ഓരോ ദിവസവും സ്ത്രീകള്‍ക്കെതിരായ കുറ്റകൃത്യങ്ങള്‍ വര്‍ധിക്കുകയാണ്.ഈ ഘട്ടത്തിൽ ഇത്തരം ആക്രമണങ്ങള്‍ തടയുവാനായി പുത്തന്‍ ആശയവുമായി വന്നിരിക്കുകയാണ് പഞ്ചാബിലെ ലുധിയാന പൊലീസ്. വൈകുന്നേരവും രാത്രിയിലും ക്യാബ് കണ്ടെത്താന്‍ കഴിയാതെ ബുദ്ധിമുട്ടുന്ന സ്ത്രീകള്‍ക്ക് സൗജന്യ സവാരി പൊലീസ് ഒരുക്കി കൊടുക്കും. ഹെല്‍പ് ലൈന്‍ നമ്പറും ഉണ്ട്.

സ്ത്രീകള്‍ക്ക് 1091, 7837018555 എന്നീ നമ്പറുകളില്‍ വിളിച്ച്‌ പൊലീസിനോട് സഹായം അഭ്യർത്ഥിക്കാം. രാത്രി പത്തു മണി മുതല്‍ രാവിലെ ആറ് മണിവരെയാണ് ഈ സൗജന്യ സവാരി . സ്ത്രീകൾ എത്തേണ്ടുന്ന സ്ഥലത്ത് സൗജന്യമായും സുരക്ഷിതമായും എത്തിക്കും. പൊലീസ് കമ്മീഷണര്‍ രാകേഷ് അഗര്‍വാള്‍ ഈ കാര്യങ്ങൾ വ്യക്തമാക്കി.