പാമ്പിനെ കൊണ്ടുവന്ന ജാര് കണ്ടെത്തി; പൊട്ടിക്കരഞ്ഞ് സൂരജ്; എന്തിനാടാ... ഞങ്ങളുടെ മകളെ കൊന്നത്; അലമുറയിട്ട് കരഞ്ഞ് ഉത്രയുടെ അമ്മ; തെളിവെടുപ്പിനെത്തിച്ചത് അതീവ രഹസ്യമായി; അഞ്ചലിലെ നാടകീയ സംഭവങ്ങള് ഇങ്ങനെ...
അഞ്ചലില് യുവതി പാമ്പ് കടിയേറ്റ് മരിച്ച സംഭവത്തില് നടത്തിയ തെളിവെടുപ്പില് നാടകീയ സംഭവങ്ങള്. ഒന്നാം പ്രതി സൂരജിനെ ഉത്രയുടെ വീട്ടില് എത്തിച്ച് തെളിവെടുപ്പ് നടത്തി. പാമ്പിനെ കൊണ്ടുവന്ന പ്ലാസ്റ്റിക്ക് പാത്രം കണ്ടെടുത്തതോടെ. സൂരജിന്റ കാര്യത്തില് തീരുമാനമായി സംഭവ സ്ഥലത്ത് ഫോറന്സിക് വിദഗ്ധര് പരിശോധന നടത്തി. ആള്ക്കൂട്ടത്തെ ഒഴിവാക്കുന്നതിനായി ആരെയും അറിയിക്കാതെയാണ് ഉത്രയുടെ ഭര്ത്താവ് സൂരജിനെ തെളിവെടുപ്പിനായി എത്തിച്ചത്. തെളിവെടുപ്പിനിടെ വൈകാരിക രംഗങ്ങളാണ് ഉത്രയുടെ വീട്ടില് ഉണ്ടായത്. മകളെ കൊന്നയാളെ വീട്ടില് കയറ്റില്ലെന്ന് പറഞ്ഞ് ഉത്രയുടെ അമ്മ അലമുറയിട്ട് കരഞ്ഞു. തെളിവെടുപ്പിനിടെ സൂരജും പൊട്ടി കരഞ്ഞു.
എന്തിനാണ് ഞങ്ങളുടെ മകളെ കൊന്നതെന്ന് ഉത്രയുടെ അച്ഛനും അമ്മയും കരഞ്ഞ് കൊണ്ട് സൂരജിനോട് ചോദിച്ചു. ഞാന് ഒന്നും ചെയ്തിട്ടില്ലെന്ന് കരഞ്ഞ് കൊണ്ട് സൂരജും പറഞ്ഞു. ഉത്രയുടെ മുറിയും പരിസരവും പരിശോധിച്ച പൊലീസ് പാമ്പിനെ കൊണ്ടുവന്ന പാത്രം കണ്ടെത്തി. സമീപത്തെ ആളൊഴിഞ്ഞ വീട്ടിന്റെ പരിസരത്ത് നിന്നാണ് പാമ്പിനെ കൊണ്ട് വന്ന ജാര് കണ്ടൈത്തിയത്.
കഴിഞ്ഞ മെയ് ഏഴിന് പുലര്ച്ചെ അഞ്ചലിലെ വീട്ടില് കിടപ്പുമുറിക്കുള്ളിലാണ് ഉത്രയെ പാമ്ബുകടിയേറ്റ് മരിച്ച നിലയില് കണ്ടെത്തിയത്. കൊലപാതകത്തിനു വേണ്ടി മൂന്നു മാസമായി സൂരജ് ആസൂത്രണം നടത്തുന്നു. ഭാര്യയെ കൊല്ലണമെന്ന ലക്ഷ്യത്തോടെയാണു സുഹൃത്തില്നിന്നു പാമ്ബിനെ വാങ്ങിയത്. സൂരജും പാമ്ബ് പിടിത്തക്കാരന് സുരേഷുമടക്കം നാലുപേരെ ചോദ്യം ചെയ്തപ്പോഴാണ് ആസൂത്രിതമായ കൊലപാതക വിവരം പുറത്തറിയുന്നത്. ഉത്രയുടെ ഭര്ത്താവ് സൂരജ് പതിനായിരം രൂപ നല്കി കല്ലുവാതുക്കല് സ്വദേശി സുരേഷില് നിന്നാണ് പാമ്ബിനെ വാങ്ങിയത്. ഇയാളുമായി സൂരജ് നിരന്തരം സമ്പര്ക്കം പുലര്ത്തിയിരുന്നു. സൂരജ് ഫെബ്രുവരി 26ന് പാമ്ബ് പിടിത്തക്കാരനായ സുരേഷില് നിന്ന് അണലിയെ വാങ്ങി. ആ അണലി ഉത്രയെ മാര്ച്ച് 2 ന് കടിപ്പിച്ചെങ്കിലും ഉത്ര രക്ഷപ്പെട്ടു. തുടര്ന്നാണ് കരിമൂര്ഖനെ വാങ്ങിയത്.
ഉത്തരയെ കൊത്താന് ഫണം വിടര്ത്തി മൂര്ഖന് ആഞ്ഞ് കൊത്തുമ്പോഴെല്ലാം സൂരജ് മുറിയ്ക്കുള്ളിലുണ്ടായിരുന്നു. പാമ്പിനെ കുപ്പിയിലാക്കി പുറത്തേക്ക് എറിയാമെന്നായിരുന്നു കണക്കുകൂട്ടല്. എന്നാല് പാമ്ബ് സൂരജിന് നേരെ തിരിഞ്ഞു. തുടര്ന്ന് ഭിതിയിലായ സൂരജ് ഉറങ്ങാതെ കട്ടിലില് നേരം കഴിച്ചുകൂട്ടി. സാധാരണ എട്ട് മണിയ്ക്ക് ഉണരുന്ന സൂരജ് സംഭവ ദിവസം ആറ് മണിയോടെ ഉത്തരയുടെ ബന്ധുക്കളെ വിളിച്ച് ഉത്തരയെ പാമ്ബ് കടിച്ച വിവരം അറിയിക്കുകയും മുറിയില് നിന്നും മൂര്ഖനെ തല്ലിക്കൊല്ലുകയും ചെയ്തു.
https://www.facebook.com/Malayalivartha