പാലായില് നാളെ വോട്ടെടുപ്പ്... 176 പോളിംഗ് സ്റ്റേഷനുകളാണ് പാലായില് ഒരുക്കിയിരിക്കുന്നത്, രാവിലെ 7 മുതല് വൈകീട്ട് ആറ് മണിവരെയാണ് പോളിംഗ്... തെരഞ്ഞെടുപ്പിന് വേണ്ട എല്ലാ ഒരുക്കങ്ങളും പൂര്ത്തിയായതായി ജില്ലാ കളക്ടര്
പാലായില് നാളെ വോട്ടെടുപ്പ്. ആകെ 176 പോളിംഗ് സ്റ്റേഷനുകളാണ് പാലായില് ഒരുക്കിയിരിക്കുന്നത്. 1,79,107 വോട്ടര്മാര് പട്ടികയിലുണ്ട്.. രാവിലെ 7 മുതല് വൈകീട്ട് ആറ് മണിവരെയാണ് പോളിംഗ്. അത്യാധുനിക സംവിധാനമുള്ള എം 3 വോട്ടിംഗ് മെഷീനാണ് തെരഞ്ഞെടുപ്പിന് ഉപയോഗിക്കുക. അഞ്ച് മാതൃക ബൂത്തുകളും ഒരു വനിതാ നിയന്ത്രിത ബൂത്തും ക്രമീകരിച്ചിട്ടുണ്ട്. പോളിങ് സമഗ്രഹികളുടെ വിതരണം രാവിലെ 8 മണിയോടെ തുടങ്ങും. തെരഞ്ഞെടുപ്പിന് വേണ്ട എല്ലാ ഒരുക്കങ്ങളും പൂര്ത്തിയായതായി ജില്ലാ കളക്ടര് അറിയിച്ചു.
മണ്ഡലത്തില് ഇന്ന് നിശബ്ദ പ്രചാരണമാണ്. ഞായറാഴ്ചയായതിനാല് രാവിലെ ആരാധനാലയങ്ങള് കേന്ദ്രീകരിച്ചാകും സ്ഥാനാര്ഥികളുടെ പ്രചാരണം തുടരുക.
അഞ്ച് പ്രശ്ന സാധ്യതാ ബൂത്തുകളിലും പ്രത്യേക നിരീക്ഷകരെ നിയോഗിക്കും. ഇവിടത്തെ മുഴുവന് നടപടി ക്രമങ്ങളും വീഡിയോയില് പകര്ത്തും. നാട്ടിലില്ലാത്ത വോട്ടര്മാരുടെ വിവരങ്ങള് പ്രത്യേകം രേഖപ്പെടുത്തിയിട്ടുണ്ട്. ഇത് വഴി കള്ളവോട്ട് തടയാനാകുമെന്നും കമ്മീഷന് പറയുന്നു. മൂന്ന് കമ്പനി കേന്ദ്ര സേന അടക്കം 700 സുരക്ഷ ഉദ്യോഗസ്ഥരെ പാലായില് വിന്യാസിക്കും.
f
https://www.facebook.com/Malayalivartha