എല്ലാം മുകളിലൊരാള്‍ കാണുന്നുണ്ട്.... ഗവര്‍ണര്‍ക്കെതിരെ പടയൊരുക്കവുമായി കെ. മുരളീധരന് മുതലുള്ള കോണ്‍ഗ്രസ് നേതാക്കളും മന്ത്രിമാരും സിപിഎം നേതാക്കളും രംഗത്ത്; പ്രത്യക്ഷത്തില്‍ ഒരാളുടേയും സപ്പോര്‍ട്ട് കിട്ടുന്നില്ലെങ്കിലും കേന്ദ്രത്തെ ശക്തമായി പിന്തുണച്ച് പറഞ്ഞ വാക്കില്‍ ഉറച്ച് നിന്ന് ഗവര്‍ണര്‍
പൗരത്വ ഭേദഗതി നിയമത്തെ തള്ളിപ്പറയുന്നവര്‍ക്കെതിരെ ശക്തമായ നിലപാടുമായി രംഗത്തെത്തിയ പ്രമുഖനാണ് സംസ്ഥാന ഗവര്‍ണര്‍ ആരിഫ് മുഹമ്മദ് ഖാന്‍. അദ്ദേഹത്തിന്റെ ശക്തമായ നിലപാട് കാരണം കേണ്‍ഗ്രസുകാരും സിപിഎമ്മും കൈകോര്‍ക്കുന്ന അവസ്ഥ പോലുമുണ്ടായി. എങ്കിലും ഓരോ ദിവസം പോലും കഴിയും തോറും കൂടുതല്‍ ശക്തനായ ഗവര്‍ണറേയാണ് കാണാന്‍ കഴിഞ്ഞത്. എന്തിന് നിയമസഭ ഏകകണ്ഠമായി പാസാക്കിയ പ്രമേയം പോലും ഗവര്‍ണര്‍ തള്ളിക്കളയുകയാണ്. ഇതിനെതിരെ വീണ്ടും നേതാക്കള്‍ രംഗത്തെത്തിയിട്ടുണ്ട്.
വിമര്‍ശിക്കാനും കേന്ദ്രത്തോട് പ്രമേയത്തിലൂടെ ആവശ്യമുന്നയിക്കാനും നിയമസഭയ്ക്ക് അവകാശമുണ്ടെന്നു നിയമമന്ത്രി എ.കെ. ബാലന്‍ പറഞ്ഞു. ഗവര്‍ണറുടെ അഭിപ്രായം രാഷ്ട്രീയമായെന്നു വിമര്‍ശിച്ച് എല്‍.ഡി.എഫ്. കണ്‍വീനര്‍ എ. വിജയരാഘവന്‍ ഒരുപടി കൂടി കടന്നപ്പോള്‍, കെ. മുരളീധരന്റെ പ്രതികരണം ഗവര്‍ണറെ തെരുവിലിറങ്ങാന്‍ അനുവദിക്കില്ലെന്ന മുന്നറിയിപ്പിലെത്തി.
പൗരത്വം പൂര്‍ണമായും കേന്ദ്ര സര്‍ക്കാരിന്റെ വിഷയമാണെന്ന് ഇന്നലെ മാധ്യമപ്രവര്‍ത്തകരോടു സംസാരിച്ച ഗവര്‍ണര്‍ പറഞ്ഞു. സംസ്ഥാന സര്‍ക്കാരുകള്‍ക്ക് അതില്‍ ഒരു സ്ഥാനവുമില്ല. സ്വന്തം അധികാരത്തിലില്ലാത്ത കാര്യങ്ങളില്‍ സംസ്ഥാനം നടത്തുന്ന ചര്‍ച്ചകളും പ്രമേയങ്ങളും സമയം പാഴാക്കുകയേയുള്ളൂ. കണ്ണൂരില്‍ നടന്ന ചരിത്ര കോണ്‍ഗ്രസിന്റെ നിര്‍ദേശപ്രകാരമാകാം നിയമസഭ പ്രമേയം പാസാക്കിയത്. ചരിത്രവിഷയങ്ങള്‍ക്കു പകരം മറ്റുപലതുമാണ് അവിടെ ചര്‍ച്ച ചെയ്തത്. ചരിത്ര കോണ്‍ഗ്രസ് സര്‍ക്കാരിനു നല്‍കിയ നിര്‍ദേശങ്ങള്‍ കുറ്റകരമാണെന്നും ഗവര്‍ണര്‍ പറഞ്ഞു. പൗരത്വ നിയമത്തെ നേരത്തേ ഒന്നിലധികം വേദികളില്‍ ശക്തമായി ന്യായീകരിച്ച അദ്ദേഹത്തോടുള്ള വിയോജിപ്പ് അതോടെ അണപൊട്ടി.
