പിആര്ഡി ഫാക്ട് ചെക്ക് സംഘത്തില് ശ്രീറാം വെങ്കിട്ടരാമന് ഐഎഎസിനെ ഉള്പ്പെടുത്തി : കൊലക്കേസ് പ്രതിയെ ഫാക്ട് ചെക്ക് സംഘത്തില് ഉള്പ്പെടുത്തിയതെന്തിനെന്ന് വിമര്ശനം
വ്യാജ വാര്ത്തകള് കണ്ടെത്താനുള്ള പിആര്ഡി ഫാട്ക് ചെക്ക് സംഘത്തില് ശ്രീറാം വെങ്കിട്ടരാമന് ഐഎഎസിനെ സര്ക്കാര് നിയമിച്ചതിനെതിരെ വന് വിമര്ശനം. മാധ്യമപ്രവര്ത്തകന് കാറിടിച്ച് കൊല്ലപ്പെട്ട കേസിലെ ഒന്നാം പ്രതിയായ ശ്രീറാമിന്റെ നിയമനത്തിനെതിരെ പ്രതിപക്ഷ നേതാവ് രമേശ് ചെന്നിത്തല ഉള്പ്പെടെ രംഗത്തെത്തി.
കഴിഞ്ഞ മാര്ച്ചിലാണ് സസ്പെന്ഷനിലായിരുന്ന ശ്രീറാമിനെ സര്വീസില് തിരിച്ചെടുത്തത്. ആരോഗ്യവകുപ്പില് ജോയിന്റ് സെക്രട്ടറിയായിട്ടായിരുന്നു പുതിയ നിയമനം.നിലവില് കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളുടെ ചുമതലയാണ്. ഇതിനിടെയാണ് പിആര്ഡിയുടെ ഫാക്ട് ചെക്ക് സംഘത്തിലും ശ്രീറാമിനെ ഉള്പ്പെടുത്തിയത്.
വ്യാജവാര്ത്തകള് കണ്ടെത്തി അവയ്ക്കെതിരെ നടപടിക്ക് കൈമാറുകയും സത്യാവസ്ഥ ജനങ്ങളെ അറിയിക്കുകയുമാണ് ഫാക്ട് ചെക്ക് സംഘത്തിന്റെ ഉത്തരവാദിത്തം. മുഖ്യമന്ത്രിയുടെ നിര്ദേശം അനുസരിച്ചാണ് പിആര്ഡി ഫാക്ട് ചെക്ക് വിഭാഗം രൂപീകരിച്ചത്.
കൊലക്കേസ് പ്രതിയെ വ്യാജ വാര്ത്തകള് കണ്ടെത്താന് നിയമിച്ചതെന്തിനാണെന്നാണ് വിമര്ശകര് ചോദ്യം ഉയര്ത്തുന്നത്. ശ്രീറാമിനെ നിയമിച്ചത് തെറ്റായ നടപടിയാണെന്നും സര്ക്കാര് പുന:പരിശോധിക്കണമെന്നും രമേശ് ചെന്നിത്തല ആവശ്യമുയര്ത്തി.
https://www.facebook.com/Malayalivartha
