ഏഷ്യൻ ഗെയിംസ് പുരുഷ ഹോക്കിയിൽ ഇന്ത്യക്ക്‌ തുടർച്ചയായ മൂന്നാം ജയം. ദക്ഷിണകൊറിയയെ 8–2നാണ്‌ കീഴടക്കിയത്‌. അഭിഷേക്‌ നയ്‌ൻ, ദിൽപ്രീത്‌ സിങ്ങും ഇരട്ട ​ഗോളുകൾ നേടിയപ്പോൾ ഷിലാനന്ദ് ലക്ര, സുഖ്ജീത് സിംഗ്, ഹർമൻപ്രീത് സിംഗ്, രജീന്ദർ സിംഗ് എന്നിവരും ലക്ഷ്യം കാണുകയായിരുന്നു

ഏഷ്യൻ ഗെയിംസ് ചരിത്രത്തിൽ ദക്ഷിണ കൊറിയയ്‌ക്കെതിരെ ഇന്ത്യ നേടുന്ന ഏറ്റവും വലിയ വിജയമാണിത്. പൂൾ എ മത്സരത്തിൽ ആധിപത്യം പുലർത്തി, അപരാജിത കുതിപ്പ് തുടരുന്ന ഇന്ത്യ ഒന്നാം സ്ഥാനത്താണ്. ഗ്രൂപ്പ് ഘട്ടത്തിലെ അടുത്ത മത്സരത്തിൽ ശനിയാഴ്ച ആതിഥേയരായ ജപ്പാനാണ് എതിരാളി.