കൊച്ചി അന്താരാഷ്ട്ര വിമാനത്താവളത്തിന് അന്തര് ദേശീയ പുരസ്ക്കാരം
എയര്പോര്ട്ട് കൗണ്സില് ഇന്റര് നാഷണലിന്റെ പുരസ്ക്കാരം കൊച്ചി അന്താരാഷ്ട്ര വിമാനത്താവളത്തിന്. യാത്രക്കാര്ക്ക് മികച്ച സേവനം നല്കിയതിനാണ് പുരസ്ക്കാരം. എ സി ഐ യുടെ എയര്പോര്ട്ട് സര്വ്വീസ് ക്വാളിറ്റി സര്വ്വെയുടെ അടിസ്ഥാനത്തിലാണ് പുരസ്ക്കാരം പ്രഖ്യാപിച്ചത്. ഏഷ്യാ പസഫിക് മേഖലയിലെ 5-15 മില്ല്യണ് കാറ്റഗറിയില് നടന്ന സര്വ്വെയിലാണ് മികച്ച സേവനത്തിനുള്ള പുരസ്ക്കാരം സിയാല് നേടിയത്.
ഇന്തോനേഷ്യയിലെ ബാലിയില് നടന്ന രണ്ടാമത് എ സി ഐ കസ്റ്റമര് എക്സ്പീരിയന്സ് ഗ്ലോബല് ഉച്ചക്കോടിയില് വെച്ചാണ് പുരസ്ക്കാരം കൊച്ചി അന്താരാഷ്ട്ര വിമാനത്താവളത്തിന് കൈമാറിയത്. ലോകത്തെമ്പാടുമുള്ള എയര്പോര്ട്ട് ഓപ്പറേറ്റര്മാര്ക്കുള്ള ഏറ്റവും ഉയര്ന്ന അംഗീകാരമാണ് ഈ പുരസ്ക്കാരമെന്ന് എ സി ഐ വേള്ഡ് ഡയറക്ടര് ജനറല് ആഞ്ചല ഗിറ്റന്സ് പറഞ്ഞു.
യാത്രക്കാരുടെ സംതൃപ്തിയ്ക്കും വിമാനത്താവളങ്ങളില് മികച്ച സേവനം ഉറപ്പു വരുത്തുന്നതിനും വേണ്ടിയാണ് എ സി ഐ എയര്പോര്ട്ട് സര്വ്വീസ് ക്വാളിറ്റി സര്വ്വെ നടത്തുന്നത്.
ഇന്ത്യയിലെ പൊതുമേഖല-സ്വകാര്യമേഖല പങ്കാളിത്തത്തോടെ തുടങ്ങിയ ആദ്യത്തെ വിമാനത്താവളം ആണിത് .. 1999 മേയ് 25ന് ആണ് പ്രവർത്തനമാരംഭിച്ചത് . മൊത്തം യാത്രക്കാരുടെ എണ്ണത്തിൽ ഇന്ത്യയിൽ ഏഴാമതും അന്തർദേശീയ യാത്രക്കാരുടെ എണ്ണത്തിൽ ഇന്ത്യയിൽ നാലാമതുമാണ് കൊച്ചി അന്താരാഷ്ട്ര വിമാനത്താവളം. കേരളത്തിലെ വ്യോമ ഗതാഗതത്തിന്റെ പകുതിയും കൈകാര്യം ചെയ്യുന്ന കൊച്ചി അന്താരാഷ്ട്ര വിമാനത്താവളം കേരളത്തിലെ ഏറ്റവും വലിയ വിമാനത്താവളമാണ്..
https://www.facebook.com/Malayalivartha