നാടോടി പെണ്‍കുട്ടിയെ പീഡിപ്പിച്ച സംഭവത്തിൽ ഉദിയന്‍കുളങ്ങര സ്വദേശിയായ യുവാവ് അറസ്റ്റിൽ. നെയ്യാറ്റിന്‍കരയിലാണ് പ്രായപൂര്‍ത്തിയാകാത്ത നാടോടി പെണ്‍കുട്ടി പീഡനത്തിന് ഇരയായത്. ഇന്നലെ അര്‍ദ്ധരാത്രിയോടെയായിരുന്നു സംഭവം നടന്നത്.

പെയിന്റിംഗ് തൊഴിലാളിയായ ഇയാള്‍ മദ്യലഹരിയില്‍ വരികയായിരുന്നു. അപ്പോൾ റോഡരികിൽ പ്രതിമ വിൽക്കുന്ന പെണ്‍കുട്ടിയെ കണ്ടത്. സമീപമെത്തി പ്രതിമയ്ക്കായി വിലപേശല്‍ നടത്തുകയും ഇതിനിടയിൽ ഇവരെ കടന്നു പിടിക്കുകയായിരുന്നു. പെണ്‍കുട്ടി ബഹളം വച്ചതും ഇയാൾ ഓടി രക്ഷപ്പെട്ടു.എന്നാൽ രക്ഷപ്പെടാൻ ശ്രമിച്ച ഇയാളെ ഒപ്പമുണ്ടായിരുന്നവര്‍ പിന്തുടര്‍രുകയും പിടികൂടുകയും ചെയ്തു. പിന്നാലെ പൊലീസിന് ഏൽപ്പിക്കുകയും ചെയ്തു. രാജസ്ഥാന്‍ സ്വദേശിയാണ് പെണ്‍കുട്ടി. പെണ്‍കുട്ടിക്ക് വൈദ്യപരിശോധന നടത്തി. ഇവരുടെ മൊഴിയനുസരിച്ച്‌ കേസ് രജിസ്റ്റര്‍ ചെയ്തു. ഇയാളുടെ അറസ്റ്റ് രേഖപ്പെടുത്തി. ഇന്ന് ഇയാളെ കോടതിയില്‍ ഹാജരാക്കും.