കൊച്ചിയിലെ റോഡ് നന്നാക്കാന്‍ അമേരിക്കയില്‍ നിന്ന് ആളുവരണോ? വീണ്ടും വിമർശനമുയർത്തി ഹൈക്കോടതി; വേഗത്തിൽ റോഡുകള്‍ നന്നാക്കിയില്ലെങ്കില്‍ ഉദ്യോഗസ്ഥരെ വിളിച്ചുവരുത്തുമെന്നും കോടതിയുടെ മുന്നറിയിപ്പ്
12 NOVEMBER 2019 03:48 PM IST
മലയാളി വാര്‍ത്ത
കൊച്ചി നഗരത്തിലെ താറുമാറായി കിടക്കുന്ന റോഡുകളുടെ ശോചനീയാവസ്ഥയിൽ വിമർശിച്ച് ഹൈക്കോടതി. റോഡുകൾ ഗതാഗത യോഗ്യമാക്കാത്തതില്‍ കോര്‍പ്പറേഷനെതിരേ ഹൈക്കോടതി. കൊച്ചിയിലെ റോഡുകള്‍ നന്നാക്കാന്‍ അമേരിക്കയില്‍ നിന്നും ആളുവരണോ എന്ന് കോടതി പരിഹാസ രൂപേണ ചോദിക്കുകയുണ്ടായി. ഈ മാസം 15-നകം റോഡുകള്‍ നന്നാക്കിയില്ലെങ്കില്‍ ഉദ്യോഗസ്ഥരെ വിളിച്ചുവരുത്തുമെന്നും കോടതിയുടെ മുന്നറിയിപ്പ്.
റോഡുകളുടെ ശോചനീയാവസ്ഥ ചൂണ്ടിക്കാട്ടി നൽകിയ ഹര്‍ജികള്‍ പരിഗണിക്കവെയാണ് കോര്‍പ്പറേഷനെതിരേ ഹൈക്കോടതി തിരിഞ്ഞത്. റോഡുകള്‍ സഞ്ചാര യോഗ്യമാക്കാന്‍ അടിയന്തര ഇടപെടല്‍ ഉണ്ടാകണമെന്ന് ജസ്റ്റീസ് ദേവന്‍ രാമചന്ദ്രന്‍ പറഞ്ഞു. അതേസമയം ഹര്‍ജി പരിഗണിച്ചപ്പോള്‍ കോര്‍പ്പറേഷന് വേണ്ടി ഹാജരാകേണ്ട അഭിഭാഷകന്‍ കോടതിയില്‍ ഹാജരായില്ല.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
