കളിയിറക്കല്ലേ സാറെ... സിപിഐ നേതാവ് കാനത്തിനെ കളത്തിലിറക്കി സിബിഐയെ കളത്തിന് പുറത്താക്കാമെന്നുള്ള മോഹം നടക്കാന് സാധ്യത കുറവ്; നിയമമാകാന് ഗവര്ണറുടെ അനുമതി വേണമെന്നിരിക്കെ ആരിഫ് മുഹമ്മദ് ഖാന്റെ നിലപാട് നിര്ണായകമാകും
കേരള മഹാരാജ്യത്ത് ഒരു ഗവര്ണര് ഉണ്ടെന്ന് നാലാള് അറിഞ്ഞത് ആരിഫ് മുഹമ്മദ് ഖാന് വന്നതോടെയാണ്. തന്റെ നിലപാടില് നിന്നും അണുകിട മാറാതെ സര്ക്കാരിനേയും പാര്ട്ടിയേയും വെള്ളം കുടുപ്പിച്ചയാളാണ് ഗവര്ണര് ആരിഫ് മുഹമ്മദ് ഖാന്. തോല്ക്കാന് മനസില്ലാതെ രാജ്ഭവനില് ചാനലുകാറെ വിളിച്ച് ലൈവായി ഇന്റര്വ്യൂ നല്കി ഞെട്ടിപ്പിച്ചു. അവസാനം പാട്ടിയും സര്ക്കാരും തണുത്തതോടെ ഗവര്ണറും തണുത്തു.
ഇപ്പോള് സഖാക്കള്ക്ക് തന്നെ വിനയായിരിക്കുന്നത് സിബിഐയുടെ വരവാണ്. ചുമ്മാതെ അന്വേഷണം നടത്തുന്ന സിബിഐയെ എന്തിന് പൂട്ടിടണം എന്നാണ് അരിയാഹാരവും ചപ്പാത്തിയാഹാരവും കഴിക്കുന്നവര് ചിന്തിക്കുന്നത്. കേരളത്തില് പ്രമാദമായ ഏത് കേസായാലും ഉടന് ഭരണപ്രതിപക്ഷം നോക്കാതെ പറയുന്നതാണ് സിബിഐ വരട്ടേയെന്ന്. സിബിഐ വന്നോട്ടെ പക്ഷെ നേരിട്ട് വരരുതെന്നാണ് പറയുന്നത്. ഞങ്ങള് വിളിക്കും അല്ലാതെ വിളിക്കാത്ത കല്യാണത്തിന് വന്നാല് പൂട്ടണം എന്നാണ് പറയുന്നത്. സിബിഐക്ക് തടയിടാന് സിപിഐ തന്നെ രംഗത്തെറങ്ങി. കാനം ശക്തമായ ഭാഷയിലാണ് സിബിഐയെ വിമര്ശിച്ചത്.
അതോടെ കേരളത്തിലെ കേസുകള് നേരിട്ട് ഏറ്റെടുക്കാന് സി.ബി.ഐ.ക്ക് നല്കിയ പൊതുസമ്മതം പിന്വലിക്കാന് സര്ക്കാര് ആലോചന തുടങ്ങി. ഉടന് തീരുമാനമുണ്ടാവും. ഇതിന് പ്രത്യേക നിയമനിര്മാണം വേണ്ടാ. മന്ത്രിസഭ തീരുമാനിച്ച് ഉത്തരവിറക്കിയാല് മതിയത്രെ. പൊതുസമ്മതം പിന്വലിക്കാന് അനുകൂല നിയമോപദേശം കിട്ടിയതായി ഉന്നതവൃത്തങ്ങള് പറഞ്ഞു.
സി.ബി.ഐ.യെ കേന്ദ്രസര്ക്കാര് രാഷ്ട്രീയപകപോക്കലിന് ആയുധമാക്കുന്നുവെന്നാണ് സര്ക്കാരിന്റെയും സി.പി.എമ്മിന്റെയും വിമര്ശനം. അതിനാല് ബി.ജെ.പി. ഇതര കക്ഷികള് ഭരിക്കുന്ന സംസ്ഥാനസര്ക്കാരുകള് ചെയ്തതുപോലെ കേരളത്തിലും വിലക്ക് ഏര്പ്പെടുത്തുന്നത് പരിശോധിക്കണമെന്ന് സി.പി.എം. സംസ്ഥാന സെക്രട്ടേറിയറ്റ് കഴിഞ്ഞദിവസം സര്ക്കാരിനോട് ആവശ്യപ്പെട്ടിരുന്നു. സി.പി.ഐ. സംസ്ഥാനസെക്രട്ടറി കാനം രാജേന്ദ്രനും ഈ നിര്ദേശത്തെ പിന്തുണച്ചു.
