കിനില്‍ക്കെ, 20 മണ്ഡലങ്ങളിലെയും വിജയസാധ്യത, കൂടുതല്‍ സീറ്റ് ഏതു മുന്നണിക്ക് തുടങ്ങിയവയെക്കുറിച്ച് തയാറാക്കിയ റിപ്പോര്‍ട്ടുകള്‍ രഹസ്യമായി സൂക്ഷിക്കും. ജയപരാജയ സാധ്യത വിലയിരുത്തുന്ന റിപ്പോര്‍ട്ട് ഒരുമുന്നണിയെയും ബാധിക്കരുതെന്ന തീരുമാനത്തിന്റെ അടിസ്ഥാനത്തിലാണിതെന്നാണ് ഔദ്യോഗിക ഭാഷ്യം.

ജില്ല സ്‌പെഷല്‍ ബ്രാഞ്ചും സംസ്ഥാന രഹസ്യാന്വേഷണ വിഭാഗവും തയറാക്കിയ റിപ്പോര്‍ട്ട് കേന്ദ്ര രഹസ്യാന്വേഷണ വിഭാഗത്തിനും കൈമാറി. കേന്ദ്ര റിപ്പോര്‍ട്ടിന്റെ അടിസ്ഥാനത്തില്‍ മുന്നണി നേതാക്കള്‍ പ്രചാരണ രീതികളില്‍ കാര്യമായ മാറ്റംവരുത്തിയിട്ടുണ്ട്.വിവിധതലങ്ങളില്‍ എതിര്‍പ്പുകള്‍ ശക്തമാണെങ്കിലും കനത്ത പരാജയത്തിലേക്ക് ഇടതുമുന്നണി പോകില്ലെന്നാണ് റിപ്പോര്‍ട്ട്. എന്നാല്‍, ഉത്തര, മധ്യകേരളത്തില്‍ യു.ഡി.എഫിന് മികച്ച സാധ്യതയും പറയുന്നു. യു.ഡി.എഫിനുള്ള അനുകൂല സാധ്യതകളും എടുത്തുപറയുന്നുണ്ട്. രാഹുല്‍-പ്രിയങ്ക ഇഫക്ടും കെ.എം. മാണിയുടെ വിയോഗവും ശബരിമല വിഷയവും എന്‍.എസ്.എസ് നിലപാടും സഭ തര്‍ക്കവുമെല്ലാം മധ്യകേരളത്തില്‍ യു.ഡി.എഫിന്റെ സാധ്യത വര്‍ധിപ്പിക്കും. മലബാറിലും രാഹുല്‍ ഇഫക്ട് യു.ഡി.എഫിനെ തുണക്കും.ചില മണ്ഡലങ്ങളില്‍ ബി.ജെ.പി കൂടുതല്‍ വോട്ടുകള്‍ നേടും. ബി.ജെ.പിയുടെ സാന്നിധ്യം പലയിടത്തും വോട്ടുചോര്‍ച്ചക്കും വഴിയൊരുക്കും. തൃശൂര്‍, പത്തനംതിട്ട മണ്ഡലങ്ങള്‍ ഉദാഹരണം. മുസ്‌ലിം-ക്രിസ്ത്യന്‍, പിന്നാക്ക വോട്ടുകളുടെ ഏകീകരണവും തള്ളുന്നില്ല. പ്രത്യേകിച്ച് ന്യൂനപക്ഷ വോട്ടുകള്‍. തുടക്കത്തില്‍ കാര്യമായ ചര്‍ച്ചകള്‍ക്ക് വിധേയമാകാതിരുന്ന ശബരിമല വിഷയം അവസാന ദിവസങ്ങളില്‍ ബി.ജെ.പി പ്രചാരണത്തിന് ഉപയോഗിച്ചത് ഇടതുമുന്നണിക്ക് ക്ഷീണമായി. പത്തനംതിട്ടയടക്കമുള്ള ചില മണ്ഡലങ്ങളില്‍ ഇത് പ്രതിഫലിച്ചേക്കാമെന്നാണ് റിപ്പോര്‍ട്ട്.&ിയുെ;പ്രധാനമന്ത്രിയടക്കം ബി.ജെ.പി ദേശീയ നേതാക്കളുടെ പ്രചാരണം ബി.ജെ.പിയെ സജീവമാക്കിയെന്നും എന്നാല്‍, ആരോപണങ്ങളെ അതേതലത്തില്‍ നേരിടാന്‍ ഇടതുമുന്നണിക്ക് കഴിഞ്ഞെന്നും റിപ്പോര്‍ട്ട് ചൂണ്ടിക്കാട്ടുന്നു. വോട്ട് മറിക്കല്‍ പലയിടത്തും ഉണ്ടാവുമെന്ന മുന്നറിയിപ്പുമുണ്ട്.