നിയമസഭ മുമ്പും ഇത്തരം പ്രമേയങ്ങള്‍ പാസാക്കിയിട്ടുണ്ടെന്നും അതു ചട്ടലംഘനമാണെന്നു പറയുന്നതു ശരിയല്ലെന്നും മന്ത്രി ബാലന്‍ പറഞ്ഞു. നിയമസഭാ പ്രമേയത്തെ ഗവര്‍ണര്‍ ചോദ്യംചെയ്തതു ശരിയല്ലെന്നും അദ്ദേഹം ഇത്തരം ഇടപെടലുകളില്‍നിന്നു മാറിനില്‍ക്കണമെന്നും എ. വിജയരാഘവന്‍ പറഞ്ഞു. ബി.ജെ.പിയുടെ ഏജന്റായി മാറിയ ആരിഫ് മുഹമ്മദ് ഖാനെ നിയന്ത്രിക്കാന്‍ മുഖ്യമന്ത്രി ഇടപെടണമെന്നു കെ. മുരളീധരന് ആവശ്യപ്പെട്ടു. നിയമസഭയ്ക്ക് അതിന്റേതായ അവകാശമുണ്ടെന്നും ഗവര്‍ണര്‍ പദവിയുടെ ഔന്നത്യം മാനിക്കണമെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. ഇക്കാര്യത്തില്‍ മുഖ്യമന്ത്രി അഭിപ്രായം പറഞ്ഞില്ല.
അതേസമയം ബിജെപിയുടെ ഭാഗത്ത് നിന്ന് ശക്തമായ പിന്തുണയാണ് ഗവര്‍ണര്‍ക്ക് ലഭിക്കുന്നത്. മുത്തലാഖ് നിരോധനമടക്കമുള്ള സാമൂഹിക പരിഷ്‌കരണത്തിലൂടെ മുസ്ലിം സമൂഹത്തിന്റെ പിന്തുണ നേടിയ മോഡി സര്‍ക്കാരിനെതിരായ സംഘടിത നീക്കത്തിന്റെ ഭാഗമായാണ് പൗരത്വ നിയമവുമായി ബന്ധപ്പെട്ട് മുസ്ലിംകള്‍ക്കിടയില്‍ തെറ്റിദ്ധാരണ പരത്തുന്നതെന്ന് കേന്ദ്രമന്ത്രി വി. മുരളീധരന് പറഞ്ഞു. സംസ്ഥാന സര്‍ക്കാരിന്റേത് ഭരണഘടനയോടുള്ള വെല്ലുവിളിയാണ്. പ്രമേയത്തിനു കടലാസിന്റെ വില പോലുമില്ല. പ്രമേയം അവകാശലംഘനമാണോ എന്നു പാര്‍ലമെന്റിന്റെ അവകാശ സമിതി പരിശോധിക്കുമെന്നും അദ്ദേഹം പറഞ്ഞു.
ഗവര്‍ണര്‍ ആരിഫ് മുഹമ്മദ് ഖാനെതിരെ വിമര്‍ശനമുന്നയിച്ച കോണ്‍ഗ്രസ് നേതാവ് കെ. മുരളീധരന് എം.പിയ്‌ക്കെതിരെ ബിജെപി നേതാവ് കെ. സുരേന്ദ്രനും രംഗത്തെത്തി. കെ. മുരളീധരന് സ്ത്രീധനം കിട്ടിയതല്ല കേരളം എന്ന് അദ്ദേഹം ഫേസ്ബുക്ക് കുറിപ്പില്‍ പറഞ്ഞു.
കെ. മുരളീധരന് സ്ത്രീധനം കിട്ടിയതല്ല കേരളം. മുരളീധരന്റെ പിതാവ് കെ. കരുണാകരനെ ഗൗനിച്ചിട്ടില്ല ഞങ്ങള്‍. പിന്നെയല്ലേ ഈ കിങ്ങിണിക്കുട്ടന്റെ ഭീഷണി... എന്നായിരുന്നു സുരേന്ദ്രന്റെ മുന്നറിയിപ്പ.
"
https://www.facebook.com/Malayalivartha
