എന്‍.ഐ.എ പഴയ എന്‍.ഐ.എ അല്ല: നിയമഭേദഗതിയിലൂടെ കരുത്തരായി; ഇനി ഇപ്പോള്‍ പ്രതികള്‍ വിദേശത്താണെങ്കിലും അവിടെയെത്തി പൊക്കും; സ്വര്‍ണക്കടത്ത് കേസില്‍ എന്‍.ഐ.എ വിദേശത്തേക്ക് പോകും
എന്‍.ഐ.എ ഇപ്പോള്‍ കൂടുതല്‍ കരുത്തരാണ്. 2019ല്‍ നിയമം ഭേദഗതിയിലൂടെ മോദി സര്‍ക്കാര്‍ എന്‍.ഐ.എക്ക് കൂടുതല്‍ അധികാരങ്ങള്‍ നല്‍കി. ഇതോടെ കൂടുതല്‍ കരുത്താര്‍ജിച്ച എന്‍.ഐ.എ അതിനുശേഷം അന്വേഷിക്കുന്ന ഏറ്റവും പ്രധാനപ്പെട്ട കേസുകളിലൊന്നാകും തിരുവനന്തപുരം സ്വര്‍ണക്കടത്ത്. മുമ്പ് ഇന്ത്യയ്ക്കകത്തെ കേസുകള്‍ മാത്രമേ എന്‍.ഐ.എ.യ്ക്ക് അന്വേഷിക്കാന്‍ സാധിച്ചിരുന്നുള്ളൂ. ഇപ്പോള്‍ അന്താരാഷ്ട്ര ഉടമ്പടികളും മറ്റുരാജ്യങ്ങളിലെ ആഭ്യന്തര നിയമങ്ങളും പാലിച്ചുകൊണ്ട് വിദേശരാജ്യത്തും അന്വേഷണം നടത്താം.
മുംബൈ ഭീകരാക്രമണത്തിനുശേഷം 2008ലാണ് എന്‍.ഐ.എ. രൂപവത്കരിച്ചത്. അന്നത്തെ നിയമപ്രകാരം രാജ്യത്തിന്റെ പരമാധികാരം, സുരക്ഷ, ഐക്യം, വിദേശരാജ്യങ്ങളുമായുള്ള സൗഹൃദബന്ധം, അന്താരാഷ്ട്ര ഉടമ്പടി പ്രകാരമുള്ള കുറ്റകൃത്യങ്ങള്‍, കരാറുകള്‍, ഐക്യരാഷ്ട്രസഭയുടെയും അതിന്റെ ഏജന്‍സികളുടെയും മറ്റ് അന്താരാഷ്ട്ര സംഘടനകളുടെയും പ്രമേയങ്ങള്‍ എന്നിവയ്‌ക്കെതിരായി പ്രവര്‍ത്തിക്കല്‍ എന്നിവയുമായി ബന്ധപ്പെട്ട അന്വേഷണമായിരുന്നു എന്‍.ഐ.എ.യുടെ പരിധിയിലുള്ളത്. ആണവോര്‍ജ നിയമം, നിയമവിരുദ്ധ പ്രവര്‍ത്തനം തടയല്‍ നിയമം (യു.എ.പി.എ.), ഹൈജാക്കിങ് വിരുദ്ധ നിയമം തുടങ്ങിയവ പ്രകാരമുള്ള കേസുകളിലായിരുന്നു അധികാരം.
എന്‍.ഐ.എ.യ്ക്ക് കൂടുതല്‍ അധികാരം നല്‍കിയത് ചോദ്യംചെയ്ത് ഛത്തീസ്ഗഢ് സര്‍ക്കാര്‍ ഉള്‍പ്പെടെയുള്ളവര്‍ നല്‍കിയ ഹര്‍ജികള്‍ സുപ്രീംകോടതിയില്‍ തീര്‍പ്പുകാത്തുകിടക്കുകയാണ്. എന്‍.ഐ.എ. നിയമഭേദഗതി ചോദ്യംചെയ്ത് സോളിഡാരിറ്റി യൂത്ത് മൂവ്‌മെന്റ് ജനറല്‍ സെക്രട്ടറി എം. ഉമ്മറിന്റെ ഹര്‍ജിയില്‍ സുപ്രീംകോടതി കേന്ദ്രത്തിന് നോട്ടീസയച്ചിരുന്നു. നിയമത്തില്‍ പുതുതായി കൊണ്ടുവന്ന മനുഷ്യക്കടത്ത്, കള്ളനോട്ടടിക്കല്‍ എന്നിവ അതിന്റെ പ്രാഥമിക ലക്ഷ്യവുമായി ബന്ധമുള്ളതല്ലെന്നാണ് ഹര്‍ജിയിലെ പ്രധാനവാദം.
