സംസ്ഥാനത്തിന് ആശ്വസിക്കാം ഈ മാസം വൈദ്യുതി നിയന്ത്രണമുണ്ടാകില്ലെന്ന് കെഎസ്‌ഇബി അറിയിച്ചു. അണക്കെട്ടുകളില്‍ നീരൊഴുക്ക് വര്‍ധിച്ചതിനാലാണ് വൈദ്യുതി നിയന്ത്രണം മാറ്റിയത്. മൂന്ന് ദശലക്ഷം യൂണിറ്റ് വൈദ്യുതിക്ക് വെള്ളം ലഭിച്ചതിനാൽ വൈദ്യുതി നിയന്ത്രണം വേണ്ടിവരില്ലെന്ന തീരുമാനത്തിലെത്തിയത്. ശക്തമായ കാല വർഷം കിട്ടി കഴിഞ്ഞാൽ വൈദ്യുതി നിയന്ത്രണമേ ആവശ്യം വരില്ല എന്നാണ് വിലയിരുത്തൽ. ഈ മാസം 15 ന് ചേരുന്ന വൈദ്യുതി ബോര്‍ഡ് ഉന്നതല യോഗത്തിൽ ഇപ്പോഴത്തെ സ്ഥിതി പുനരവലോകനം ചെയ്യും.

വെള്ളം ഇല്ലാത്തതിനാൽ വൈദുതി നിയന്ത്രണം ഉണ്ടാകും എന്ന അഭ്യുഹങ്ങൾക്കു ഇപ്പോൾ വിരാമം വന്നിരിക്കുകയാണ്. ഈ മാസം പതിനഞ്ചാം തീയതി വരെ നിയന്ത്രണം ഉണ്ടാകില്ല എന്നാണ് ആദ്യം അറിയിച്ചത്.