സ്വര്‍ണക്കടത്തു കേസിലെ പ്രതി സ്വപ്ന സുരേഷും കൂട്ടരും നല്‍കിയ വ്യാജ പരാതിയില്‍ നടപടി നേരിട്ട എയര്‍ ഇന്ത്യ ഉദ്യോഗസ്ഥനായ സിബുവിന്റെ ജീവിതം സ്വര്‍ണക്കടത്തിനോടനുബന്ധിച്ച് നമ്മള്‍ വായിച്ചതാണ്. സിബുവിന്റെ പരാതിയില്‍മേല്‍ ക്രൈം ബ്രാഞ്ചാണ് അന്വേഷണം നടത്തിയത്. എന്നാല്‍ പല ഇടപെടലുകളും നടന്നതായി സിബു തന്നെ ആരോപിക്കുന്നു. അവസാനം ജോലിയില്‍ കയറിയ സിബുവിനെ അടുത്തിടെ എയര്‍ ഇന്ത്യ സസ്‌പെന്‍ഡും ചെയ്തു. എയര്‍ ഇന്ത്യ ഗ്രൗണ്ട് സര്‍വീസസ് ഓഫീസര്‍ എല്‍ എസ് സിബുവിനെയാണ് മാധ്യമങ്ങളോട് സംസാരിച്ചു എന്നാരോപിച്ച് സസ്‌പെന്‍ഡ് ചെയ്തത്. ഹൈദരാബാദിലാണ് സിബു ജോലി ചെയ്തു വന്നിരുന്നത്. കേസുമായി ബന്ധപ്പെട്ട് മാധ്യമങ്ങളെ അഭിസംബോധന ചെയ്തു എന്ന വിശദീകരണം നല്‍കിയാണ് സിബുവിന് എതിരെ എയര്‍ ഇന്ത്യ നടപടി എടുത്തിരിക്കുന്നത്.

സ്വപ്ന സുരേഷ് ഉള്‍പ്പെട്ട സംഘം നല്‍കിയ വ്യാജപരാതിയെ തുടര്‍ന്ന് കേസില്‍ അകപ്പെടുകയും നടപടിക്ക് വിധേയനാവുകയും ചെയ്ത ഉദ്യോഗസ്ഥനാണ് സിബു. തന്റെ പേരില്‍ ആരോപിക്കപ്പെട്ട കാര്യങ്ങളുടെ സത്യാവസ്ഥ കണ്ടെത്തണമെന്നാവശ്യപ്പെട്ട് അദ്ദേഹം സ്വപ്ന സുരേഷിനെതിരെ നല്‍കിയ പരാതിയില്‍ െ്രെകംബ്രാഞ്ച് അന്വേഷണം നടത്തി വരികയായിരുന്നു. ഈ കേസില്‍ കുറ്റപത്രം സമര്‍പ്പിക്കാനിരിക്കെയാണ് അദ്ദേഹത്തെ സസ്‌പെന്‍ഡ് ചെയ്തത്. കേസില്‍ എയര്‍ ഇന്ത്യ സാറ്റ്‌സിലെ മുന്‍ വൈസ് പ്രസിഡന്റ് ബിനോയ് ജേക്കബും പ്രതിയാണ്.

2015 ജനുവരിയിലാണ് എയര്‍ ഇന്ത്യ സാറ്റ്‌സിലെ 17 വനിതാ ജീവനക്കാരുടെ പേരില്‍ വ്യാജപരാതി തിരുവനന്തപുരം വിമാനത്താവള ഡയറക്ടര്‍ക്ക് ലഭിക്കുന്നത്. 2015 മാര്‍ച്ചില്‍ സിബുവിനെ ഹൈദരാബാദിലേക്ക് സ്ഥലംമാറ്റി. പരാതി പരിഗണിച്ച എയര്‍ ഇന്ത്യയുടെ ആഭ്യന്തര അന്വേഷണ സമിതി തന്റെ വാദങ്ങള്‍ പരിഗണിക്കാതെ കുറ്റക്കാരനായി കണ്ടെത്തിയതിനെത്തുടര്‍ന്നാണ് സിബു ക്രൈംബ്രാഞ്ചിന് പരാതി നല്‍കിയത്.

