പ്രവാസി മലയാളികളുടെ ഓഹരി പങ്കാളിത്തത്തോടെ പ്രവാസി നിക്ഷേപ കമ്പനി രൂപവത്കരിക്കാന് മന്ത്രിസഭ തീരുമാനം
പ്രവാസി മലയാളികളുടെ ഓഹരി പങ്കാളിത്തത്തോടെ പ്രവാസി നിക്ഷേപ കമ്പനി (എന്.ആര്.കെ. ഇന്വെസ്റ്റ്മെന്റ് ആന്ഡ് ഹോള്ഡിങ് കമ്പനി ലിമിറ്റഡ്) രൂപവത്കരിക്കാന് മന്ത്രിസഭ തീരുമാനിച്ചു. 74 ശതമാനം ഓഹരി പ്രവാസികള്ക്കും 26 ശതമാനം സര്ക്കാരില് നിക്ഷിപ്തമാക്കിയുമാണ് കമ്പനിക്ക് രൂപംനല്കുന്നത്. കമ്പനിക്കുകീഴില് ഇതിനായി പ്രത്യേക ഉദേശ്യ കമ്പനിയോ സബ്സിഡിയറി കമ്പനിയോ രൂപവത്കരിക്കാം. എന്.ആര്.ഐ. ടൗണ്ഷിപ്പ്, പശ്ചാത്തല സൗകര്യവികസനം മുതലായ മേഖലകളില് പദ്ധതികള് നടപ്പാക്കാന് ഉദ്ദേശിച്ചാണ് കമ്പനി രൂപവത്കരിക്കുന്നത്.
ലോക കേരള സഭയുടെ സ്റ്റാന്റിങ് കമ്മിറ്റികള് സമര്പ്പിച്ച ശുപാര്ശകളില് പ്രധാനപ്പെട്ടതായിരുന്നു പ്രവാസി നിക്ഷേപ കമ്പനി രൂപവത്കരണം. കമ്പനിയുടെ സ്പെഷ്യല് ഓഫീസറായി നോര്ക്ക റൂട്ട്സ് ചീഫ് എക്സിക്യുട്ടീവ് ഓഫീസറെ നിയമിക്കാന് മന്ത്രിസഭ തീരുമാനിച്ചു.
https://www.facebook.com/Malayalivartha
