വീട്ടമ്മയുടെ നഗ്നദൃശ്യങ്ങള് ഭര്ത്താവിന്റെ വാട്ട്സാപ്പില് എത്തിയ വഴി അറിയണോ...?
കോഴിക്കോട് സ്വദേശിക്ക് തങ്ങളുടെ ആന്ഡ്രോയ്ഡ് സ്മാര്ട്ട് ടി വി ചില്ലറ തലവേദനയല്ല നല്കിയത്. ഭര്ത്താവിന്റെ വാട്ട്സാപ്പില് വീട്ടമ്മയുടെ നഗ്നദൃശ്യങ്ങള് ലഭിച്ചപ്പോള് ഭര്ത്താവ് ഞെട്ടിപ്പോയി.
കുടുംബം സൈബര് സെല്ലില് പരാതി നല്കി. തുടര്ന്ന് നിമിഷങ്ങള്ക്കുള്ളില് ചിത്രം പ്രചരിപ്പിച്ചവര് ആരാണെന്ന് മനസ്സിലാക്കിയ പൊലീസ് വിദേശത്തിരുന്ന അവരെ പൊക്കി. പക്ഷേ ഒളിക്യാമറ ദൃശ്യം പകര്ത്തിയതാരാണെന്ന് കണ്ടു പിടിക്കാനായില്ല. പുറത്ത് നിന്ന് ആരും വീട്ടിലെ കിടപ്പ് മുറിയിലേക്ക് വന്നിട്ടില്ലെന്ന് വീട്ടുകാര് ഉറപ്പിച്ച് പറഞ്ഞതോടെ കൂടുതല് ശാസ്ത്രീയമായി അന്വേഷണം. ക്യാമറയുടെ വീക്ഷണ കോണ് അന്വേഷിച്ച് ചെന്നപ്പോഴാണ് ഒളിഞ്ഞുനോട്ടക്കാരന് ഭിത്തിയിലെ ടിവിയാണെന്ന് വിദഗ്ധര് കണ്ടെത്തിയത്.
കഴിഞ്ഞ അവധിക്ക് നാട്ടില് വന്നപ്പോഴാണ് മുറിയിലെ എല്ഇഡി ടിവി മാറ്റി ആന്ഡ്രോയ്ഡ് സ്മാര്ട്ട് ടിവി ഭര്ത്താവ് സ്ഥാപിച്ചത്. ടിവിയിലെ സ്ക്രീന് ഓഫായിരുന്നുവെങ്കിലും ക്യാമറ പ്രവര്ത്തിച്ചിരുന്നു. വീട്ടമ്മയുടെ ഭര്ത്താവിന്റെ ലാപ്ടോപ് വിദേശത്ത് നിന്നും ഹാക്ക് ചെയ്തവരാണ് ടിവി രഹസ്യമായി പകര്ത്തിയ ഈ ചിത്രങ്ങള് അദ്ദേഹത്തിന് തന്നെ അയച്ചു നല്കിയത്.
നാട്ടിലായിരുന്നപ്പോള് ഇദ്ദേഹം ടിവിയില് ലോഗിന് ചെയ്ത് സ്കൈപ് കോള് ചെയ്തിരുന്നു. ഇന്റര്നെറ്റുമായി ബന്ധിപ്പിച്ച് പ്രവര്ത്തിപ്പിക്കുന്ന തരം ഉപകരണങ്ങള് പ്രവര്ത്തന ശേഷം പ്ലഗ് മാത്രമല്ല, ബാറ്ററി ഉള്ളവയാണെങ്കില് അതും കൂടി ഊരിയിടണമെന്നാണ് സൈബര് വിദഗ്ധര് പറയുന്നത്.
https://www.facebook.com/Malayalivartha