ഇപ്പോള്‍ സ്വപ്നയുടെ ശബ്ദരേഖ വന്നപ്പോള്‍ യാഥൃശ്ചികമായി കറങ്ങിത്തിരിഞ്ഞ് ഈ കേസും ക്രൈം ബ്രാഞ്ചിലേക്ക് തന്നെ എത്തുകയാണ്. അന്ന് സ്വപ്നയുടെ സ്വാധീനം കാരണം കാര്യമായി ചോദ്യം ചെയ്യാന്‍ കഴിഞ്ഞില്ലെന്ന പരാതിയുണ്ട്. അതിനൊരു മധുര ഉത്തരം കൂടിയായിരിക്കും ഈ ചോദ്യം ചെയ്യല്‍.

സ്വര്‍ണക്കടത്ത് കേസ് പ്രതി സ്വപ്ന സുരേഷിന്റേതായി പ്രചരിക്കുന്ന ശബ്ദരേഖയെക്കുറിച്ചുള്ള അന്വേഷണം ക്രൈംബ്രാഞ്ച് ഇന്ന് തുടങ്ങും. ശബ്ദരേഖയുടെ ആധികാരികത ഉറപ്പിക്കുകയാണ് ആദ്യ ലക്ഷ്യം. സ്വപ്നയുടെ മൊഴി വീണ്ടും രേഖപ്പെടുത്താനും ആലോചന തുടങ്ങി.

ഗുരുതര ആരോപണവും ഒട്ടേറെ ദുരൂഹതകളും അടങ്ങിയതാണ് സ്വപ്നയുടേതെന്ന് കരുതപ്പെടുന്ന ശബ്ദരേഖ. ശബ്ദത്തെ ചൊല്ലി രാഷ്ട്രീയ വിവാദം മുറുകിയെങ്കിലും ആധികാരികമായ അന്വേഷണം ഇതുവരെ ഉണ്ടായിരുന്നില്ല. ആദ്യം അന്വേഷിക്കില്ലന്ന് നിലപാടെടുത്ത പൊലീസ് ഇ.ഡി നേരിട്ട് കത്ത് നല്‍കിയതോടെയാണ് ക്രൈംബ്രാഞ്ച് അന്വേഷണം പ്രഖ്യാപിച്ചത്.

ഹൈടെക് സെല്ലിലെ അഡീഷണല്‍ എസ്.പി ഇ എസ് ബിജുമോന്റെ നേതൃത്വത്തിലാണ് അന്വേഷണം. ശബ്ദരേഖ സ്വപ്ന യുടേതാണൊയെന്ന് ഉറപ്പാക്കുകയാണ് ആദ്യ ലക്ഷ്യം. ഇതിനായി ജയിലിലെത്തി സ്വപ്ന യു ടെ മൊഴി രേഖപ്പെടുത്തും. കോടതി അനുമതി തേടിയ ശേഷമാവും മൊഴിയെടുപ്പ്. ശബ്ദം സ്വപ്നയുടെ താണന്ന് ഉറപ്പിച്ചിട്ടില്ലന്നാണ് ജയില്‍ വകുപ്പിന്റെ റിപ്പോര്‍ട്ട്. 35 സെക്കന്റ് ദൈര്‍ വ്യമാണ് പുറത്ത് വന്ന ശബ്ദരേഖക്കുള്ളത്. ഫൊറന്‍സിക് പരിശോധനക്ക് വിധേയമാക്കി ഇതില്‍ കൃത്രിമം ഉണ്ടോയെന്നും അന്വേഷിക്കും. എന്തായാലും ക്രൈം ബ്രാഞ്ചിന്റെ അന്വേഷണത്തിനായി കാതോര്‍ക്കുകയാണ് കേരളം.