അധികാരം നീചമായി ഉപയോഗിക്കപ്പെടുന്ന എല്ലാ കാലത്തും സ്ത്രീകളും കുട്ടികളും അതിന് ഇരയാകുന്നു എന്ന് പ്രശസ്ത മലയാളസാഹിത്യകാരൻ ടി.ഡി. രാമകൃഷ്ണൻ. ആയിരം കൊല്ലം മുൻപുള്ള സ്ത്രീ കുറെ കൂടി സ്വതന്ത്രയായിരുന്നു. എന്നാൽ കാലത്തിന്റെ ചലനത്തിൽ സമൂഹം മുന്നോട്ടാണെങ്കിലും സ്ത്രീയെ അത്ര തന്നെ നിയന്ത്രിക്കാനുള്ള ശ്രമങ്ങളുമാണ് നടക്കുന്നതെന്നും അദ്ദേഹം അഭിപ്രായപ്പെട്ടു. മലയാളിവാർത്തക്ക് അനുവദിച്ച പ്രത്യേക അഭിമുഖത്തിലായിരുന്നു അദ്ദേഹം ഇക്കാര്യം പറഞ്ഞത്.

സ്ത്രീ അധികാരത്തിന്റെ ഇരകളാകുന്ന എന്ന് മാത്രമല്ല, ഒരേ സമയം സാധ്യതകളാണ്. എല്ലാകാലത്തും സ്ത്രീ അല്ലെങ്കിൽ അവളുടെ ലൈംഗികത പ്രധാനപ്പെട്ട ഒരു വിഷയമായി വരുന്നു. പല മേഖലയിലും സ്ത്രീക്ക് വളരെ നിർണായക മായ സ്വാധീനം ചെലുത്താൻ കഴിയുന്നുണ്ട്. എന്നാൽ ഈ കാലഘട്ടത്തിലെ പല സ്ഥാപന വത്ക്കരണവും സ്ത്രീയെയും അവളുടെ ലൈംഗീകതയെയും തങ്ങളുടെ താൽപര്യങ്ങൾക്കനുസരിച്ച് നിയന്ത്രിക്കാനായി ശ്രമിക്കുന്നു. എല്ലാ തരത്തിലുള്ള സദാചാര സങ്കല്പങ്ങളും അധികാര സങ്കൽപ്പങ്ങളും ഇതിനു പിന്നിൽ പ്രവർത്തിക്കുന്നുണ്ട്.

ഒരു പുരുഷൻ കഷ്ടപെടുന്നതിന്റെ പതിന്മടങ്ങ് ഒരു സ്ത്രീക്ക് കഷ്ടപ്പെടേണ്ടി വരും. സ്ത്രീ ശരീരം ഒരേ സമയം അവൾക്കൊരു സാധ്യതയും അതേസമയം ബാധ്യതയുമായി മാറുന്നു. എന്നാൽ അതിലെ സാധ്യതകൾ തിരിച്ചറിഞ്ഞുകൊണ്ട് മുന്നോട്ട് പോകുന്ന ആളുകളും ഉണ്ട്. ആയിരം കൊല്ലം മുൻപുള്ള സ്ത്രീ കുറെ കൂടി സ്വതന്തയായിരുന്നു. എന്നാൽ കാലത്തിന്റെ ചലനത്തിൽ സമൂഹം മുന്നോട്ടാണെങ്കിലും സ്ത്രീയെ അത്ര തന്നെ നിയന്ത്രിക്കാനുള്ള ശ്രമങ്ങളുമാണ് നടക്കുന്നത്. അവളുടെ വിദ്യാഭ്യാസം, ജീവിതം, വസ്ത്രധാരണം, ലൈംഗീകത എല്ലാത്തിനെയും സമൂഹം നിയന്ത്രിക്കുകയാണ്.

ഇരുപത്തി ഒന്നാം നൂറ്റാണ്ടിൽ സ്ത്രീ പലപ്പോഴും പുരുഷനൊപ്പം ഉയർന്നു വരുന്നുണ്ട് എങ്കിൽ പോലും പല ഭാഗത്തുനിന്നും അവളെ അടിച്ചമർത്താനുള്ള ശ്രമങ്ങളുംനടക്കുന്നുണ്ട്. സ്ത്രീതന്നെയാണ് പലപ്പോഴും ഇത്തരം സദാചാര തടവറയുടെ സൃഷ്ടാവും എന്നും അദ്ദേഹം മലയാളിവാർത്തയോട് പറഞ്ഞു.

കൂടുതൽ അറിയാൻ വീഡിയോ കാണുക....