ചെറുപുഴയില് കരാറുകാരന് ആത്മഹത്യ ചെയ്ത സംഭവത്തിൽ കോണ്ഗ്രസ് നേതാക്കള്ക്കെതിരെ ആത്മഹത്യാപ്രേരണ കുറ്റം ചുമത്തി
കോണ്ഗ്രസ് നേതാക്കള്ക്കെതിരെ ആത്മഹത്യാപ്രേരണ കുറ്റം ചുമത്തി. ചെറുപുഴയില് കരാറുകാരന് ജോയിയുടെ മരണത്തിലാണ് ആത്മഹത്യാപ്രേരണ കുറ്റം ചുമത്തിയത്. മുന് കെ.പി.സി.സി നിര്വാഹക സമിതി അംഗം കെ കുഞ്ഞിക്കൃഷ്ണന് നായര്, മുന് പഞ്ചായത്ത് പ്രസിഡന്റ് റോഷി ജോസ്, ടി.വി അബ്ദുല്സലീം എന്നിവര്ക്കെതിരെയാണ് കേസ്.
ഇവര് ഇപ്പോള് വഞ്ചനാക്കുറ്റക്കേസില് റിമാന്റിലാണ്.കെ കരുണാകരന്റെ പേരില് ട്രസ്റ്റുണ്ടാക്കി 30 ലക്ഷം രൂപയുടെ തിരിമറി നടത്തിയെന്നായിരുന്നു ഇവര്ക്കെതിരെയുള്ള കേസ്. എട്ട് ഡയറക്ടര്മാരാണ് ട്രസ്റ്റിലുണ്ടായിരുന്നത്. ഇവരുമായി പിണങ്ങിയ രണ്ട് ഡയറക്ടര്മാരാണ് നേതാക്കള്ക്കെതിരെ കേസുകൊടുത്തത്. തിരിമറിയുമായി ബന്ധപ്പെട്ട് തെളിവുകള് ലഭിച്ച സാഹചര്യത്തിലാണ് നേതാക്കള്ക്കെതിരെ വഞ്ചനാക്കുറ്റം ചുമത്തി കേസെടുത്തത്.
https://www.facebook.com/Malayalivartha