2017ലാണ് കേസുകള് സ്വമേധയാ ഏറ്റെടുക്കാനുള്ള പൊതുസമ്മതം കേരളസര്ക്കാര് നല്കിയത്. അത് മറ്റൊരു ഉത്തരവിലൂടെ പിന്വലിക്കാം. എന്നാല്, അതോടെ സി.ബി.ഐ.യെ സംസ്ഥാനത്ത് പൂര്ണമായും വിലക്കാനാവില്ല. പുതുതായിവരുന്ന ഓരോ കേസിനും സി.ബി.ഐ. പ്രത്യേകം അനുവാദം വാങ്ങണം. സര്ക്കാരിനു താത്പര്യമില്ലെങ്കില് അനുമതി നിഷേധിക്കാം. അങ്ങനെവന്നാല് സി.ബി.ഐ.ക്കു കോടതിയെ സമീപിക്കേണ്ടിവരും. നിലവിലുള്ള കേസുകളും കേന്ദ്രസര്ക്കാര് ഉദ്യോഗസ്ഥര് ഉള്പ്പെട്ട അഴിമതിക്കേസുകളും സി.ബി.ഐ.ക്ക് നേരിട്ട് ഏറ്റെടുക്കാം.
ആന്ധ്രാപ്രദേശ്, രാജസ്ഥാന്, പശ്ചിമബംഗാള്, ഛത്തിസ്ഗഢ്, ബംഗാള് സര്ക്കാരുകള് പൊതുസമ്മതം പിന്വലിച്ചിട്ടുണ്ട്. ശിവസേന എന്.സി.പി.കോണ്ഗ്രസ് സഖ്യം ഭരിക്കുന്ന മഹാരാഷ്ട്രയും കഴിഞ്ഞദിവസം സി.ബി.ഐ.യെ വിലക്കി ഉത്തരവിറക്കി. ഈ സാഹചര്യത്തില് കേരളം ഇനിയും സമ്മതം തുടരേണ്ടതില്ലെന്ന നിലപാടാണ് സര്ക്കാരിന്.
സ്വര്ണക്കടത്തുമായി ബന്ധപ്പെട്ട് കേന്ദ്ര ഏജന്സികളുടെ അന്വേഷണങ്ങളുടെ ഇടയിലാണ് സംസ്ഥാന സര്ക്കാര്. ലൈഫ് പദ്ധതിയിലെ ക്രമക്കേട് സി.ബി.ഐ. അന്വേഷിക്കുന്നതിനെ കേരളം കോടതിയില് എതിര്ത്തിട്ടുണ്ട്. പെരിയ ഇരട്ടക്കൊലക്കേസ് അന്വേഷണം സി.ബി.ഐ.ക്കു വിട്ടുകൊടുത്ത വിധിക്കെതിരേ അപ്പീല് നല്കിയിട്ടുമുണ്ട്. തെരഞ്ഞെടുപ്പടുത്ത സാഹചര്യത്തില് ഇതുവരെ എടുത്തതിനും അപ്പുറത്തേക്കുള്ള ചില നടപടികളിലേക്ക് സി.ബി.ഐ.യെ ഉപയോഗിച്ച് കേന്ദ്രം കടന്നേക്കുമെന്ന സൂചനയുണ്ട്. ഇതാണ് സഖാക്കളെ പേടിപ്പിക്കുന്നത്.
അതേസമയം ഇത് സംസ്ഥാനത്തെ നിയമമാകണമെങ്കില് ഗവര്ണറുടെ അംഗീകാരം വേണം. അഴിമതിയ്ക്കെതിരായി വരുന്ന ദേശീയ അന്വേഷണ ഏജന്സിയെ ഗവര്ണര് കണ്ണുമടച്ച് എതിര്ക്കില്ല. സംസ്ഥാന നാഥന് എന്ന നിലയ്ക്ക് ഗവര്ണര് അധികാരം പ്രയോഗിച്ചാല് തീര്ന്നു. അങ്ങനെ വന്നാല് സഖാക്കളുടെ സിബിഐ മോഹം മോഹമായി മാറും.
https://www.facebook.com/Malayalivartha
