വയനാട്ടില് രാഹുല് ജയിക്കും; തുഷാറിന്റെ കാര്യം അറിയില്ല; കോണ്ഗ്രസ് രാജ്യത്തെ ഏറ്റവും വലിയ ഒറ്റകക്ഷിയാകുമെന്ന് എസ്.എന്.ഡി.പി.യോഗം ജനറല് സെക്രട്ടറി വെള്ളാപ്പള്ളി നടേശന്
വയനാട്ടില് രാഹുല് ഗാന്ധി ജയിക്കുമെന്ന് എസ്.എന്.ഡി.പി.യോഗം ജനറല് സെക്രട്ടറി വെള്ളാപ്പള്ളി നടേശന്.പ്രതികരണം വയനാട്ടിലെ എന്ഡിഎ സ്ഥാനാര്ഥി തുഷാറുമൊത്ത് വോട്ട് ചെയ്ത് ഇറങ്ങിയശേഷമാണ്. ശബരിമല വിഷയം പല മണ്ഡലങ്ങളിലും സംസ്ഥാനസര്ക്കാരിന് തിരിച്ചടിയാകുമെന്നും അദ്ദേഹം പറഞ്ഞു.
വയനാട് ലോക്സഭാ മണ്ഡലത്തില് കോണ്ഗ്രസ് ദേശീയ അധ്യക്ഷന് രാഹുല് ഗാന്ധി വിജയിക്കുമെന്ന് എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശന്. വയനാട്ടിലെ എന്ഡിഎ സ്ഥാനാര്ഥിയും മകനുമായ തുഷാര് വെള്ളാപ്പള്ളി തൊട്ടടുത്ത് നില്ക്കുമ്പോഴാണ് വെള്ളാപ്പള്ളി നടേശന് ഇക്കാര്യം പറഞ്ഞത്. തുഷാര് വെള്ളാപ്പള്ളിയുടെ കാര്യം തനിക്കറിയില്ലെന്നും വെള്ളാപ്പള്ളി മാധ്യമപ്രവര്ത്തകരോട് പറഞ്ഞു. ആലപ്പുഴയില് കുടുംബസമേതം എത്തിയാണ് തുഷാര് വെള്ളാപ്പള്ളി വോട്ട് ചെയ്തത്.ആലപ്പുഴ മണ്ഡലത്തില് എല്ഡിഎഫ് സ്ഥാനാര്ഥി എ.എം.ആരീഫ് വിജയിക്കുമെന്നും കോണ്ഗ്രസ് പാര്ട്ടി രാജ്യത്ത് ഏറ്റവും വലിയ ഒറ്റകക്ഷിയാകുമെന്നും വെള്ളാപ്പള്ളി വോട്ട് രേഖപ്പെടുത്തിയ ശേഷം മാധ്യമപ്രവര്ത്തകരോട് പറഞ്ഞു.
നേരത്തെയും ആലപ്പുഴ മണ്ഡലത്തില് ആരീഫ് വിജയിക്കുമെന്ന് വെള്ളാപ്പള്ളി പറഞ്ഞിരുന്നു. തുഷാര് തൃശൂരില് സ്ഥാനാര്ഥിയായാല് തോല്ക്കുമെന്നും അന്ന് വെള്ളാപ്പള്ളി പറയുകയുണ്ടായി.ലോക്സഭാ തിരഞ്ഞെടുപ്പില് മത്സരിക്കണമെങ്കില് എസ്എന്ഡിപി ഭാരവാഹികള് രാജിവയ്ക്കണമെന്ന നിലപാടില് അയവ് വരുത്തി യോഗം ജനറല് സെക്രട്ടറി വെള്ളാപ്പള്ളി നടേശന്. യോഗം ഭാരവാഹികള് മത്സരിക്കരുതെന്ന് വ്യക്തിപരമായ അഭിപ്രായമാണെന്ന് വെള്ളാപ്പള്ളി നടേശന് പറഞ്ഞു. തുഷാര് അച്ചടക്കമുള്ള സംഘടനാ നേതാവാണെന്നും ചെയ്യേണ്ട കാര്യങ്ങള് സമയത്ത് അദ്ദേഹം ചെയ്യുമെന്നും എസ്എന്ഡിപി ജനറല് സെക്രട്ടറി വ്യക്തമാക്കി.
യോഗം ഭാരവാഹികള് മുന്പ് മത്സരിച്ചപ്പോള് ദയനീയമായി പരാജയപ്പെട്ടു. അതുകൊണ്ടാണ് ഭാരവാഹികള് മത്സരിക്കരുതെന്ന് പറഞ്ഞത്. അത് വ്യക്തിപരമായ അഭിപ്രായമായിരുന്നു എന്നും അദ്ദേഹം കൂട്ടിച്ചേര്ത്തു. വയനാട്ടില് രാഹുല് ഗാന്ധി മത്സരിക്കുന്നത് തെറ്റായ സന്ദേശം നല്കും. കഴിഞ്ഞ തിരഞ്ഞെടുപ്പിനേക്കാള് കൂടുതല് വോട്ട് ബിജെപിക്ക് ലഭിക്കുമെന്നും വെള്ളാപ്പള്ളി പറഞ്ഞു.
https://www.facebook.com/Malayalivartha
