സ്ത്രീകള് വാങ്ങുമോ? സംശയങ്ങള്ക്ക് വിരാമമിട്ട് തലസ്ഥാനത്ത് നാടകീയ രംഗങ്ങള്; കൈക്കൂലി വാങ്ങിയ വനിതാ ജൂനിയര് ഹെല്ത്ത് ഇന്സ്പെകടറെ വിജിലന്സ് പൊലീസ് നാടകീയമായി പിടികൂടി; ബഹളം കൂട്ടി രക്ഷപ്പെടാന് ഇവര് നടത്തിയ നീക്കം പാളി; വനിത ഉദ്യോഗസ്ഥയുടെ കൈക്കൂലി പൊളിച്ചത് ഷിബു കൃഷ്ണന്
പുരുഷന്മാര് കൈക്കൂലി വാങ്ങുന്ന നിരവധി വാര്ത്തകള് പലതവണ വന്നിട്ടുണ്ട്. പലര്ക്കും ഈയൊരനുഭവം നേരിട്ട് അറിയുകയും ചെയ്യാം. ചില കാര്യങ്ങള് വേഗത്തില് നടക്കാന് അറിഞ്ഞ് കൊണ്ട് കൈക്കൂലി നല്കുന്നവരും ചെറുതല്ല. കെട്ടിടം വയ്ക്കുമ്പോള് നോക്കാന് വരുന്ന ഉദ്യോഗസ്ഥര്ക്കും കറണ്ട് എടുക്കുമ്പോള് പരിശോധിക്കാന് വരുന്ന ഉദ്യോഗസ്ഥര്ക്കും കൈക്കൂലി നല്കി സന്തോഷിപ്പിച്ച് വിടുക എന്ന ശീലം മലയാളികള്ക്കിപ്പോഴുമുണ്ട്. കൊടുക്കുന്നവനും വാങ്ങുന്നവനും സന്തോഷമാണ്. എന്നാല് ചിലരാകട്ടെ ചോദിച്ച് വാങ്ങാറും ഉണ്ട്. എത്ര കൊടുത്താലും തൃപ്തിയാകില്ല. അവരെയാണ് ശപിച്ച് പോകുന്നതും പണി കിട്ടുന്നതും. അതേ സമയം തന്നെ വനിത ഉദ്യോഗസ്ഥര് കൈക്കൂലി വാങ്ങുമെന്ന് ചിന്തിക്കാന് പോലും മലയാളികള്ക്കാവില്ല. അവര് വാങ്ങിയാലും ഇല്ലെങ്കിലും ഒരു വനിത ഉദ്യോഗസ്ഥയെ കൈക്കൂലിയുടെ പേരില് കൈയ്യോടെ പിടികൂടിയിരിക്കുകയാണ്. അതും നടുറോഡില് വച്ച്.
തലസ്ഥാന നഗരത്തിലാണ് സംഭവം. റോഡില് കൈക്കൂലി വാങ്ങിയ വനിതാ ജൂനിയര് ഹെല്ത്ത് ഇന്സ്പെകടറെ വിജിലന്സ് പൊലീസ് നാടകീയമായാണ് പിടികൂടിയത്. മഫ്ടിയിലത്തെിയ വനിതകള് അടങ്ങിയ ഉദ്യോഗസ്ഥ സംഘത്തെ തിരിച്ചറിയാതെ ബഹളം കൂട്ടി രക്ഷപ്പെടാന് ഇവര് നടത്തിയ നീക്കം അമ്പേ പാളിപ്പോയി. ഉടന് തന്നെ ഇവരെ പിടികൂടി കോടതിയില് ഹാജരാക്കി. നിയമനടപടികള്ക്കു ശേഷം കോര്പറേഷനില് നിന്ന് സസ്പെന്ഷന് ഉത്തരവും വന്നു. കോര്പറേഷന് ജഗതി സോണല് ഓഫിസിലെ ജൂനിയര് ഹെല്ത്ത് ഇന്സ്പെക്ടര് എം.എ. സരിതയാണു കൈക്കൂലി കേസില് കയ്യോടെ പിടിയിലായത്.
