കേന്ദ്രസര്‍ക്കാര്‍ നയങ്ങള്‍ക്കെതിരെ ബുധനാഴ്ച തൊഴിലാളി സംഘടനകള്‍ ആഹ്വാനം ചെയ്ത ദേശീയ പണിമുടക്കില്‍ സര്‍വവും സ്തംഭിക്കുമെന്ന് റിപ്പോര്‍ട്ട്; ബിഎംഎസ് ഒഴികെയുള്ള ട്രേഡ് യൂണിയനുകള്‍ പണിമുടക്കില്‍ പങ്കെടുക്കുന്നുണ്ട്
കേന്ദ്രസര്‍ക്കാര്‍ നയങ്ങള്‍ക്കെതിരെ തൊഴിലാളി സംഘടനകള്‍ ആഹ്വാനം ചെയ്ത 24 മണിക്കൂര്‍ ദേശീയ പണിമുടക്ക് ജന ജീവിതത്തെ സാരമായി ബാധിക്കും. ചൊവ്വാഴ്ച അര്‍ധരാത്രി മുതല്‍ ബുധനാഴ്ച അര്‍ധരാത്രി വരെയാണ് പണിമുടക്ക്. ബിഎംഎസ് ഒഴികെയുള്ള ട്രേഡ് യൂണിയനുകള്‍ പണിമുടക്കില്‍ പങ്കെടുക്കുന്നുണ്ട്. സിഐടിയു സ്വകാര്യ മേഖലയിലെ തൊഴിലാളികളോടും സര്‍ക്കാര്‍ ജീവനക്കാരോടും പൂര്‍ണമായ പണിമുടക്കിനാണ് ആഹ്വാനം ചെയ്തിരിക്കുന്നത്. സംസ്ഥാനത്ത് കെഎസ്ആര്‍ടിസി ബസുകളും സ്വകാര്യ ബസുകളും സര്‍വീസ് നടത്തില്ലെന്ന് സിഐടിയു അറിയിച്ചു.
ഐഎന്‍ടിയുസി, എഐടിയുസി, എച്ച്എംഎസ്,സിഐടിയു, എഐയുടിയുസി,ടിയുസിസി, എഐസിസിടിയു, എല്‍പിഎഫ്, യുടിയുസി എന്നീ സംഘടനകളെ കൂടാതെ നിരവധി തൊഴിലാളി കൂട്ടായ്മകളും പണിമുടക്കില്‍ പങ്ക് ചേരും എന്നറിയിച്ചിട്ടുണ്ട്. ജനുവരി രണ്ടിന് കേന്ദ്ര തൊഴില്‍ വകുപ്പുമായി തൊഴിലാളി യൂണിയനുകള്‍ നടത്തിയ ചര്‍ച്ച പരാജയപ്പെട്ടതിനെ തുടര്‍ന്നാണ് രാജ്യവ്യാപകമായ പണിമുടക്കിന് ആഹ്വാനം ചെയ്തത്.സര്‍ക്കാര്‍,അര്‍ദ്ധ സര്‍ക്കാര്‍ ജീവനക്കാരെ കൂടാതെ ബാങ്ക് ജീവനക്കാരുടെ സംഘടനകളും പണിമുടക്കും.
ബാങ്ക് ഓഫീസര്‍മാരുടെ സംഘടനയായ ഓഫീസേഴ്‌സ് കോണ്‍ഫെഡറേഷന്‍ പണിമുടക്കില്‍ പങ്കെടുക്കില്ല എന്ന് അറിയിച്ചിട്ടുണ്ട്.സിപിഎം,സിപിഐ,ആര്‍എസ്പി,ഫോര്‍വേര്‍ഡ് ബ്ലോക്ക് തുടങ്ങിയ ഇടത് പക്ഷ പാര്‍ട്ടികള്‍ പണിമുടക്കിന് പിന്തുണ പ്രഖ്യാപിച്ചിട്ടുണ്ട്.ഇടത് പക്ഷം അധികാരത്തിലിരിക്കുന്ന കേരളത്തില്‍ പണിമുടക്ക് ജനജീവിതത്തെ കാര്യമായി ബാധിച്ചേക്കും.സ്വകാര്യ മേഖലയിലെ തൊഴിലാ
https://www.facebook.com/Malayalivartha
