ആദ്യരാത്രിയില്‍ വരന്റെ സുഹൃത്തുക്കള്‍ പടക്കം പൊട്ടിച്ചു; വാക്കേറ്റത്തിനിടെ സ്ത്രീക്ക് ചവിട്ടേറ്റു |
19 JULY 2019 05:54 PM IST
മലയാളി വാര്‍ത്ത
കോഴിക്കോട് വിവാഹാഘോഷവുമായി ബന്ധപ്പെട്ട് ആദ്യരാത്രിയില്‍ 'പടക്കം പൊട്ടിച്ചതിന്' വരന്റെ സൃഹൃത്തുക്കള്‍ക്കെതിരേ കേസ്.
രാമനാട്ടുകരയ്ക്കടുത്ത വൈദ്യരങ്ങാടി പട്ടാനിപാടത്താണ് സംഭവം. വരന്റെ സുഹൃത്തുക്കള്‍ വിവാഹത്തിന് ശേഷം രാത്രിയില്‍ ഒരുക്കിയ ആഘോഷ പരിപാടിയാണ് കേസില്‍ അവസാനിച്ചത്.
കഴിഞ്ഞ രാത്രി പത്തോടെ വീടിന്റെ കോലായില്‍ കയറി സുഹൃത്തുക്കള്‍ പടക്കം പൊട്ടിക്കുകയായിരുന്നു. ഇത് വരന്റെ ബന്ധുക്കള്‍ എതിര്‍ക്കാനെത്തിയതോടെ ആഘോഷം വാക്കുതര്‍ക്കത്തിലേക്ക് മാറി.
വാക്കേറ്റത്തിനിടെയാണ് കുടുംബാംഗമായ സ്ത്രീക്ക് ചവിട്ടേറ്റത്. ഇതേതുടര്‍ന്ന് ബന്ധുക്കള്‍ ഫറൂക്ക് പോലീസില്‍ പരാതി നല്‍കുകയായിരുന്നു.
സംഭവത്തില്‍ കണ്ടാലറിയാവുന്ന ആറു പേര്‍ക്കെതിരേ പോലീസ് കേസെടുത്തിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
