തിരുവനന്തപുരം നഗരത്തിലെ പ്രധാന ഹോട്ടലുകളില്‍ നിന്നും വീണ്ടും പഴകിയ ഭക്ഷണം പിടിച്ചെടുത്തു. ഹോട്ടലുകളില്‍ നിന്നും പിടിച്ചെടുത്തത് ഒരാഴ്ചയോളം പഴകിയ ഭക്ഷണസാധനങ്ങള്‍. സ്റ്റാച്യു, പാളയം, തമ്ബാനൂര്‍, കരമന, ഓവര്‍ ബ്രിഡ്ജ്, അട്ടക്കുളങ്ങര എന്നിവിടങ്ങളിലായി നഗരപ്രദേശത്തെ അറുപതോളം ഹോട്ടലുകളിലാണ് നഗരസഭാ ആരോഗ്യവിഭാഗവും ഭക്ഷ്യസുരക്ഷാ ഉദ്യോഗസ്ഥരും പരിശോധന നടത്തിയത്. 

ഒരേ സമയം എട്ട് സ്‌ക്വാഡുകളായി തിരിഞ്ഞ് നഗരത്തിന്റെ വിവിധ ഭാഗങ്ങളിലെ ഹോട്ടലുകളില്‍ നഗരസഭാ ആരോഗ്യവിഭാഗം പരിശോധന നടത്തിയത്. നിരന്തരമായി വീഴ്ച വരുത്തുന്ന ഹോട്ടലുകള്‍ക്കെതിരെ കര്‍ശന നടപടിയെടുക്കുമെന്ന് തിരുവനന്തപുരം മേയര്‍ വി കെ പ്രശാന്ത് പറഞ്ഞു. പഴകിയ ഭക്ഷണം പിടിച്ചെടുത്ത മുഴുവന്‍ ഹോട്ടലുകളുടേയും ലിസ്റ്റ് പുറത്തുവിടുമെന്ന് മേയര്‍ പറഞ്ഞു.
നിരന്തരമായി വീഴ്ച വരുത്തുന്ന ഹോട്ടലുകളുടെ പ്രവര്‍ത്തനാനുമതി നിര്‍ത്തലാക്കുന്ന നടപടികളിലേക്കും നഗരസഭ നീങ്ങുമെന്നും അദ്ദേഹം പറഞ്ഞു.