തിരുവനന്തപുരം സ്വര്‍ണക്കടത്ത് കേസില്‍ ഒരുപക്ഷേ എന്‍.എ.എക്കു ലഭിച്ച കൂടുതല്‍ അധികാരങ്ങള്‍ ഗുണം ചെയ്‌തേക്കും. അതുകൊണ്ടു തന്നെ കേസില്‍ മൂന്നാം പ്രതി ഫൈസല്‍ ഫരീദിനെ തേടി എന്‍.ഐ.എ യു.എ.ഇയില്‍ എത്താനും സാധിക്കും. ഫൈനല്‍ ഫരീദിനു വേണ്ടിയാണ് സ്വര്‍ണം കടത്തിയതെന്ന സരിത്തിന്റെ മൊഴിയുടെ അടിസ്ഥാനത്തിലാ് ഇയാളെ പ്രതി ചേര്‍ത്ത്. ഫൈസലാണ് കോണ്‍സുലേറ്റിന്റെ പേരില്‍ ബാഗേജ് അയച്ചതെന്നാണ് സരിത്ത് മൊഴി നല്‍കിയത്. കൊച്ചി സ്വദേശിയാ ഫൈസല്‍ യു.എ.ഇയില്‍ കസ്റ്റംസ് ഫോര്‍വേഡിങ് എജന്റിന്റെ കീഴില്‍ ജോലിചെയ്യുന്ന ജീവനക്കാരനെ സ്വീധിച്ചാണ് നയതന്ത്ര ബാഗേജിലൂടെ സ്വര്‍ണക്കടത്തിന് വഴിയൊരുക്കിയെന്നാണ് കരുതുന്നത്. ഈ സാഹര്യങ്ങളെ കുറിച്ച് അന്വേിക്കാന്‍ എന്‍.ഐ.എ യു.എ.ഇയില്‍ എത്തുമെന്നാണ് സൂചന. കൂടാതെ അടുത്ത കാലത്തായി യു.എ.ഇയില്‍ നിന്നും ഇന്ത്യയിലേക്ക് നടന്ന എല്ലാ സ്വര്‍ണകടത്തുകളെ സമഗ്ര അന്വേഷണവും നടക്കും.
സംസ്ഥാന പൊലീസ് അന്വേഷിക്കുന്ന കേസുകള്‍ എന്‍.ഐ.എയ്ക്കു കൈമാറുമ്പോള്‍ കേസ് ഡയറി അടക്കമുള്ള രേഖകള്‍ വൈകിയാണു കൈമാറാറ്. അതിനാല്‍ അന്വേഷണം ആരംഭിക്കാന്‍ കാലതാമസമെടുക്കും. എന്നാല്‍, സ്വര്‍ണക്കള്ളക്കടത്തു കേസ് കേന്ദ്ര ഏജന്‍സിയായ കസ്റ്റംസില്‍ നിന്ന് അതിവേഗം ഏറ്റെടുക്കാന്‍ എന്‍.ഐ.എയ്ക്കു കഴിഞ്ഞു. സ്വപ്‌ന ഹൈക്കോടതിയില്‍ മുന്‍കൂര്‍ജാമ്യാപേക്ഷ നല്‍കിയതിനാല്‍ വിധി വരുംവരെ എന്‍.ഐ.എ കാത്തിരിക്കുമെന്നായിരുന്നു പൊതുവിലയിരുത്തല്‍. പ്രതികള്‍ മുന്‍കൂര്‍ ജാമ്യാപേക്ഷ നല്‍കിയാല്‍ സംസ്ഥാന പോലീസ് കോടതി വിധി വരെ അറസ്റ്റ് ഒഴിവാക്കി കാത്തിരിക്കാറാണു പതിവ്. എന്നാല്‍ എന്‍.ഐ.എ ഈ കീഴ്‌വഴക്കവും മറികടന്നു.
https://www.facebook.com/Malayalivartha
