തലയില് കൈവച്ച് സഖാക്കള്... സ്വപ്ന സുരേഷിന്റെ ഓഡിയോയില് നിയമോപദേശത്തെ തുടര്ന്ന് അന്വേഷണമേ വേണ്ടെന്ന് പറഞ്ഞിരുന്ന പോലീസ് നിലപാട് മാറ്റി; ഋഷിരാജ് സിംഗിന്റെ ഒന്നൊന്നര ഇടപെടല് ഫലം കണ്ടു; വളരെ പെട്ടന്ന് അന്വേഷണം പ്രഖ്യാപിച്ചു; ക്രൈം ബ്രാഞ്ച് പ്രാഥമിക അന്വേഷണം തുടങ്ങി
ചക്കിന് വച്ചത് കൊക്കിന് മാത്രമല്ല കുളംകോഴിക്കും കൊണ്ട അവസ്ഥയാണ് സഖാക്കള്. സ്വപ്നയുടെ ശബ്ദത്തിലൂടെ സര്ക്കാരിന് നല്ല പോരുണ്ടാക്കി വരികയായിരുന്നു. അപ്പോഴാണ് നേരം വെളുക്കും മുമ്പ് ജയില് ഡിജിപിയായ ഋഷിരാജ് സിംഗിന്റെ ഇടപെടല്. ജയില് ഡിഐജിയെ ജയിലിലയച്ച് സ്വപ്നയുടെ മൊഴിയെടുത്ത് അന്വേഷണം വേണമെന്ന് ഡിജിപിക്ക് കത്ത് നല്കി. എന്നാല് നിയമോപദേശത്തിനാണ് പോലീസ് പോയത്. അന്വേഷണം നടത്തിയാല് പലരും വെട്ടിലാകുമെന്ന പ്രചാരണമുണ്ടായി. അതേടെ അന്വേഷണം തണുത്തു. എന്നാല് ഇഡിയുടെ കത്ത് വന്നതോടെ ഋഷിരാജ് സിംഗ് ഒന്നൊന്നര ഇടപെടല് വീണ്ടും നടത്തി. അന്വേഷണം നടത്തിയേ മതിയാകൂ. ഈ അന്വേഷണ റിപ്പോര്ട്ട് കിട്ടിയാല് മാത്രമേ ഇഡിക്ക് മറുപടി കൊടുക്കാന് പറ്റുള്ളൂ. അതോടെ എല്ലാം പോലീസിന്റെ തലയിലായി.
അങ്ങനെയാണ് സ്വര്ണക്കടത്തു കേസ് പ്രതി സ്വപ്ന സുരേഷിന്റേതെന്ന പേരില് പുറത്തുവന്ന വിവാദ ശബ്ദരേഖ സംബന്ധിച്ചു െ്രെകംബ്രാഞ്ച് അന്വേഷണത്തിന് ഉത്തരവായത്. പ്രത്യേക അന്വേഷണസംഘം രൂപീകരിക്കുമെന്ന് ഡിജിപി ലോകനാഥ് ബെഹ്റ അറിയിച്ചു. െ്രെകംബ്രാഞ്ചിനാണ് ചുമതലയെങ്കിലും ഹൈടെക് സെല്ലിന്റെ ചുമതലയുള്ള റൂറല് എഎസ്പി ഇ.എസ്. ബിജിമോന്റെ നേതൃത്വത്തിലാകും അന്വേഷണം.
എന്ഫോഴ്സ്മെന്റ് ഡയറക്ടറേറ്റിന്റെയും ഋഷിരാജ് സിംഗിന്റേയും കര്ശന നിലപാടാണ് അന്വേഷണത്തിനു വഴിതുറന്നത്. ജയിലിലുള്ള പ്രതിയുടെ ശബ്ദരേഖ പുറത്തുവന്നതെങ്ങനെയെന്ന് അന്വേഷിക്കണമെന്ന് ഇഡി ജയില് ഡിജിപി ഋഷിരാജ് സിങ്ങിനു കത്ത് നല്കിയിരുന്നു. അദ്ദേഹം അതു ബെഹ്റയ്ക്കു കൈമാറിയതിനു പിന്നാലെയാണ് അന്വേഷണം പ്രഖ്യാപിച്ചത്.