വഴുതക്കാട് തുടങ്ങുന്ന ഇന്റീരീയര് ഡെക്കറേഷന് സ്ഥാപനത്തിന്റെ പരാതിയെ തുടര്ന്നാണ് സംഭവം കൈവിട്ടു പോയത്. ഇന്റീരീയര് ഡെക്കറേഷന് സ്ഥാപനത്തിന്റെ ലൈസന്സിനായി അപേക്ഷ നല്കിയ ഷിബു കൃഷ്ണനില് നിന്നു കൈക്കൂലി വാങ്ങിയതിന് പിന്നാലെയാണ് സരിത പിടിയിലായത്. പിടികൂടിയത് വിജിലന്സാണെന്നു അറിയാതെ നടുറോഡില് ബഹളം വച്ചു. ഇതോടെ നാട്ടുകാര് കൂടുകയും തന്ത്രപൂര്വം രക്ഷപ്പെടാനും സരിത ശ്രമിച്ചു. അപേക്ഷ നല്കാന് എത്തിയപ്പോള് അനുമതി വേണമെങ്കില് 5,000 രൂപ കൈക്കൂലി ലഭിക്കണമെന്നു സരിത ഷിബുവിനോട് ആവശ്യപ്പെട്ടു. വനിത ഉദ്യോഗസ്ഥരും കൈക്കൂലി ചോദിച്ച് വാങ്ങുമോയ എല്ലാം സമ്മതിച്ച ഷിബു കൃഷ്ണന് അത് മനസില് കുറിച്ചിട്ടു.
തിരിച്ചെത്തിയ ഷിബുകൃഷ്ണന് ഇക്കാര്യം ചൂണ്ടിക്കാട്ടി വിജിലന്സ് ദക്ഷിണമേഖലാ സൂപ്രണ്ട് ജയശങ്കറിന് പരാതി നല്കി. തുടര്ന്നു വിജിലന്സ് ഉദ്യോഗസ്ഥരുടെ നിര്ദേശാനുസരണമായിരുന്നു ഷിബുവിന്റെ നീക്കങ്ങള്. പണം നല്കാമെന്നു ഷിബുകൃഷ്ണന് സരിതയെ അറിയിച്ചു. വെള്ളിയാഴ്ച ഓഫിസില് എത്താന് സരിത പറഞ്ഞു. പിന്നീട് വൈകിട്ട് ജഗതി പൂജപ്പുര റോഡില് മറ്റൊരു സ്ഥലം സരിത നിര്ദേശിച്ചു. വിജിലന്സ് സംഘവും ഇവിടെ എത്തി.
സ്വകാര്യവാഹനങ്ങളില് അല്പം മാറി നിലയുറപ്പിച്ചു. നാലരയോടെ സ്ഥലത്ത് എത്തിയ സരിതയ്ക്ക് വിജിലന്സ് നേരത്തെ നല്കിയ നോട്ടുകള് ഷിബു കൈമാറി. ഇതോടെ വിജിലന്സ് സംഘം പിടികൂടുകയും ചെയ്തു. എന്നാല് തന്നെ പിടികൂടിയത് വിജിലന്സാണെന്നറിയാതെ സരിത ശരിക്കും ബഹളം വച്ചു. ഇതോടെ നാട്ടുകാരില് ചിലര് ഇടപെടുകയും അറിയാതെ ഉദ്യോഗസ്ഥരോട് കയര്ക്കുകയും ചെയ്തു. ഇതിനിടെ തന്ത്രപൂര്വം രക്ഷപ്പെടാനുള്ള ശ്രമവും നടത്തി. അതിനിടെ നാട്ടുകാരോട് കാര്യങ്ങള് പറയുകയും സരിതയെ പിടികൂടുകയും ചെയ്തു. തുടര്ന്നാണ് സംശയാതീതമായി കുറ്റം തെളിഞ്ഞ സാഹചര്യത്തില് സരിതയെ സസ്പെന്ഡ് ചെയ്തത്. ദക്ഷിണ മേഖല ഡിവൈഎസ്പി അനിലിന്റെ നേതൃത്വത്തിലുള്ള സംഘമായിരുന്നു നടപടി എടുത്തത്.
https://www.facebook.com/Malayalivartha
