പിടിവീഴാതിരിക്കാന്... കോവിഡ് ബാധ സംസ്ഥാനത്ത് അതിരൂക്ഷമായിരിക്കെ നേരം ഇരുട്ടി വെളുക്കും മുമ്പ് 14 ജില്ലകളിലും നിരോധനാജ്ഞ പുറപ്പെടുവിച്ച് കളക്ടര്മാര്; പൊതുഗതാഗതത്തിന് നിയന്ത്രണമില്ല, ബാങ്കുകള് പ്രവര്ത്തിക്കും, അഞ്ചു പേരില് കൂടുതല് കൂട്ടംകൂടാന് പാടില്ല; നമ്മള് പാലിക്കേണ്ടതെന്തൊക്കെ
സംസ്ഥാനത്ത് കോവിഡ് ബാധ കുതിച്ചുയരുകയാണ്. ഇന്നലെ ഒമ്പതിനായിരത്തിലധികം കോവിഡ് രോഗികളാണ് സംസ്ഥാനത്തുണ്ടായത്. 4 ജില്ലകളില് പ്രതിദിന കോവിഡ് ബാധിതരുടെ എണ്ണം 1000 കടക്കുകയും ചെയ്തു. ലോക് ഡൗണിലേക്ക് പോയാല് സര്വതും നിലയ്ക്കും. അതിനാല് തന്നെ വളരെ ശ്രദ്ധയോടെ കോവിഡിനെ നിയന്ത്രിക്കുക എന്നതാണ് വളരെ പ്രധാനം. കോവിഡ് അതിവേഗം പടരുന്ന സാഹചര്യത്തില് സംസ്ഥാനത്ത് നിരോധനാജ്ഞ പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം, എറണാകുളം, കോട്ടയം, കോഴിക്കോട്, ഇടുക്കി, പാലക്കാട്, മലപ്പുറം, തൃശൂര്, ആലപ്പുഴ, പത്തനംതിട്ട എന്നീ ജില്ലകളില് ശനിയാഴ്ച രാവിലെ മുതല് നിരോധനാജ്ഞ പ്രഖ്യാപിച്ച് ജില്ലാ കലക്ടര്മാര് ഉത്തരവ് പുറപ്പെടുവിച്ചിരുന്നു. കണ്ണൂര്, വയനാട് ജില്ലകളിലും നിരോധനാജ്ഞ പ്രഖ്യാപിച്ചതോടെ സംസ്ഥാനത്ത് മുഴുവന് നിരോധനാജ്ഞ നിലവില് വന്നു.
പൊതുഗതാഗതത്തിന് നിയന്ത്രണമില്ല, ബാങ്കുകള് പ്രവര്ത്തിക്കും. അഞ്ചു പേരില് കൂടുതല് കൂട്ടംകൂടാന് പാടില്ല. ആരാധനാലയങ്ങളില് 20 പേര്ക്ക് അനുമതി. പൊതുചടങ്ങുകളിലും 20 പേര്ക്കു മാത്രമേ പങ്കെടുക്കാനാകൂ. കണ്ടെയ്!ന്മെന്റ് സോണുകളില് കടുത്ത നിയന്ത്രണങ്ങള് ഏര്പ്പെടുത്തും. നിരോധനാജ്ഞ പ്രഖ്യാപിച്ച് ജില്ലകളില് സമാന നിയന്ത്രണങ്ങളാണ് ഏര്പ്പെടുത്തിയിരിക്കുന്നത്.
പൊതുസ്ഥലങ്ങളില് അഞ്ചിലധികം ആളുകള് സ്വമേധയാ കൂട്ടംകൂടുന്നത് നിരോധിച്ചു. സിആര്പിസി 144 പ്രകാരമാണ് നിയന്ത്രണങ്ങള് ഏര്പ്പെടുത്തിയിരിക്കുന്നത്. കണ്ടെയ്ന്മെന്റ് സോണായി പ്രഖ്യാപിച്ചിരിക്കുന്ന സ്ഥലങ്ങളില് നിയന്ത്രങ്ങള് കൂടുതല് ശക്തിപ്പെടുത്തി. ശനിയാഴ്ച രാവിലെ ഒന്പതു മുതല് നിയന്ത്രണങ്ങള് നിലവില് വരും. ഒക്ടോബര് 31 അര്ദ്ധരാത്രി വരെയാണ് നിയന്ത്രണങ്ങള് ഏര്പ്പെടുത്തിയിട്ടുള്ളത്.