ശബ്ദരേഖ എവിടെവച്ച്, ആരു റെക്കോര്ഡ് ചെയ്തെന്ന് കണ്ടുപിടിക്കണമെന്നും ജയില് വകുപ്പിന്റെ വിശ്വാസ്യത സംരക്ഷിക്കേണ്ടതുണ്ടെന്നും ചൂണ്ടിക്കാട്ടി ഋഷിരാജ് സിങ് നേരത്തേ ബെഹ്റയ്ക്കു കത്ത് നല്കിയിരുന്നെങ്കിലും പൊലീസ് അന്വേഷണം തുടങ്ങിയിരുന്നില്ല. സ്വപ്നയുടെ പരാതി ലഭിച്ചാലേ അന്വേഷണത്തിന്റെ കാര്യമുള്ളൂ എന്നായിരുന്നു നിലപാട്.
എന്നാല് സ്വര്ണക്കടത്ത് കേസ് അട്ടിമറിക്കാനുള്ള ആസൂത്രിത നീക്കമാണ് ശബ്ദസന്ദേശം പുറത്തുവിട്ടതിനു പിന്നിലെന്ന് ഇഡി നിലപാട് എടുത്തതോടെ അന്വേഷണം ഒഴിവാക്കാനാവില്ലെന്നായി. കേന്ദ്ര രഹസ്യാന്വേഷണ ഏജന്സികള് സമാന്തര അന്വേഷണം തുടങ്ങുകയും ചെയ്തു. ജുഡീഷ്യല് കസ്റ്റഡിയിലുളള പ്രതിയുടെ ശബ്ദസന്ദേശം പുറത്തുപോയതിന്റെ ദുരൂഹത കോടതിയെ ധരിപ്പിക്കാനും ഇഡി തീരുമാനിച്ചിട്ടുണ്ട്.
മുഖ്യമന്ത്രിക്കെതിരെ മൊഴി നല്കിയാല് മാപ്പുസാക്ഷിയാക്കാമെന്ന് അന്വേഷണ ഏജന്സികളിലൊന്ന് വാഗ്ദാനം ചെയ്തെന്നായിരുന്നു സ്വപ്നയുടേതായി പുറത്തുവന്ന സന്ദേശം. മുഖ്യമന്ത്രിയെ കുടുക്കാനുള്ള നീക്കത്തിനു തെളിവായി ശബ്ദരേഖ ചൂണ്ടിക്കാട്ടി സിപിഎം പ്രചാരണവും തുടങ്ങി.
ഇഡിയെക്കുറിച്ചാണു പരാമര്ശമെന്നു ശബ്ദരേഖയിലില്ലെങ്കിലും ഇതു പുറത്തുവിട്ട പോര്ട്ടല് അവതാരകയുടെ വിവരണത്തില് ഇഡിയെന്നു സൂചിപ്പിച്ചിരുന്നു. ഇതാണ് ശബ്ദസന്ദേശത്തിനു പിന്നില് ദുരൂഹതയുണ്ടെന്നു സംശയിക്കാന് ഒരു കാരണം.
അതേസമയം സ്വര്ണക്കടത്തുമായി ബന്ധപ്പെട്ട കള്ളപ്പണക്കേസില് മുഖ്യമന്ത്രിയുടെ അഡീഷനല് പ്രൈവറ്റ് സെക്രട്ടറി സി.എം. രവീന്ദ്രനെ എന്ഫോഴ്സ്മെന്റ് ഡയറക്ടറേറ്റ് ഈയാഴ്ച ചോദ്യം ചെയ്യും. നേരിട്ടു ഹാജരാകാനുള്ള പുതിയ നോട്ടിസ് നാളെ നല്കും. അങ്ങനെ കാര്യങ്ങള് കുഴഞ്ഞ് മറിയുകയാണ്.
"
https://www.facebook.com/Malayalivartha