തപാൽ വകുപ്പിന്റെ പുതിയ പരിഷ്‌ക്കാരങ്ങൾ കാലത്തിനൊപ്പം സഞ്ചരിക്കുന്നത് തന്നെയാണ് . ആശയ വിനിമയത്തിന് കത്തെഴുതുന്നത് വളരെ അപൂർവ്വ മായതിനാൽ ഒരുകാലത്തു ആളുകൾ വളരെ ആകാംക്ഷയോടെ കാത്തിരുന്ന പോസ്റ്റുമാനെ ആരും തിരിഞ്ഞു നോക്കാതെയായി . ഫോണും വാട്ട്സാപ്പും ഫേസ്ബുക്കും ഇന്റർനെറ്റും കത്തുകളുടെ സ്ഥാനം പാടെ അപഹരിച്ചുകളഞ്ഞു ..എന്നാൽ ഇപ്പോൾ വീണ്ടും പോസ്റ്റുമാൻ എന്ന പദവിക്ക് തിളക്കം വർധിക്കുകയാണ്. ഇനിയും പോസ്റ്മാനെ അല്ലെങ്കിൽ പോസ്റ്റ് വോമനെ തേടി ആളുകൾ കാത്തുനിൽക്കും..കരണമെന്തെന്നോ- പോസ്റ്റുമാൻ ഇനി സഞ്ചരിക്കുന്ന എ ടി എം ആയി മാറുകയാണ് ..

ഇതനുസരിച്ച്‌ വീട്ടിലെത്തുന്ന പോസ്റ്റുമാനില്‍നിന്ന് പണം പിന്‍വലിക്കുകയോ അക്കൌണ്ട് ബാലന്‍സ് അറിയുകയോ ചെയ്യാം. ആധാറുമായി ലിങ്ക് ചെയ്ത ബാങ്കിലെയോ പോസ്റ്റ് ഓഫീസ് പേമെന്‍റ് ബാങ്കിലെയോ അക്കൌണ്ടുകളില്‍നിന്നാണ് ഇത്തരത്തില്‍ പണം പിന്‍വലിക്കാനാകും . ഒരു ദിവസം 10000 രൂപ വരെ ഇത്തരത്തില്‍ പിന്‍വലിക്കാം എന്ന സൗകര്യമുണ്ട് . പണം പിൻവലിക്കാൻ മാത്രമല്ല പണം നിക്ഷേപിക്കാനുള്ള സൗകര്യവും ഉണ്ട്.

തപാൽവകുപ്പ് തയ്യാറാക്കിയ മൈക്രോ എടിഎം ആപ്പും മൊബൈൽ ഫോണും ബയോ മെട്രിക് ഉപകരണവും സംയോജിപ്പിച്ചാണ് സഞ്ചരിക്കുന്ന എടിഎമ്മുകളായി പോസ്റ്റുമാൻമാർ മാറുന്നത്

ആധാര്‍ എനേബിള്‍ഡ് പേമെന്‍റ് സംവിധാനമാണ് ഇവിടെ ഉപയോഗിക്കുന്നത് . സംസ്ഥാനത്തെ 10600 പോസ്റ്റുമാന്‍മാരില്‍ 7196 പേരാണ് ആദ്യ ഘട്ടത്തില്‍ സഞ്ചരിക്കുന്ന എടിഎം ആയി മാറുന്നതിനുള്ള പരിശീലനം പൂര്‍ത്തിയാക്കിയത്. സംസ്ഥാനത്തെ 5064 പോസ്റ്റോഫീസുകളില്‍ 4742 ഇടങ്ങളിലാണ് പുതിയ സൗകര്യം ലഭ്യമാകുക. തപാല്‍വകുപ്പ് തയ്യാറാക്കിയ മൈക്രോ എടിഎം ആപ്പും മൊബൈല്‍ ഫോണും ബയോ മെട്രിക് ഉപകരണവും സംയോജിപ്പിച്ചാണ് സഞ്ചരിക്കുന്ന എടിഎമ്മുകളായി പോസ്റ്റുമാന്‍മാര്‍ മാറുന്നത്

പ്രായാധിക്യം, അസുഖം എന്നിവ മൂലം ബാങ്കുകളില്‍ പോകാന്‍ സാധിക്കാത്തവര്‍ക്കാണ് ഈ സൌകര്യം പ്രയോജനപ്പെടുത്താനാകുക. കൂടാതെ ഓണ്‍ലൈന്‍ ബാങ്കിങ് ഇടപാടുകളില്‍ പ്രാവീണ്യമില്ലാത്തവര്‍ക്കും എടിഎം കാര്‍ഡ് ഉപയോഗിക്കാന്‍ അറിയാത്തവര്‍ക്കും തപാല്‍ വകുപ്പിന്‍റെ സേവനം പ്രയോജനപ്പെടുത്താനാകും.

ഒന്നിലധികം ബാങ്കുകളുടെ സേവനം ഈ സംവിധാനത്തില്‍ ഏകോപിക്കപ്പെടുന്നുവെന്നതാണ് എഇപിഎസിന്‍റെ മറ്റൊരു പ്രത്യേകത. പോസ്റ്റല്‍ സേവിങ്സ് അക്കൌണ്ട് ഇല്ലാത്തവര്‍ക്കും എ.ഇ.പി.എസ് സൌകര്യം പ്രയോജനപ്പെടുത്താം. പോസ്റ്റുമാന്‍റെ കൈവശമുള്ള മൊബൈല്‍ ആപ്പില്‍ അക്കൌണ്ട് നമ്പർ, ഫോണ്‍ നമ്പർ, ആധാര്‍ നമ്പർ , ആധാര്‍ കാര്‍ഡിലെ ക്യൂ ആര്‍ കോഡ് എന്നിവ ഉപയോഗിച്ച്‌ ബാങ്കിങ് ഇടപാട് നടത്താനാകും. ഇടപാട് പൂര്‍ത്തിയാക്കാന്‍ അവരവരുടെ ആധാര്‍ ബയോമെട്രിക് വിവരങ്ങള്‍ നല്‍കിയാൽ മാത്രം മതി