വിമാനത്തിൽ യാത്രക്കാരുണ്ടാക്കുന്ന ഒരൊ പൊല്ലാപ്പുകൾ കൂടിവരികയാണ്. മറ്റ് യാത്രക്കാർക്കും അതുപോലെ വിമാന ജീവനക്കാർക്കും ആകെ തലവേദയായിരിക്കുകയാണ് ചില യാത്രക്കാരുടെ ഇത്തരം നടപടികൾ. എന്താണ് സംഭവിച്ചത് എന്ന് നോക്കാം

വിമാനത്തിൽ പുകവലിച്ചു . മധ്യവയസ്‌കൻ അറസ്റ്റിൽ.മസ്‌കറ്റിൽ നിന്ന് മുംബൈയിലേക്കുള്ള വിസ്താര വിമാനത്തിലാണ് സംഭവം. വിമാനത്തിന്റെ ശുചിമുറിയിൽ വച്ചാണ് മധ്യവയസ്‌കൻ പുകവലിച്ചത്. ബാലകൃഷ്ണ രാജയൻ എന്ന ആളാണ് പിടിയിലായത്. 51 വയസുള്ള വ്യക്തിയാണ് അറസ്റ്റിലായത്. ബാലകൃഷ്ണൻ രാജയൻ കന്യാകുമാരി സ്വദേശിയാണ്. സ്‌മോക്ക് ഡിറ്റക്ടറിന്റെ സഹായത്തോടെയാണ് ഇയാൾ ശുചിമുറിയിൽ വച്ച് പുകവലിച്ചത് പൈലറ്റിന്റെ ശ്രദ്ധയിൽപ്പെട്ടത് .

പൈലറ്റ് ഇക്കാര്യം ക്യാബിൻ ക്രൂവിനെ അറിയിച്ചു . അങ്ങനെയാണ് സംഭവം പുറം ലോകമറിഞ്ഞത്. ശുചിമുറിയിൽ നടത്തിയ പരിശോധനയിൽ ഒരു സിഗരറ്റ് ബഡ് കണ്ടെടുത്തതായി പൊലീസ് പറഞ്ഞു.മുംബൈയിൽ വിമാനമിറങ്ങിയ ശേഷം ക്യാബിൻ ക്രൂ അംഗങ്ങൾ ഗ്രൗണ്ട് സുരക്ഷാ സൂപ്പർവൈസറെ വിവരമറിയിക്കുകയായിരുന്നു. തുടർന്നാണ് ബാലകൃഷ്ണൻ രാജയനെ കസ്റ്റഡിയിലെടുത്തത്.