ചരിത്രത്തിലാദ്യമായി വോട്ട് ചെയ്തവരുടെ എണ്ണം പത്ത് ലക്ഷം കടന്ന് പത്തനംതിട്ട ലോക്‌സഭാ മണ്ഡലം. ഏറ്റവും കൂടുതല്‍ വോട്ട് ചെയ്തത് വനിതകള്‍. ആകെ 523,199 സ്ത്രീകള്‍ വോട്ട് ചെയ്തപ്പോള്‍ 481065 പുരുഷന്മാരാണ് വോട്ട് ചെയ്തത്. ആകെയുള്ള 661700 പുരുഷ വോട്ടര്‍മാരില്‍ 72.70 % പേര്‍ വോട്ട് ചെയ്തപ്പോള്‍ ആകെയുള്ള 716884 സ്ത്രീകളില്‍ 72.98 % പേരാണ് വോട്ട് ചെയ്തത്. കാഞ്ഞിരപ്പള്ളിയില്‍ 68707 പുരുഷന്മാരും 69661 സ്ത്രീകളും വോട്ട് ചെയ്തു.

പത്തനംതിട്ടയില്‍ നടന്നത് ശക്തമായ ത്രികോണ മത്സരമായിരുന്നു. വോട്ടു ചെയ്ത വനിതകളുടെ എണ്ണത്തില്‍ വന്‍ വര്‍ധനവ് കണക്കാക്കിയ സാഹചര്യത്തില്‍ ബിജെപി സ്ഥാനാര്‍ത്ഥി കെ.സുരേന്ദ്രന് സാധ്യത കല്‍പ്പിക്കപ്പെടുന്നു. എന്നാല്‍ യു ഡി എഫും എല്‍ ഡി എഫും പോളിംഗ് നിലയിലുണ്ടായ മാറ്റം തങ്ങളെ സഹായിക്കുമെന്നാണ് കരുതുന്നത്. 

സ്ത്രീകള്‍ അയ്യപ്പന് വേണ്ടി വോട്ട് ചെയ്‌തെന്ന പ്രതീക്ഷയിലാണ് ബിജെപി. കാടടച്ച പ്രചരണം തങ്ങളെ കൈവിടില്ലെന്ന പ്രതീക്ഷയാണ് ബി ജെ പി വൃത്തങ്ങള്‍ സൂചിപ്പിക്കുന്നത്. എന്നാല്‍ വോട്ടിംഗ് ശതമാനത്തിന്റെ വര്‍ധനവ് തങ്ങള്‍ക്ക് അനുകൂലമാകുമെന്ന പ്രതീക്ഷയാണ് ഇടതുവലതു മുന്നണികള്‍ പുലര്‍ത്തുന്നത്. പത്തനംതിട്ട ശബരിമല അയ്യപ്പന്റെ പൂങ്കാവനമാണ്. അവിടം തങ്ങളെ കൈവിടില്ലെന്നു തന്നെയാണ് ബിജെപി പറയുന്നത്. 

കാത്തിരപ്പള്ളി പോലുള്ള െ്രെകസ്തവ ഭൂരിപക്ഷ മേഖലകളില്‍ നിന്നു പോലും തങ്ങള്‍ വോട്ട് പിടിക്കും എന്ന ബി ജെ പിയുടെ ആത്മവിശ്വാസത്തെയും തള്ളികളയാനാകില്ല. പി സി. ജോര്‍ജ് ബി ജെ പി ക്ക് ഒപ്പമായതാണ് കാരണം. പി സി ജോര്‍ജ് പത്തനംതിട്ട ലോകസഭാ മണ്ഡലത്തിലുള്ള നിയമസഭാംഗമാണ്. ഇരുമുന്നണികളിലുമില്ലാതെ വന്‍ വിജയം കൈവരിക്കാന്‍ അദ്ദേഹത്തിന് കഴിഞ്ഞു. പൂഞ്ഞാര്‍ നിയമസഭാ മണ്ഡലത്തില്‍ താന്‍ പറയുന്നത് നടക്കുമെന്ന് ജോര്‍ജ് പറയുമ്പോഴും അദ്ദേഹത്തിന്റെ അവകാശവാദങ്ങളെ വീരവാദങ്ങളായി തളളികളയാന്‍ കഴിയില്ല. ബിജെപിക്ക് ഇത് ജീവന്‍മരണ പോരാട്ടമാണ്.

പത്തനംതിട്ട ഒരു െ്രെകസ്തവ ഭൂരിപക്ഷ മേഖലയാണ്. അങ്ങനെയുള്ള ഒരു സ്ഥലത്ത് ബിജെപിക്ക് അനായാസ വിജയം ഉറപ്പിക്കണമെങ്കില്‍ െ്രെകസ്തവരുടെ സഹായം കൂടിയേ തീരൂ. മുണ്ടക്കയം പോലുള്ള പ്രദേശങ്ങള്‍ മുസ്ലീം ഭൂരിപക്ഷ മേഖലയാണ്.ഇവിടെ നിന്നുമുള്ള വോട്ടുകള്‍ യുഡിഎഫ് നേടാനാണ് സാധ്യത. കേന്ദ്രത്തില്‍ ബിജെപി ഭരണം വരാതിരിക്കാന്‍ വന്‍ തോതില്‍ ന്യൂനപക്ഷ കേന്ദ്രീകരണം കേരളത്തില്‍ സംഭവിച്ചിട്ടുണ്ട്. എന്നാല്‍ ശബരിമലക്ക് വേണ്ടി ഒരു മാസം ജയിലില്‍ കിടന്ന തന്നെ നാട്ടുകാര്‍ക്കറിയാം എന്നാണ് കെ.സുരേന്ദ്രന്റെ വാദം.

സുരേന്ദ്രന്റെ ത്യാഗം വോട്ടായി മാറിയോ എന്നാണ് കണ്ടറിയേണ്ടത്. അത് വോട്ടാകും എന്ന് സുരേന്ദ്രന്‍ വിശ്വസിക്കുന്നു. സംസ്ഥാന ബിജെപി നേതൃത്വം സുരേന്ദ്രന്റെ വിജയം ശരിവയ്ക്കുന്നുണ്ട്, അവര്‍ക്ക് അക്കാര്യത്തില്‍ താത്പര്യം കുറവാണെങ്കിലും. കേന്ദ്ര നേതൃത്വത്തിനും സുരേന്ദ്രന്‍ മന്ത്രിയാകുന്നതില്‍ അതിയായ താത്പര്യമുണ്ട്. പ്രധാനമന്ത്രി വരെ പ്രതീക്ഷിക്കുന്ന വിജയമാണ് ഇത്.