''അച്ഛൻ അമ്മ എന്ന നിലയിൽ നിന്ന് അവരൊന്നു ചിന്തിച്ചിരുന്നെങ്കിൽ'' വേദനയോടെ നീനു
എനിക്കങ്ങനെ ഇപ്പോള് പ്രത്യേകിച്ച് ഒരു വികാരവുമില്ല. ദേഷ്മോ വൈരാഗ്യമോ സ്നേഹമോ ഒന്നുമില്ല. അച്ഛന്, അമ്മ എന്ന ഒരു പൊസിഷന് മാത്രം. അവരൊന്ന് ചിന്തിച്ചാല് മതിയായിരുന്നു. അവിരിനി കാണാന് വരുമോ എന്നറിയില്ല. ഇത്രയൊക്കെ ചെയ്തിട്ട് ഇനി കാണാന് വരുമെന്ന് തോന്നുന്നില്ല. അങ്ങനെ വന്നാലും എനിക്ക് കാണണമെന്നുമില്ല..' കെവിന്റെ ഭാര്യ നീനുവിന്റെ വാക്കുകളാണിത്.
കേരളത്തെ നടുക്കിയ ആദ്യ ദുരഭിമാനക്കൊലയുടെ ഇരയായ കെവിന്റെ ഭാര്യ. കൊലപാതകം നടന്നിട്ട് ഒരു വര്ഷം കഴിയുമ്പോഴും കെവിന്റെ ഓർമ്മകൾ മുറുകെ പിടിച്ചു ജീവിക്കുകയാണ് നീനു. കേസിലെ വിചാരണ പൂര്ത്തിയായി പ്രതികളെ കുറ്റക്കാരെന്ന് കോടതി കണ്ടെത്തി. ഇവര്ക്കുള്ള ശിക്ഷാ വിധി വരാന് ഇനിയും ഒരു നാള് ബാക്കി നില്ക്കുകയാണ്. ഓര്മ്മകള് തന്നെയാണ് നീനുവിനെ ഇന്നും ജീവിക്കാന് പ്രേരിപ്പിക്കുന്നതും. ഇപ്പോഴും അവര് ഒരിക്കല് കൂടി ചിന്തിച്ചിരുന്നെങ്കിലെന്നാണ് നീനുവിന്റെ ആഗ്രഹം.
https://www.facebook.com/Malayalivartha
