സംസ്ഥാനത്തെ നടുക്കി ഇടുക്കിയില്‍ പീഡനത്തിന് ഇരയായ പെണ്‍കുട്ടി ആത്മഹത്യയ്ക്ക് ശ്രമിച്ചു. നരിയമ്ബാറ സ്വദേശിനിയായ പതിനേഴുകാരിയാണ് തീകൊളുത്തി ആത്മഹത്യയ്ക്ക് ശ്രമിച്ചത് എന്നാണ് ലഭ്യമാകുന്ന വിവരം. ശരീരത്തിൽ 65 ശതമാനത്തോളം പൊള്ളലേറ്റ പെണ്‍കുട്ടിയെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ഇന്നലെ രാത്രിയിലായിരുന്നു സംഭവം നടന്നത്. വീട്ടില്‍ ആരും ഇല്ലാതിരുന്ന സമയത്ത് പെണ്‍കുട്ടി ആത്മഹത്യയ്ക്ക് ശ്രമിക്കുകയായിരുന്നുവെന്നാണ് ബന്ധുക്കൾ വ്യക്തമാക്കിയത്. ആദ്യം കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ച പെണ്‍കുട്ടിയെ ആരോഗ്യനില മോശമായതിനെ തുടര്‍ന്ന് കോട്ടയം മെഡിക്കല്‍ കോളജിലേക്ക് മാറ്റുകയാണ് ചെയ്തത്.

അതേസമയം പെണ്‍കുട്ടി ആത്മഹത്യയ്ക്ക് ഇരയായതിനെ തുടര്‍ന്ന ബന്ധുക്കള്‍ അയല്‍വാസിയായ യുവാവിനെതിരെ പരാതി നല്‍കുകയായിരുന്നു. പൊലീസ് പ്രതിക്കെതിരെ നടപടികള്‍ ആരംഭിച്ചതിനെ തുടര്‍ന്ന് പ്രതി യുവാവ് ഒളിവില്‍ പോവുകയുണ്ടായി.