കണ്ടെയ്ന്മെന്റ് സോണുകളില് വിവാഹം, ശവസംസ്കാരം എന്നിവയ്ക്കൊഴികെ അഞ്ചുപേരില് കൂടുതല് പങ്കെടുക്കുന്ന പൊതു പരിപാടികളോ കൂടിച്ചേരലുകളോ അനുവദിക്കില്ല. ഈ പ്രദേശങ്ങളില് വിവാഹം, ശവസംസ്കാരം എന്നിവയ്ക്ക് പരമാവധി 20 പേരെ പങ്കെടുപ്പിക്കാം. ഇന്ഡോര്, ഔട്ട്ഡോര് പരിപാടികള്ക്കും ഈ നിയന്ത്രണങ്ങള് ബാധകമായിരിക്കും. കണ്ടെയ്ന്മെന്റ് സോണുകളില് പലചരക്ക്, മരുന്ന്, പാല്, പച്ചക്കറി, മാംസം, മത്സ്യം എന്നിവയുടെ വിതരണവും റവന്യു, ആരോഗ്യം, പൊലീസ്, തദ്ദേശസ്വയംഭരണം, വൈദ്യുതി, ശുചീകരണം, ജലവിതരണം എന്നീ അവശ്യസര്വീസുകള് അനുവദിക്കും. അടിയന്തര മെഡിക്കല് സേവനങ്ങള്, അവശ്യ സാധനങ്ങളുടെ ലഭ്യത ഉറപ്പാക്കല് എന്നിവയ്ക്കൊഴികെ ആളുകള് കണ്ടെയ്ന്മെന്റ് സോണില് നിന്നും പുറത്തേക്കു പോകുന്നത് കര്ശനമായി നിയന്ത്രിക്കും. ഇതിനാവശ്യമായ നിയന്ത്രണ സംവിധാനങ്ങള് പോലീസ് ഏര്പ്പെടുത്തും.
കണ്ടെയ്ന്മെന്റ് സോണിനു പുറത്ത് അഞ്ചു പേരില് കൂടുതലുള്ള പൊതു പരിപാടികളോ കൂട്ടം ചേരലുകളോ അനുവദിക്കില്ല. സാമൂഹിക, സാംസ്കാരിക, രാഷ്ട്രീയ, വിദ്യാഭ്യാസ, മത ചടങ്ങുകള് എന്നിവയ്ക്കുള്ള ഇന്ഡോര് പരിപാടികളില് പരമാവധി 20 പേരെവരെ പങ്കെടുപ്പിക്കാം. പ്രാര്ത്ഥനാ ചടങ്ങുകള്ക്കും ശവസംസ്കാര ചടങ്ങുകള്ക്കും ഈ നിയന്ത്രണം ബാധകമായിരിക്കും. കണ്ടെയ്ന്മെന്റ് സോണിനു പുറത്ത് പരമാവധി 50 പേരെ പങ്കെടുപ്പിച്ച് വിവാഹ ചടങ്ങുകള് നടത്താം.
എന്നാല് പങ്കെടുക്കുന്ന എല്ലാപേരും സാമൂഹിക അകലം അടക്കമുള്ള കോവിഡ് പ്രോട്ടോക്കോള് നിര്ബന്ധമായും പാലിക്കണം. കണ്ടെയ്ന്മെന്റ് സോണ് അല്ലാത്ത ഇടങ്ങളില് കേന്ദ്ര സംസ്ഥാന സര്ക്കാരുകള് അനുവദിച്ചിട്ടുള്ള ഇളവുകള് കോവിഡ് പ്രോട്ടോക്കോള് പാലിച്ചും പങ്കെടുക്കുന്ന ആളുകളുടെ എണ്ണം നിയന്ത്രിച്ചും മാത്രമേ അനുവദിക്കൂ. പൊതുഗതാഗതം, സര്ക്കാര് സ്ഥാപനങ്ങള്, വാണിജ്യവ്യവസായ സ്ഥാപനങ്ങള്, ആശുപത്രികള് എന്നിവ സാമൂഹിക അകലം, ബ്രേക്ക് ദ ചെയിന് പ്രോട്ടോക്കോളുകള് പാലിച്ച് പ്രവര്ത്തിക്കാം.
ഒക്ടോബര് രണ്ടിനു മുമ്പ് പ്രഖ്യാപിച്ച പൊതു പരീക്ഷകള് മുന് നിശ്ചയിച്ചതനുസരിച്ച് നടത്താം. എന്നാല് കോവിഡ് പ്രോട്ടോക്കോള് ശക്തമായും പാലിക്കണം. ഇനി പ്രഖ്യാപിക്കാനുള്ള പരീക്ഷകള് ജില്ലാ ദുരന്തനിവാരണ അതോറിറ്റിയുടെ അനുമതിയോടെ മാത്രമേ ക്രമീകരിക്കാവൂ. എല്ലാ ബാങ്കുകളും കോവിഡ് പ്രോട്ടോക്കോള് അനുസരിച്ച് പ്രവര്ത്തിക്കണം. ബാങ്കുകള്, കടകള്, മറ്റു വ്യാപാര സ്ഥാപനങ്ങള് എന്നിവയ്ക്കു മുന്പില് ഒരേസമയം അഞ്ചുപേരില് കൂടുതല് അനുവദിക്കില്ല. അനാവശ്യമായി ആളുകള് പുറത്തിറങ്ങരുത്. കഴിയുന്നതും വീടുകളില്ത്തന്നെ കഴിയേണ്ടതാണ്. എങ്കില് കോവിഡ് ബാധ കുറച്ച് ഉടന് തന്നെ നമുക്ക് തിരിച്ചുവരാന് സാധിക്കും.
https://www.facebook.com/Malayalivartha
