ലൈഫ് മിഷന്‍ അഴിമതിക്കേസില്‍ എം ശിവശങ്കറിനെതിരെ എഞ്ചിനീയറുടെ മൊഴി. യുണിടാക്കിന് എല്ലാ സഹായവും ചെയ്തുകൊടുക്കാന്‍ ശിവശങ്കര്‍ പറഞ്ഞതായി വടക്കാഞ്ചേരി പദ്ധതിയുടെ ചുമതലയുള്ള വനിത എഞ്ചിനിയറാണ് വിജിലന്‍സിന് മൊഴി നല്‍കിയത്. പ്രധാന കരാര്‍ ഒപ്പിട്ട് രണ്ട് ദിവസത്തിന് ശേഷമാണ് ശിവശങ്കര്‍ ഫോണില്‍ വിളിച്ചത്. സര്‍ക്കാരിന്‍്റെ ഭാഗത്തുനിന്നുള്ള എല്ലാ സഹായവും ചെയ്യണമെന്ന് ശിവശങ്കര്‍ ആവശ്യപ്പെട്ടു. ശിവശങ്കര്‍ വിളിച്ചപ്പോഴാണ് യുണിടാക്കിനെ കുറിച്ച്‌ അറിയുന്നതെന്നും എഞ്ചിനീയറുടെ മൊഴിയില്‍ വ്യക്തമാക്കുന്നു.

അതേസമയം 2017ല്‍ യു.എ.ഇ കോണ്‍സുലേറ്റ് വഴി വന്ന ഈത്തപ്പഴം വിതരണം ചെയ്തതുമായി ബന്ധപ്പെട്ട് ശിവശങ്കറിനെ ക​സ്റ്റം​സ് വീ​ണ്ടും ചോ​ദ്യം​ചെ​യ്തു വി​ട്ട​യ​ച്ചു. മൂ​ന്നാം ത​വ​ണ ന​ട​ന്ന ചോ​ദ്യം ചെ​യ്യ​ല്‍ പ​തി​നൊ​ന്നു മ​ണി​ക്കൂ​ര്‍ നീ​ണ്ടു.

രാ​വി​ലെ 11ന് ​ആ​രം​ഭി​ച്ച മാ​ര​ത്ത​ണ്‍ ചോ​ദ്യം ചെ​യ്യ​ല്‍ രാ​ത്രി പ​ത്തോ​ടെ​യാ​ണ് അ​വ​സാ​നി​ച്ച​ത്. നേ​ര​ത്തെ ര​ണ്ടു​ത​വ​ണ​യാ​യി 17 മ​ണി​ക്കൂ​ര്‍ ശി​വ​ശ​ങ്ക​റെ ക​സ്റ്റം​സ് ചോ​ദ്യം​ചെ​യ്തി​രു​ന്നു.

കൊ​ച്ചി​യി​ലെ ക​സ്റ്റം​സ് പ്രി​വ​ന്‍റീ​വ് ക​മ്മീ​ഷ​ണ​റു​ടെ ഓ​ഫീ​സി​ല്‍ ക​മ്മീ​ഷ​ണ​ര്‍ സു​മി​ത് കു​മാ​റും സം​ഘ​വു​മാ​ണ് ശി​വ​ശ​ങ്ക​റെ ചോ​ദ്യം​ചെ​യ്ത​ത്. ക്ളീ​ന്‍​ചി​റ്റ് ന​ല്കാ​തെ​യാ​ണു മൂ​ന്നാ​മ​തും ശി​വ​ശ​ങ്ക​റെ വി​ട്ട​യ​ച്ചി​രി​ക്കു​ന്ന​ത്. മൊ​ഴി​ക​ളി​ല്‍ വ്യ​ക്ത​ത വ​രു​ത്തി​യ​ശേ​ഷം വീ​ണ്ടും ചോ​ദ്യം​ചെ​യ്യും.