ഭൂപരിഷ്‌കരണ വിവാദത്തില്‍ മുഖ്യമന്ത്രിക്ക് മറുപടിയുമായി കാനം രംഗത്ത്
ഭൂപരിഷ്‌കരണ നിയമത്തിന് ഒന്‍പതാം പട്ടികയില്‍ ഉള്‍പ്പെടുത്തി സംരക്ഷണം നല്‍കിയത് അച്യുതമേനോന്‍ സര്‍ക്കാറാണ്. ഇതൊന്നും പ്രത്യേകം പഠിക്കേണ്ട ചരിത്രമല്ല, കേരളത്തില്‍ എല്ലാവര്‍ക്കും അറിയാവുന്ന ചരിത്രമാണിതെന്നും കാനം വ്യക്തമാക്കി ഭൂപരിഷ്‌കരണ വിവാദത്തില്‍ മുഖ്യമന്ത്രി പിണറായി വിജയന് മറുപടി നല്‍കി സിപിഐ സംസ്ഥാന സെക്രട്ടറി കാനം രാജേന്ദ്രന്‍. 'സൂര്യനെ പാഴ് മുറം കൊണ്ട് മറയ്ക്കരുത്. ഭുപരിഷ്‌കരണ നിയമത്തിന്റെ ക്രെഡിറ്റ് ആരുമായും പങ്കുവെയ്ക്കാന്‍ സിപിഐ തയ്യാറല്ല. ഭുപരിഷ്‌കരണ നിയമം ഇന്ന് കാണുന്ന നിലയില്‍ നടപ്പാക്കിയത് അച്യുതമേനോന്‍ സര്‍ക്കാരാണെന്ന്' കാനം രാജേന്ദ്രന്‍ പറഞ്ഞു.
ഭൂരിപരിഷ്‌കരത്തിന്റെ അന്‍പതാം വാര്‍ഷികത്തിന്റെ ഭാഗമായി തൃശ്ശൂരില്‍ സംഘടിപ്പിച്ച സെമിനാറില്‍ സംസാരിക്കുകയായിരുന്നു കാനം രാജേന്ദ്രന്‍.
ചരിത്രങ്ങള്‍ വായിച്ചു പഠിക്കുന്നതാണ് നല്ലതെന്നും ചരിത്രത്തില്‍ അര്‍ഹരായവര്‍ക്ക് അര്‍ഹമായ സ്ഥാനം നല്‍കുന്നതാണ് മാന്യതയെന്നും കാനം കൂട്ടിച്ചേര്‍ത്തു.നേരത്തെ ഭൂപരിഷ്‌കരണത്തിന്റെ അമ്ബതാം വാര്‍ഷികത്തില്‍ മുഖ്യമന്ത്രി പിണറായി വിജയന് നടത്തിയ പ്രസംഗത്തില്‍ മുന്‍ മുഖ്യമന്ത്രി സി അച്യുതമേനോന്റെ പേര് പരാമര്‍ശിക്കാത്തതാണ് സിപിഐസിപിഎം വിവാദങ്ങള്‍ക്ക് തുടക്കമിട്ടിരുന്നത്. ഇതിന് പിന്നാലെ തന്നെ ചിലര്‍ വിമര്‍ശിക്കുന്നത് ചരിത്രമറിഞ്ഞിട്ടോ അറിയാഞ്ഞിട്ടോ എന്നറിയില്ലെന്നും കഴിഞ്ഞ ദിവസം പിണറായി വിജയന് പറഞ്ഞിരുന്നു.
https://www.facebook.com/Malayalivartha
