മരട് ഫ്ലാറ്റ് വിഷയത്തില് സുപ്രീംകോടതി വിധി നടപ്പാക്കാന് തയ്യാറായി കഴിഞ്ഞെന്ന് സര്ക്കാര്
മരട് ഫ്ലാറ്റ് വിഷയത്തില് സുപ്രീംകോടതി വിധി നടപ്പാക്കാന് സര്ക്കാര് എല്ലാ സംവിധാനങ്ങളും ഒരുക്കിയിട്ടുണ്ടെന്ന് മുഖ്യമന്ത്രി പിണറായി വിജയന്. ഫ്ലാറ്റിലെ താമസക്കാര്ക്ക് പുനരധിവാസം ഒരുക്കാനും നഷ്ടപരിഹാരം നല്കാനും സുപ്രീംകോടതി ഉത്തരവിട്ടിട്ടുണ്ട്. അക്കാര്യത്തിലും കോടതി തീരുമാനം അനുസരിച്ചുള്ള നടപടികള് സ്വീകരിക്കുകയാണ്.
ഫ്ലാറ്റില്നിന്ന് ഒഴിഞ്ഞുപോകേണ്ടി വരുന്നവര്ക്ക് പുനരധിവാസം നല്കുക എന്നത് സുപ്രീംകോടതി വിധി മാത്രമല്ല, മാനുഷികമായ പ്രശ്നം കൂടിയാണ്. അതുകൊണ്ടുതന്നെ അതില് അവര്ക്ക് സഹായം നല്കുന്നത് സര്ക്കാരിന്റെ ഉത്തരവാദിത്വമായി തന്നെ കാണുന്നു. ഒഴിപ്പിക്കുന്നവര്ക്ക് 25 ലക്ഷം രൂപ ഇടക്കാല നഷ്ടപരിഹാരം നല്കണമെന്നാണ് സുപ്രീംകോടതി ഉത്തരവ്. ഇതിനുള്ള തുടര്നടപടികള്ക്ക് നേതൃത്വം നല്കാന് സുപ്രീംകോടതി തന്നെ റിട്ട. ഹൈക്കോടതി ജഡ്ജിയെ നിയോഗിച്ചിട്ടുണ്ട്. നഷ്ടപരിഹാരം നല്കുന്നതിനുള്ള തുക നിര്മാതാക്കളില്നിന്ന് ഈടാക്കുന്നതും നിര്മാതാക്കളുടെ സ്വത്ത് കണ്ടുകെട്ടുന്നതടക്കമുള്ള നടപടികള് സ്വീകരിക്കുന്നതും ഈ സംവിധാനത്തിന്റെ ഭാഗമായാണ് നടക്കുക.
https://www.facebook.com/Malayalivartha
