കേരളത്തിന്റെ സ്വപ്ന പദ്ധതി പൂർത്തിയായി; ഇടമണ്-കൊച്ചി പവര് ഹൈവേയുടെ ഉദ്ഘാടനം നാളെ . മുഖ്യമന്ത്രി നിർവഹിക്കും
കേരളത്തിന്റെ സ്വപ്ന പദ്ധതിയായ ഇടമണ്-കൊച്ചി പവര് ഹൈവേയുടെ ഉദ്ഘാടനം തിങ്കളാഴ്ച. മുഖ്യമന്ത്രി പിണറായി വിജയനാണ് ഉദ്ഘാടനം ചെയ്യുന്നത്. പദ്ധതി നടപ്പാക്കുന്നത് വഴി കേരളത്തിന്റെ വൈദ്യുതി പ്രതിസന്ധിക്ക് പരിഹാരം കാണാനാകും. 2980 മെഗാവാട്ടാണ് കേരളത്തിന്റെ സ്ഥാപിത വൈദ്യുതോത്പാദന ശേഷി. മറ്റ് സംസ്ഥാനങ്ങളില് നിന്നും നാം വൈദ്യുതി സ്വീകരിക്കാറുണ്ട് . അപ്പോൾ കേരളത്തിന് 400 മെഗാവാട്ട് വൈദ്യുതിയുടെ കുറവ് രേഖപ്പെടുത്തിയിരുന്നു. എന്നാല് ഇടമണ്-കൊച്ചി ലൈന് പൂര്ത്തിയായതോടെ ലൈനുകളുടെ ശേഷി വര്ധിക്കുകയാണ്. സെപ്തംബര് 25 മുതല് നടത്തുന്ന ലൈന് ചാര്ജിംഗ് വിജയകരമായതോടെയാണ് പദ്ധതി ഔദ്യോഗികമായി സംസ്ഥാനത്തിന് സമര്പ്പിക്കുക. മുഖ്യ മന്ത്രിയുടെ ഫേസ്ബുക്ക് കുറിപ്പിലൂടെ ഈ കാര്യം അറിയിച്ചു. ഫേസ്ബുക്ക് കുറിപ്പിന്റെ പൂർണ്ണ രൂപം;
കേരളത്തിന്റെ വൈദ്യുതി പ്രതിസന്ധിക്കു പരിഹാരമാകുന്ന ഇടമണ്- കൊച്ചി പവര് ഹൈവേ തിങ്കളാഴ്ച (നവംബര് 18) ഉദ്ഘാടനം ചെയ്യും. സപ്തംബര് 25 മുതല് നടത്തിക്കൊണ്ടിരിക്കുന്ന ലൈന് ചാര്ജ്ജിംഗ് വിജയപ്രദമായതോടെയാണ് പദ്ധതി ഔദ്യോഗികമായി സംസ്ഥാനത്തിന് സമര്പ്പിക്കുന്നത്. പവര്ഗ്രിഡ് കോര്പ്പറേഷന് പദ്ധതി പൂര്ത്തീകരിച്ചതോടെ 400 കെ.വി ശൃംഖലയിലൂടെ ഇന്ത്യയുടെ ഏതു ഭാഗത്തുനിന്നും കേരളത്തിലേക്ക് വൈദ്യുതി എത്തിക്കാനാകും എന്നതാണ് പവര്ഹൈവേയുടെ പ്രത്യേകത. പ്രസരണനഷ്ടം കുറച്ച് കേരളത്തിന് ഗുണമേന്മയുള്ള വൈദ്യുതി എത്തിക്കാനാകും എന്നതും നേട്ടമാണ്. സര്ക്കാര് അധികാരത്തില് വന്നപ്പോള് നിലച്ച നിലയിലായിരുന്ന പദ്ധതി, പ്രതിബന്ധങ്ങള് തട്ടിമാറ്റി പൂര്ത്തീകരിക്കാനായി.
https://www.facebook.com/Malayalivartha