മുന് ഐ.ടി. സെക്രട്ടറി എം. ശിവശങ്കറും അദ്ദേഹത്തിന്റെ ചാര്ട്ടേഡ് അക്കൗണ്ടന്റ് പി. വേണുഗോപാലും തമ്മിലുള്ള വാട്സാപ്പ് ചാറ്റുകളില് ചില ഭാഗങ്ങള് പുറത്ത്....
മുന് ഐ.ടി. സെക്രട്ടറി എം. ശിവശങ്കറും അദ്ദേഹത്തിന്റെ ചാര്ട്ടേഡ് അക്കൗണ്ടന്റ് പി. വേണുഗോപാലും തമ്മിലുള്ള വാട്സാപ്പ് ചാറ്റുകളില് ചില ഭാഗങ്ങള് പുറത്ത്. സ്വപ്നയുടെ ഇടപാടുകള് ശിവശങ്കര് അറിഞ്ഞിരുന്നു എന്ന നിഗമനത്തിലേക്കും കേസില് തുടര്നടപടികളിലേക്കും അന്വേഷണ ഏജന്സികള് നീങ്ങിയതില് പ്രധാനമാണ് ഈ ഡിജിറ്റല് തെളിവുകള്. സ്വപ്നയുടെ ലോക്കറിലെ പണമിടപാടുകള് താനറിഞ്ഞിരുന്നില്ലെന്ന് ശിവശങ്കര് നല്കിയ മൊഴിയെ ഖണ്ഡിക്കുന്നതാണ് ചാറ്റുകള്.
വേണുഗോപാല് ഓരോ വിവരവും ശിവശങ്കറിനെ അറിയിച്ചിരുന്നുവെന്ന് ചാറ്റുകളില് വ്യക്തമാകുന്നു. ശിവശങ്കര് അറിയാതെ സ്വപ്നയുടെ പണമിടപാടുകള് വേണുഗോപാല് വഴി നടന്നിട്ടില്ലെന്നും തെളിയുന്നു. എന്ഫോഴ്സമെന്റ് ഡയറക്ടറേറ്റ് ആണ് വാട്സാപ്പ് ചാറ്റ് സംബന്ധിച്ച വിവരങ്ങള് കോടതിയില് സമര്പ്പിച്ചിരിക്കുന്നത്. കസ്റ്റംസിന്റെ ആദ്യഘട്ട ചോദ്യംചെയ്യല് വിവരങ്ങളും ഇരുവരും പങ്കുവെച്ചിട്ടുണ്ട്. ഇതിലും ലോക്കറിനെക്കുറിച്ചുള്ള ആശങ്കകള് ശിവശങ്കര് ഉന്നയിച്ചിട്ടുണ്ട്.
കുറ്റപത്രം സമര്പ്പിക്കുന്നതുവരെ അവധിയെടുക്കാനും സാധിക്കുമെങ്കില് തിരുവനന്തപുരം നഗരം വിടാനും നാഗര്കോവിലിലോ മറ്റോ പോകാനും വേണുഗോപാലിനെ ഉപദേശിക്കുന്നുമുണ്ട്. കേസെടുത്താല് വേണുഗോപാല് സാക്ഷിപ്പട്ടികയിലായിരിക്കും എന്ന് ശിവശങ്കറിന്റെ ദീര്ഘവീക്ഷണവും ചാറ്റിലുണ്ട്. ഇ.ഡി. സമര്പ്പിച്ച പ്രാഥമിക കുറ്റപത്രത്തില് ശിവശങ്കര് പറഞ്ഞതുപോലെ വേണുഗോപാലിനെ സാക്ഷിയായാണ് ഉള്പ്പെടുത്തിയിരിക്കുന്നത്.
"
https://www.facebook.com/Malayalivartha
