കേരളത്തിൽ കനത്ത മഴയ്ക്കുള്ള സാധ്യത കുറയുന്നതായി കാലാവസ്ഥാ നിരീക്ഷണ കേന്ദ്രത്തിന്റെ ഏറ്റവും പുതിയ വിലയിരുത്തൽ. സംസ്ഥാനത്ത് ഇന്ന് പരക്കെ മഴ കുറവാണെങ്കിലും ഉച്ചയ്ക്ക് ശേഷം ഇടിമിന്നലോടു കൂടിയ പ്രാദേശിക മഴ തുടർന്നേക്കും. അതേസമയം, ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം ഒഡീഷ, പശ്ചിമ ബംഗാൾ മേഖലകളിലേക്ക് നീങ്ങുന്നതിനാൽ ഉത്തരേന്ത്യയിൽ ഫ്ലാഷ് ഫ്ലഡ് അഥവാ പെട്ടെന്നുള്ള പ്രളയ മുന്നറിയിപ്പ് പുറപ്പെടുവിച്ചിട്ടുണ്ട്. കേരള തീരത്ത് മണിക്കൂറിൽ പരമാവധി 65 കിലോമീറ്റർ വരെ വേഗതയിൽ ശക്തമായ കാറ്റ് വീശാൻ സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുതെന്ന് ദുരന്തനിവാരണ അതോറിറ്റി കർശന നിർദേശം നൽകി.