സോളാറും സ്വര്‍ണക്കടത്തും സാമ്യതകള്‍ ഏറെ; അന്ന് പേഴ്‌സണല്‍ സ്റ്റാഫാണെങ്കില്‍ ഇന്ന് ഐ.എ.എസുക്കാരന്‍; അങ്ങനെ അങ്ങ് കൈകഴുകി മാറി നില്‍ക്കാന്‍ വരട്ടെ
സ്വര്‍ണ കള്ളക്കടത്ത് കേസ് സജീവാമാകുമ്പോള്‍ സോളാര്‍ കേസുമായുള്ള ഇതിന്റെ സാമ്യതയാണ് ഇന്ന് ചര്‍ച്ചചെയ്യപ്പെടുന്നത്. രണ്ടു കേസുകളിലും സ്ത്രീകള്‍ പ്രധാന പ്രതിയായി എന്നതുമത്രമല്ല പിന്നെയും നിരവധി സാമത്യകള്‍ ഈ കേസുകള്‍ തമ്മിലുണ്ട്. അതുകൊണ്ടു തന്നെയാണ് സോളാര്‍ സമരവുമായി ബന്ധപ്പെട്ട് പിണാറായി വിജയന്റെത് ഉള്‍പ്പെടെയുള്ള നേതാക്കളുടെ പ്രസ്ഥാവനകള്‍ ഇടതു സര്‍ക്കാരിനെ തിരിഞ്ഞു കൊത്തുന്നത്. യു.ഡി.എഫ് സര്‍ക്കാരിന്റെ അവസാന വര്‍ഷമാണ് സോളാര്‍ കേസും അതുമായി ബന്ധപ്പെട്ടുള്ള രാഷ്ട്രീയ വിവാദങ്ങള്‍ കത്തി പടര്‍ന്നതും അതുപോലെ തന്നെയാണ് ഇപ്പോള്‍ സ്വര്‍ണകടത്തു കേസും ഇപ്പോള്‍ ചര്‍ച്ചയാകുന്നത്.
സോളാറില്‍ മുഖ്യമന്ത്രി ഉമ്മന്‍ചാണ്ടി തന്റെ ഓഫീസ് ദുരുപയോഗം ചെയ്തുവെന്നതാണ് പ്രധാന ആരോപണം. ഇതുതന്നെയാണ് ഇന്ന് പിണറായിക്കെതിരെയും ഉയരുന്ന പ്രധാന ആരോപണം. കള്ളകടത്തുകേസില്‍ കസ്റ്റംസ് ഉദ്യോഗസ്ഥരെ സ്വാധിനിക്കാന്‍ മുഖ്യമന്ത്രിയുടെ ഓഫീസ് ഇടപ്പെട്ടുവെന്നതാണ് ആരോപണം. അന്ന് ഉമ്മന്‍ചാണ്ടിയുടെ പേഴ്‌സണ്‍ സ്റ്റാഫിലുണ്ടായിരുന്ന രണ്ടു പേരെ നീക്കം ചെയ്തു. എന്നാല്‍ കള്ളക്കടത്ത് കേസില്‍ ചുമതലകളില്‍ നിന്നും നീക്കം ചെയതത് ഒരു ഐ.എ.എസു കാരനെയാണ്. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി, ഐ.ടി വകുപ്പ് സെക്രട്ടറി എന്നി സ്ഥാനങ്ങളില്‍ നിന്നും എം.ശിവശങ്കറിനെ നീക്കി.
മുഖ്യമന്ത്രിയുടെ ഓഫീസിലെ സ്വാധീനം ഉപയോഗപ്പെടുത്തി സരിത പലരില്‍ നിന്നും പണം തട്ടിയെടുത്തുവെന്നതാണ് മറ്റൊരു ആരോപണം. എന്നാല്‍ സ്വര്‍ണകടത്തു കേസില്‍ ഇത് കുറച്ചുകൂടി ഗുരതരമായ വിഴ്ചയാണ് കാണിക്കുന്നത്. പത്താം ക്ലാസ് യോഗ്യതപോലുമില്ലാത്ത കുറ്റാരോപിതയാ സ്വപ്‌നക്ക് മുഖ്യമന്ത്രിയുടെ ഐ.ടി വകുപ്പില്‍ ഉയര്‍ന്ന ജോലിയും സ്വാധീനവും. ഇവരുടെ നിയമനത്തിനായി മുഖ്യമന്ത്രിയും ഐ.ടി. സെക്രട്ടറിയായ എം. ശിവശങ്കറും നേരിട്ടു ഇടപെടുകയും ചെയ്തു. സോളാര്‍ കേസില്‍ മുഖ്യമന്ത്രി ഉമ്മന്‍ചാണ്ടിയുടെ രാജി ആവശ്യപ്പെട്ട് അതിശക്തമായ സമരമാണ് പ്രതിപക്ഷം നടത്തിയത്. ജുഡിഷ്യല്‍ അന്വേഷണം ആവശ്യപ്പെടുകയും ചെയ്തു. അവസാനം രാജി വച്ചില്ലെങ്കിലും ജുഡീഷ്യല്‍ അന്വേഷണം എന്നാവശ്യം സര്‍ക്കാര്‍ അംഗീകരിച്ചു. അന്വേഷണവും നടന്നു റിപ്പോര്‍ട്ടും സമര്‍പ്പിച്ചു. പക്ഷേ പ്രതിപക്ഷം ഭരണപക്ഷമായിട്ടും ഒന്നും എവിടെയും എത്തിയില്ല. ആകെ നടത്ത് തിരഞ്ഞെടുപ്പില്‍ നേട്ടമുണ്ടാക്കാന്‍ എല്‍.ഡി.എഫിന് സാധിച്ചുവെന്നത് മാത്രം.
സ്വര്‍ണക്കടത്തു കേസില്‍ ഇപ്പോള്‍ ഉയരുന്ന പ്രതിപക്ഷത്തിന്റെ ആവശ്യവും മുഖ്യമന്ത്രിയുടെ ആവശ്യം തന്നെയാണ്. പക്ഷേ ജുഡിഷ്യല്‍ കമ്മിഷനില്‍ വിശ്വാസമില്ലാത്തുകൊണ്ടാണോയെന്നറിയില്ല അവര്‍ ആവശ്യപ്പെടുന്നത് കേന്ദ്ര സര്‍ക്കാരിന് കീഴിലുള്ള സി.ബി.ഐ അന്വേഷണമാണ്. ഈ സമാനതകള്‍ യഥാര്‍ചികമായിരിക്കാം. അപ്പോള്‍ ഇനിയും സ്വര്‍ണകടത്ത് കേസില്‍ ഒത്തിരി വെളിപ്പെടുത്തലുകള്‍ക്കായി കേരളം കാതോര്‍ക്കുകയാണ്.
https://www.facebook.com/Malayalivartha
