മരടിലെ ഫ്ലാറ്റ് അടുത്തമാസം നാലിന് പൊളിച്ചു തുടങ്ങുമെന്ന് നഗരസഭ... 60 ദിവസത്തിനകം പൂര്ത്തിയാക്കും... നാല് ഫഌറ്റുകളിലേക്കുള്ള വെള്ളവും വൈദ്യുതിയും മൂന്ന് ദിവസത്തിനകം വിച്ഛേദിക്കും, ഇവിടേക്കുള്ള പാചകവാതക വിതരണം നിര്ത്തിവെക്കാന് വിതരണക്കമ്പനികളോട് ആവശ്യപ്പെടും, ഫോര്ട്ട്കൊച്ചി സബ് കളക്ടര് സ്നേഹില് കുമാറിനാണ് ചുമതല
അടുത്ത മാസം നാലിന് മരടിലെ ഫ്ളാറ്റ് സമുച്ചയങ്ങള് പൊളിച്ചുതുടങ്ങുമെന്ന് നഗരസഭ. ചീഫ് എന്ജിനിയര് നല്കിയ രൂപരേഖ ചെറിയ ഭേദഗതികളോടെ നഗരസഭാ സെക്രട്ടറി സര്ക്കാരിന് നല്കും. ഇതാണ് സര്ക്കാര് സുപ്രീംകോടതിയില് സത്യവാങ്മൂലത്തിനൊപ്പം നല്കുക. 60 ദിവസത്തിനകം പൂര്ത്തിയാക്കും. ഫ്ലാറ്റുകളിലേക്കുള്ള പാചകവാതക വിതരണം നിര്ത്തിവെക്കാന് വിതരണക്കമ്പനികളോടും ആവശ്യപ്പെടും.
നാല് ഫഌറ്റുകളിലേക്കുള്ള വെള്ളവും വൈദ്യുതിയും മൂന്ന് ദിവസത്തിനകം വിച്ഛേദിക്കും. ഇക്കാര്യം ആവശ്യപ്പെട്ട് നഗരസഭ കെ.എസ്.ഇ.ബിക്കും വാട്ടര് അതോറിറ്റിക്കും കത്ത് നല്കിയിരുന്നു. ഫഌറ്റ് പൊളിക്കലിന് ഫോര്ട്ട് കൊച്ചി സബ് കളക്ടറെ സര്ക്കാര് ചുമതലപ്പെടുത്തിയിരുന്നു. പുതിയ ഉത്തരവിന്റെ പശ്ചാത്തലത്തില് ഫഌറ്റുകളില് താമസിക്കുന്നവരെ ഒഴിപ്പിക്കുന്നതിനും പകരം താമസ സൗകര്യം ഒരുക്കുന്നതിനും ഫഌറ്റുകള് പൊളിക്കുന്നതും ഉള്പ്പടെയുള്ള ചുമതലകള് സ്നേഹില് കുമാര് ഐഎഎസിനായിരിക്കും.
മരട് ഫഌറ്റ് പൊളിക്കലിലെ കോടതി ഉത്തരവ് പാലിക്കാത്തതിന്റെ പേരില് ചീഫ് സെക്രട്ടറിയെ വിളിച്ചുവരുത്തി സുപ്രിം കോടതി ശകാരിച്ചതിന് പിന്നാലെയാണ് സര്ക്കാര് കടുത്ത നടപടികളിലേക്ക് കടന്നത്. സുപ്രിം കോടതി ഉത്തരവനുസരിച്ച് ഫഌറ്റ് പൊളിക്കല് സമയബന്ധിതമായി പൂര്ത്തിയാക്കണമെന്ന് നിര്ദേശമുണ്ട്.
"
https://www.facebook.com/Malayalivartha
